حور رفعت نظرها : اكبر خيبه واجهتها بحياتي منه هو يا شوق وليه قاعده اعيش شعور الخيبه من الكل؟
شوق تنهدت : تعالي ماما جهزت الغداء نتغدا مع بعض اليوم ،
حور رفعت نظرها : شبعانه انا عليكم بالعافيه ،
شوق : اوف حور لا تخليني ازعل منك! امشي معي يلا ،
حور تنهدت وقامت معها ونطقت : بغير طيب ،
شوق : تمام نازله تحت انتظرك ، توجهت بتمشي لكن وقفتها حور وهمست : غرور فينها ما جت للحين ؟
شوق ابتسمت : والله قالت لماما انها راحت ل صحباتها ،
حور هزت راسها وصدت مشت تغير ،
شوق نزلت تحت وناظرت فيصل كان جالس على طاولة الطعام والشغاله ترتب الطاوله وتحط الصحون ، شوق مشت وهي تجلس : فينها ماما حتى بابا مو موجود ؟
فيصل : جاين الحين ، وسكت وهو يرجع يرفع نظره للدرج لعلها تنزل حور.
شوق لاحظت وهمست : راح تنزل تطمن ،
فيصل هز راسه ووقف بيقوم : اجل بمشي انا قبل تتنفس علي ،
شوق مسكته : فيصل تكفى خلاص اجلس !
فيصل اخذ نفس وهو يشوف امه و ابوه نازلين وجلس بصمت،
غازي مشى جلس ونطق : فين حور ما نزلت؟
شوق : كلمتها يبه الحين تجي ،
ام فيصل : بروح اشوفها و..ماكملت كلامها الا وحور نزلت من الدرج ونطقت : السلام عليكم ، الكل ردو السلام ،
الا فيصل مد يده ياكل من الرز بصمت ويناظر بالصحن ،
حور مشت جلست جنب شوق و رفعت نظرها لفيصل الي جالس قبالها وياكل ، شوق مدت الصحن لـ حور ،
حور ابتسمت بخفه وبدت تاكل وهي تسمع حوارهم ،
غازي : كلمت ناهل اني موافق ولا علي منه ،
ام فيصل : اي زين سويت دام كلنا موافقين ف خلاص ،
غازي : حاولت معه نتفاهم لكن ما يرضى ب ناس اقل منه ،
شوق همست لـ حور : الحين متى تنتهي هالسالفة؟
حور ابتسمت وناظرت لشوق: تقنعيني انك طفشتي ؟
فيصل رفع نظره يطالع فيها و ابتسم من شاف ابتسامتها ،
شوق : اي والله طفشت خايفه تصير هوشه ،
حور سكتت وكملت تاكل و توترت من لاحظت نظرات فيصل ،
فيصل : اي يبه خلاص دامنا موافقين ف وش علينا من عمي ولي فتره ابي اكلمك بموضوع ،
حور كانت ساكته ولا رفعت نظرها له ،
غازي : اي تكلم ايش الموضوع ؟
فيصل : سمعت عندهم بنت و ناوي اخطب ،
حور ناظرت بصدمه وشوق التفتت لامها مصدومه : يمه!
ام فيصل بهدوء : اي ما شاء الله عليها اريج ،
حور بلعت ريقها وتركت الاكل من يدها ووقفت : شبعت ،
فيصل رفع نظره يطالع فيها ،
شوق التفتت من شافت حور مشت ونطقت : منجدك فيصل!
فيصل بهدوء : اي منجدي وهذي خلي تنفعها الزعل ،
-
جاسر دخل القصر و غرور دخلت قبله ومشت وهي تحوس بين الملفات و رفعت نظرها : هذا القصر فاضي من اغراض..
جاسر دخل القصر و غرور دخلت قبله ومشت وهي تحوس بين الملفات و رفعت نظرها : هذا القصر فاضي من اغراض جدي،
جاسر هز راسه وهو يطالع فيها : عطيني اشوف الي بيدك ،
غرور هزت راسها بالنفي بتوتر وحطت الملف ورا ظهرها ،
جاسر عقد حواجبه : شكله اوراق الجريمة ،
غرور ما ردت عليه ومشت تحط الملف بين باقي الملفات وسحبت شنطتها ونطقت : طالعه انا ،
جاسر مسكها من ذراعها : وش كان بداخل الملف؟
غرور رفعت نظرها : دم ابوك ،
جاسر تركها ونطق : مايفرق مقابل دم ابوي اخذتك انتي ،
غرور بسخريه : حلو فيني امشي الحين؟
جاسر هز راسه بالنفي : ليه انا حاسس انك تلفين وتدورين حواليني؟
غرور سكتت وهي تناظر فيه وتتذكر كلامه ووقفت قدامه تطالع فيه : قلبي تناسى مبادي هيبته وثقله و اختار يحبك نيابة عنك وعني شرايك انت؟
جاسر بان اسنانه العلوي من ابتسامته ومد يده يمسح على شنبه ونطق : تكررين الاعتراف ؟
غرور رفعت كتوفها : هذا كان اعترافك انت بس اذكرك فيه ،
جاسر : والله ان مشاعري تنطلق لك سيل يا بنت ذياب عجزت اتحكم فيها ! ما اقول غير اللهم ان كان هذا سحراً ف ابطله ،
غرور ضحكت من اخر كلامه وصدت تطلع من القصر ،
وقف يطالع فيها لين اختفت من امامه وتوجه يلحقها ،
-
شوق : تكفين حور واضح انه كذاب يبي يعصبك !
حور : اجل قولي له انه ماعاد يهمني ،
شوق : خلينا منه تعالي رايحين المول ،
حور : شوق تكفين مالي خلق والله روحي انتي ،
شوق : حور امشييي معي والله طفشت من البيت ،
حور تنهدت ووقفت : خليني البس العباية ،
شوق : وانا بلبس و ارجع لك ، مشت طلعت نزلت تحت وناظرت لامها وفيصل وهمست : رايحين مول انا و حور ،
فيصل : مع مين ان شاء الله؟
شوق : انت خلك ب اريج لا تتدخل ،
فيصل : لا تتلقفين بزياده عشان ما اتصل على سطام يجي يحدد الموعد و ياخذك ،
شوق ناظرت بصدمه : يمه شوفي ولدك يهددني فيه من الحين!
فيصل : اي زي ما انتي ناشبه لزوجتي ،
شوق : ماهي زوجتك خلك في اريج ،
فيصل طلع جواله من جيبه : خليني ادور رقم سطام ،
ام فيصل ضحكت وهي تصب القهوة : لا تطفش اختك ،
فيصل رفع نظره وضحك من وصله صوت سطام : ياهلا ،
شوق فزت وهي تناظر ،
فيصل : اهلين سطام كيفك شالاخبار ،
سطام : والله بخير الله يسلمك ،
شوق رجفت قلبها وهي تسمع صوت سطام صدت وجلست جنب امها وهمست : يمه شوفي الحيوان! خليه يقفل !!
سطام : تخاويني رايح اشوف قاعه ،
فيصل ضحك وناظر لشوق : اي بالله بس ما قلت لي حددت موعد الملكه ؟
سطام : والله حددنا و نفكر نجيكم نشوف رايكم ،
فيصل : ابد حياكم والله ،
حور نزلت وهي لابسه عبايتها وقفت وهي تناظر ،
