وقف على حيله و رفع نظره للسماء ، الليل اللي تقسم ايام العمر نصفين من البحر دايم ينجون الغريق..المشكلة باللي على الارض وغرق! غريق الماء قد ينجو وقد يُنقذ وقد تلفظه الاقدار على اليابسة اما غريق الارض يجر ثقل الخطى والليل لو يوحي ما نام طرف الشجر والريح مبحوحه، صار رماد والحطب وحده يفهم برودة الكلمه.... رفع راسه وهو يلقط انفاسه والهبايب تصفق ضلوع صدره ، حط يدينه بجيبوبه من حس بوجود شخص وراه ، وثق بثبات وبلع ريقه ،
نايف وقف قدامه وعيونه يلمع بدموع : جاسر ،
جاسر ناظر فيه لثواني ونطق : نايف لا تضعف بس اوقف معي،
نايف نزل دموعه وقرب حضنه بقوه وهو يشد عليه ،
جاسر كان واقف بثبات ونطق : اسجنه يا نايف اسجنه ،
نايف عقد حواجبه بصدمه و رفع نظره له بصدمه ،
جاسر : راح توقف معي اوعدني يا نايف! انا صرت يتيم الاب بسببه! سنين يا نايف سنين وهو ما علمني الا اليوم!!
نايف نطق بخوف : وش ناوي تسوي؟
جاسر مد يده وهو يمسح على وجهه ونطق : راجع لك ، وصد وتوجه وهو يطلع ونايف التفت بصدمه وهو يطالع فيه ،
جاسر ركب سيارته وحرك ،
-
= في القصر =
غرور كانت جالسه عند المسبح الخارجي وتفكر بـ حور اخذت نفس ونطقت : يارب انك بخير يا حور ، التفتت على صوت السياره وعقدت حواجبها باستغراب وقفت بهدوء وفزت من دق الباب بهالطريقه! ونطقت بخوف : ءءميننن؟؟؟
جاسر بصراخ : افتحي الباب ،
شدت بيدينها على بلوفرها وتوجهت وهي تفتح الباب ،
"
-
فيصل دخل الغرفه وتوجه وهو يطلع يده من كُم الثوب وسحب الابرة الأنسولين وهو يحقنه بيده ويناظر بالمرايا،
حور كانت متوجه تطلع للحديقه الخارجيه لكن وقفت من شافت باب غرفته مفتوح عقدت حواجبها باستغراب وتوجهت وهي توقف عند الباب وتناظر فيه انصدمت وهي تشوف الابره الي حطه على الطاوله بعد ما خلص تجمدت بمكانها بصدمه ،
فيصل اخذ نفس ومد يده وهو يفتح ازارير ثوبه والتفت على صوتها اول ما نطقت : فيصل شتسوي؟
والتفت عليها باستغراب ومد يده لوراء ظهره وهو يسحب الابره من الطاوله ونطق : وش اسوي؟
حور بخوف : وش الي كان بيدك وشفيك وليه...قاطعه وهو يبتسم بخفه : امي نامت؟
حور : فيصل قاعده اسالك وشفيك و ايش الي كان بيدك!
فيصل هز راسه بالنفي : ولاشي اطلعي برا انام ،
حور توجهت وهي توقف قدامه : وش الي بيدك!!
فيصل ثبت يده ورا ظهره : حور اطلعي مصدع خليني انام ،
حور هزت راسها بالنفي ومدت يدها تسحب يده من ورا ظهره لكن فزت من سمعت صراخه : اطلعييي براااا ،
وقفت بصدمه وهي تطالع فيه ،
-
غرور تجمدت بمكانها ونطقت : اشهد زور ضد عمي!!!
غرور تجمدت بمكانها ونطقت : اشهد زور ضد عمي!!!
جاسر بحده : تشهدين شهادة زور ضده راح اسجنه ماراح اتركه،
غرور هزت راسها بالنفي والدموع تتجمع بعيونه : مستحيل ،
جاسر : مافي شي مستحيل بقاموسي و راح تشهدين زور ضده انتي و حور ونايف راح تشهدون ضده كلكم ،
غرور ناظرت فيه بتحدي : ماراح اسوي هالشيء مستحيل ،
جاسر : ان ما شهدتي ضده ف لا تتاملين خير فيني ،
غرور نزلت دموعها ونطقت : انا مو خايفه منكم ولا من احد انا خايفه من ربي مستحيل اشهد زور ضد...قاطعها جاسر وهو يبتسم بسخريه : تخافين من ربك؟ و ابوكِ ما خاف ربه يوم انه قتل..اخذ نفس وكمل : اذا ابوكِ ما دفع ثمن غلطته انتي تدفعين فاهمه! انتي ،
غرور : تبغاني اشهد زور ضد عمي ! اي انسان انت!! مين كبرك غيره مين اهتم فيك طول هالسنين م...ماكملت كلامها اول ما صارخ جاسر : ما يهمني شي فاهمه ما يهمنيي راح اسجنه انا راح اسجنه واخذ حق ابوي منه ومنكم كلكم ماراح ارحم احد ،
غرور بدموع : اطلع برا ي جاسر اطلععع برا ماراح اشهد ضده،
جاسر بحده : راح تشهدين اذا مو بالطيب ف بالاجبار ،
غرور : لا انا اشهد ولا اختي حور طلبتك لا تخلي اختي تسوي شيء كذا ي جاسر خاف ربك ،
جاسر : الانسان الي ظلمني ولا خاف ربه فيني ليه انا اخاف! و راح تشهدون زور ضده كلكم فاهمه كلكم ،
غرور رفعت نظرها بتحدي : ماراح اشهد ،
جاسر : راح تشهدين ي بنت القاتل راح تشهدين ،
غرور : ابوييي مو قاتل لاحد فاهم ابوي مووو قاتل!!
جاسر رفع اصبعه بتهديد : قدامك خيارين تشهدين زور ضده ولا تلقين مني شي مو من صالحك ،
غرور بحدها : لا تهددني ! ما اخاف من تهديدك انا يكفي حرمان هالسنين يكفي حرمتوني من اختي ليه ما تخافون من ربكم!!!
جاسر بسخريه : عمك حرمك من اختك بس كم سنه صح! ان ما شهدتي زور ضده راح احرمك من اختك العُمر كله راح اتزوج منها راح احرمك منها راح اخليها تشوف العذاب وصد وهو يطلع من الباب و متجاهل صراخها ،
غرور بصراخ : اترككك اختيييي مالها ذنب اختييي اتركهااا ،
جاسر وقف و التفت عليها : يا انا اعقد النكاح على اختك يا تشهدين زور ضده ! انا مافي شي صعب بحياتي راح اسويه ،
غرور نزلت دموعها ونطقت : الله يخليك اختييي لا تقربون منه ابعددد عن اختييي ابعد عنه !
جاسر توجه وهو يركب سيارته ، غرور وقفت عند الباب وهي تناظر فيه وتبكي و تهز راسها بالنفي ،
-
= في الديره =
عبدالعزيز دخل الغرفه وبيده المُخده واللحاف وناظر فيها كانت جالسه على السرير هنوف فزت من السرير ووقفت اول ما شافته وبلعت ريقها وهي تناظر فيه ونزلت راسها وصدت ،
عبدالعزيز بهدوء : ..
