غرور كانت واقفه بالقصر وبيدينها الاوراق وجواز سفر ام جاسر
سكتت بهدوء وهي تترك كل الاوراق من يدها والتفتت على خطوات شخص دخل وفزت والتفتت وهي تناظر ،
دخل نآهل وهو يناظر بحده : من وين جبت رقمي؟
غرور ابتسمت بسخريه وهي تناظر فيه : مو بس رقمك حتى عمرك يا عمي بس افكر جاسر يعرف عمرك كم؟
نآهل انصدم وهو يناظر فيها وكيف عرفت؟؟
غرور بحدها : جاسر بن خالد ولا جاسر بن نآهل يا عمي؟
نآهل تجمد بمكانه وهم يرص على سنونه بحده ،
غرور توجهت وهي تمد له الاوراق : تفضل هذا الحقيقه ،
و جواز السفر وكل التزوير الي سويتهم و ربطت اسمك باسمه!
نآهل مسك الورقه بيدينه وهم يرجف ويقرا ومسك الورقه بقوه وهو يشقها قدام عيونها و يرميهم قدامها ،
غرور حاولت ما تخاف ولا تستسلم و تقوي نفسها قدامه ،
نآهل : هالاوراق ولاشي عند افعال ابوكِ!
غرور بهدوء : ابوي ما سوا شي ولا تعمد بشيء ،
نآهل : وش متوقعه انتي يا بنت ذياب! اذا جاسر عرف الحقيقه راح يتركك؟ ماعندي مشكله انا راضي اي شي يسويه فيني لكن انتي فكرتي بنفسك! و فكرتي باختك حور؟
غرور رجفت بخوف من جاب طاري حور ،
نآهل : انتي عندك كل الادله لكن ما فكرتي هالادله راح تنهي حياتك وحياة اختك! حياة جاسر ما تدمر الا بسبب ابوكِ ،
غرور بلعت ريقها وهي تناظر ولا فكرت بهالشيء توقعت انه تهدده وبهالطريقه ترتاح منهم ما حسبت حساب شيء ،
ونطقت بحدها : ما اخاف ي عمي ما اخاف من شيء ،
نآهل هز راسه بـ اي وهو يتوجه يطلع من القصر ،
غرور تمسكت بفستانها وتوجهت وهي تجلس ،
رجع دخل نآهل ونطق : القاتل هو ذياب ،
غرور وقفت ونطقت بصراخ : ابوي مو قاتل لاحددد ،
نآهل بحده : لو ابوكِ ما سوا حادث ذيك الليله وما قتل ابوه ماكان انجبرت اتزوج من امه بس عشان تسامح ابوكِ!
غرور بدموع : جدي الي اجبرك تتزوج منها مو ابوي!
نآهل بسخريه : وليه جدك اجبرني! مو بسبب ابوكِ سوا هالحادث وقتل اب لطفل توه ما كمل سنتين! و فقير وامه انجبرت تسامح ابوكِ بس عشاني اتزوج منها و اربي الولد ،
غرور نزلت دموعها ونطقت : لو فعلًا تزوجت من امه عشان تربيه ماكان خلفت نايف منها بعد!!!
نآهل بحده : الذنب ذنب ابوكِ وصد وهو يطلع ،
غرور نزلت دموعها وتوجهت وهي تجلس وتبكي ،
نآهل مشى ركب سيارته بقهر وقفل الباب بقوه وهو يتنفس بصعوبه بسبب غلطه من ذياب وصل لذي الحاله! و انجبر يترك الانسانه الي يحبها انجبر يترك هنادي ويتزوج من ام جاسر لاجل ينقذ اخوه ذياب من السجن ولا ينسجن و ابوه اجبره يتزوج لاجل ام جاسر تتنازل وفعلًا ام جاسر تنازلت لاجل جاسر يتربى بـ عز و دلال غمض عيونه بضيق..
غمض عيونه بضيق وهو يتذكر لما خلف نايف منها بعد وتوفت وقت ولادتها تنهد وهو يحرك سيارته كذب على الكل بعمره لاجل جاسر ما يشك كيف الفرق بينه وبين ابوه ١٢ سنه فقط!
-
ام فيصل بهدوء : محد يتدمر غير بنات ذياب اذا عرف ،
غازي تنهد ونطق : لو ابوي ما اجبر نآهل ماكان صار كل هذا ،
ام فيصل : ابوك ماكان بيده شي ذياب كان متزوج وانت كنت متزوج مني وهو الوحيد الي اعزب لذلك اجبره ابوك ،
غازي : نآهل ترك الانسانه الي كان يحبها بسبب ابوي!
ام فيصل بهدوء : الحقيقه مهما خبيناه يا غازي يوم من الايام ينكشف كل شيء ،
غازي : هذا الي خايف منه لازم نستعجل بزواج حور وفيصل لاجل ما يقربون من حور اما غرور ماهي بيديني ،
ام فيصل رفعت نظرها من سمعت صراخه و ركضت وقفت تناظر من الشباك و غازي ركض طلع لبرا ،
نآهل بصراخ : جاسرررر ،
غازي ركض له : شفيك تصارخ جاسر مو موجود وشفيك؟
نآهل بحده : خله يعرففف القاتل خله يعرف مين ذبح ابوه ،
ام فيصل شهقت وحطت يدها على فمها و ركضت تمسك البنات لا يطلعون برا و يسمعون شيء ،
نايف كان طالع من البيت لكن وقف بصدمه وهو يسمع ،
غازي : قصر حسك يا نآهل اسكت لا يسمعونك ،
نآهل : انا يا غازي انا تهددني! وانا الي انقذت ابوها من السجن ولا كان الحين ميت اعدام في قبره ،
غازي بتوتر : نآهل الله يخليك اهدا شوي ،
-
جاسر وقف عند القصر وهو يطالع بحده وتوجه وهو يدق الباب، غرور كانت لابسه عبايتها وتبكي وتوجهت تمشي لبيت عنود لكن وقفت بصدمه من سمعت صوت الباب ومشت بهدوء وهي تفتح الباب فزت من شافته ، كان واقف ولابس بنطلون و تيشيرت كله اسود ونطق : فكرتي؟
غرور بحدها : ما فكرت ولا راح اخضع لكم ،
جاسر بسخريه : سمعت حور تحت يديني ،
غرور رفعت نظرها بصدمه ونطقت : وينها اختي!!!
جاسر : عندي اختك عندي وما تجيكِ الا بشخطة توقيع ،
غرور بصراخ : ويننن اختييي!! ايششش تبوننن منناااا ،
جاسر طلع جواله من جيبه وهو يتصل على حور ،
غرور شدت على يدينها وهي تحاول تمسك نفسها ،
حور ابتسمت و ردت : هلا جاسر توي كنت بنام ،
جاسر بهدوء : حور ، تعمد يسوي هالحركه ولانها عرف نقطة ضعفها اختها ، غرور شهقت من سمعت صوت حور ونطقت بصراخ : ح..سكت من جاسر مد يده لفمها يكتم صوتها ،
غرور دقت يده بقوه وهي تطالع كيف تجرا يسوي كذا! ،
وقفل الخط ونطق : اذا همك حياة اختك خلصيني ،
غرور بحدها : وانت اذا همك حياتك لا تخليني اتكلم ،
جاسر عقد حواجبه ونطق : طالعي فيني شوفيني كلي سواد ماعندي نقطه بيضاء بحياتي عشان تهدديني!
غرور بحدها : وانت بعد طالع فيني كلي بياض ماعندي نقطه سوداء...
جاسر عقد حواجبه ونطق : طالعي فيني شوفيني كلي سواد ماعندي نقطه بيضاء بحياتي عشان تهدديني!
غرور بحدها : وانت بعد طالع فيني كلي بياض ماعندي نقطه سوداء بحياتي عشان كذا لا تهددني لانك راح تندم ،
جاسر ضحك بسخريه : ما قالو لك اني جاسر بن نآهل ؟
غرور ناظرت فيه لثواني ونطقت : فخور؟
جاسر : جدًا بس قولي لي ايش راح اندم فيه؟
غرور هزت راسها بالنفي : للتصحيح جاسر بن خالد مو نآهل واذا همك حياتك روح اسال من ابوك نآهل كم عمره ،
و دفته بتطلع من البيت لكن مسك يدها جاسر : عيدي كلامك!
غرور قامت ترجف بخوف من قهرها ولا قدرت تمسك نفسها و اعصابها نزلت دموعها بخوف وهي تسحب يدها منه ،
جاسر : من خالد؟
غرور التفتت عليه ونطقت بدموع : اسال من ابوك ،
وصدت وهي تمشي وتركض متوجه لبيت عنود ،
جاسر وقف بمكانه وهو يطالع فيها لين اختفت وعقد حواجبه باستغراب وتوجه وهو يركب سيارته ،
-
شوق ابتسمت بخفه ونطقت : والله انه عسول يحبك ،
حور : حياتي حتى انا احبه بس تعرفين لازم اثقل ،
شوق بضحكه : ي حيوانه يعني تستمعين وهو يغار؟
حور ابتسمت : نوعًا ما اي..سكتت من دخلت ام فيصل ومشت وهي تجلس وهمست : خالتك تتصل ابوكِ نايم قلت اكلمها هنا، و ردت ونطقت : اهلين يختي كيفك وكيف عبدالعزيز ،
آم عبدالعزيز : كيف اكون ي هناي ي حسرتي بس ي حسرتي،
ام فيصل بصدمه : وشصاير يختي؟
ام عبدالعزيز : ابكي على حظي اني تزوجت من فلاح ،
ام فيصل : ليش تقولين كذا فلاح والنعم فيه ،
ام عبدالعزيز : هذا حظك الي يترقص في السماء امس كنتي في الديره معي بنفس البيت بس شوفي الشيون حظهم يتلايح في السماء هذا غازي امه شافتك في الصدفه بعرس وخطبتك وانا ما طحت الا على واحد زي فلاح ،
ام فيصل سكتت بهدوء وهي متعوده على كلام ام عبدالعزيز ،
ام عبدالعزيز : وينها شوق خليني اكلمها ،
ام فيصل بهدوء : شوق تعالي كلمي خالتك ،
شوق التفتت لـ حور : تكفين ما احب سوالفها ،
حور بضحكه : روحي كلميها وانا مدري شفيه جاسر اتصل وفجاه قفل ،
-
جاسر وقف سيارته عند البيت ونزل بهدوء و رفع راسه وهو يشوف نايف جالس في الحديقه الخارجيه لوحده و سرحان بتفكيره توجه له ووقف قدامه ونطق : وشفيك يالاسد ؟
نايف ابتسم بخفه : مافيني شي وين كنت تاخرت؟
اقرو بتركيز وكل حاجه توضح لكم مع الاحداث💜
