ريهام وقفت قدامه وهي لابسه عبايتها والطرحه على راسها وشعرها طالع ونطقت : وش بغيت ايش رجعك؟
جاسر بهدوء : السلام عليكم سلمي ونتفاهم ،
ريهام بهمس : وعليكم السلام بس وجودك ارعبني هنا ،
جاسر نزل نظره لـ يدها : سلامتك ما تشوفين شر ،
ريهام : الله يسلمك الشر ما يجيك ،
جاسر : اعتقد اني جيت بدون فايده بعد ما شفت يدك ،
ريهام عقدت حواجبها : ليه وش العلاقه؟
جاسر طلع بطاقته من جيبه : بغيتك تكونين بطولة الجوله نيابه عن اخوي نايف اذا موافقه واكيد بالمقابل ،
ريهام باستغراب : وليه بالضبط مافي غيري يعني؟
جاسر : نايف بالمستشفى تعبان ما يمديه وهذي اهم جوله وطالبين ادهم فيه وقلتلك اكلمك اذا حابه تحضرين البطوله نيابه عنه لكن الواضح من يدك ما يمديكِ ،وطبعًا اكيد في غيرك كثر عدد شعر راسي بس الفرق ماكانوا معه في البطوله الاخيره غيرك انتي يعني قريب نفس المستوى ،
ريهام بسخريه : يدي ماعليها شر بس وجودك هنا غريبه جاي تطلب من هالشيء غرور عندها علم؟
جاسر بهدوء : خلي غرور على جنب والماضي على جنب وانا ما جيتك الا اني اعرض عليكِ هالفكره وحقك يجيكِ فوق خمسين الف وانتي براحتك ،
ريهام ابتسمت بسخريه : ما يهمني اكيد احضر نيابه عنه ،
جاسر : ويدك؟
ريهام : انا خياله وقد تسابقت بيد واحد ف لا تشيل همي ،
جاسر هز راسه بهدوء ومد لها البطاقه : الساعه ثمنيه الصباح يمديكِ تروحين المزرعه وتلقين المدرب الخاص ل نايف متواجد هناك مع ادهم والاسبوع الجاي السباق ،
ريهام ابتسمت وهزت راسها بالايجاب ، وصدت ومشت تدخل داخل ونطقت بسخريه : نشوف مين يرفع راسكم بذي البطوله،
-
هنادي دخلت وبيدها القهوة وقفت وهي تناظر فيه ،
ناهل كان في المكتب وجالس على الكنب و رافع راسه يطالع بالسقف و سرحان وكل هموم الدنيا على كتفه مجرد ما حس بفقد نايف وحِسه و وجوده في البيت وكل ما خطر في باله انه راح يحكمون عليه قصاص ينهار اكثر ، نزل راسه على الطاوله بقهر و رفع راسه من سمع صوت هنادي الي نطقت : ناهل ،
ومشت وهي توقف قدامه : لا تشيل هم انا اتكلم مع ترف ،
ناهل رص على سنونه ونطق : ولدي ي هنادي يحكمون عليه قصاص قدام عيوني الثنتين وهو مظلوم وانا مو قادر اسوي شي! ان حاولت عشانه راح اخسرك انتي واذا خسرتك انتي اخسر دنيتي اخسر كل شيء المره الاول ضحيت بنفسي و خسرتك هالمره مابي اضحي و اخسرك يا هنادي ،
هنادي نزلت دموعها وحطت يدها على بطنها وهي تناظر فيه،
ناهل اخذ نفس ونطق : الادله كله مع سامي اذا وقفت ضده و تحديته راح ياخذ سلمان منك وانتي تموتين بدونه...
-
ناهل اخذ نفس ونطق : الادله كله مع سامي اذا وقفت ضده و تحديته راح ياخذ سلمان منك وانتي تموتين بدونه وانا اموت بدونك وان سكتت لسامي راح اخسر ولدي نايف بيروح دم ولدي ي هنادي بيروح دم ولدي ، نزل راسه و دموعه ينزل لاول مره يحس انه يدينه مربوط ماهو قادر يسوي شيء ولا هو قادر ينقذ نفسه ولا ينقذ هنادي يحس انه ضايع ضاع في قاع ماله نجاة ضاع بوسط البحر ومافي اي نجاة قاعد يغرق لوحده ، غمض عيونه وهو رافع راسه يستنشق هواء والتفت من دخل جاسر بعصبيه ووقف قدامه ونطق : لا يطلع الموضوع لاحد انه نايف انسجن الاسبوع الجاي عنده سباق الخيول و تصرفت بهالموضوع والسبب انه تعبان وشخص ثاني يحضر نيابه عنه و الموضوع ينتشر على انه تعبان و راح اطلعه من السجن باقرب وقت ، ناهل ما رد عليه كان ساكت يطالع بالسقف وهنادي جنبه ،
جاسر عقد حواجبه ونطق : من بدايته تستسلم!
ناهل رفع نظره يطالع فيه : مافي اي دله انه مظلوم راح يعدمون اخوك ي جاسر راح يعدمونه ،
جاسر قرب و ضرب بيده على الطاوله بكل قوته : مايصير هالشي! انا راح اطلعه اروح اهدم بيته و اجيب الادله ،
هنادي شهقت والتفتت بخوف على ناهل ،
ناهل وقف قدامه ونطق : لا تقرب من سامي انت!
جاسر بحده : راح اذبحه و ادفنه ولا احد يقدر يوقفني ،
ناهل بصراخ : ابعد عنه !
جاسر قرب وجهه منه : ليه خايف منه! منجدك انت وين ناهل الي يتحدى الكل و يوقف بوجه الكل ! من وين نزل عليك الخوف! مو انت الي علمتني اوقف بوجه الكل و اتحداهم! واجيبهم من اقصاهم!
ناهل رفع يدينه : لما يكون في سلاسل مربوط بيدينك وقته ما تقدر تتحدى احد و رفع كفوفه : تعرف وش قاعد احس! بُترت يديني و رجولي ي جاسر ولدي يعدمونه يحكمون عليه قصاص! وانا مو قادر اسوي اي شي !
جاسر سكت بصدمه من كلامه ونطق : خايف من ايش! علمني!
ناهل التفت على هنادي الي تبكي وغمض عيونه بقهر و صد ،
جاسر فهم عليه ونطق : عشان سلمان صح!
هنادي رفعت راسها وهي تبكي والتفتت تطالع بـ ناهل ،
ناهل بهدوء : دفعت دم قلبي عشان ما ياخذه ولو وقفت بوجهه و هددته راح ياخذه يا جاسر ،
جاسر سكت بقهر وصد واخذ نفس و رفع راسه يمسح على شعره والتفت دف الكرسي برجله بقهر وعصبيه وصد طلع من المكتب وقف وهو يشوف غرور طالعه من الدرج وبيدها شنطتها و وقفت بصدمه تطالع فيه ،
جاسر رفع نظره يطالع فيها لثواني وصد ينزل من الدرج يمشي غرور التفتت وهي تناظر فيه بهدوء ، جاسر مشى وقف عند المسبح و فسخ جاكيته و رماه بقهر ويتنفس بغضب ،
غرور رجعت نزلت من الدرج وتوجهت وقفت وهي تناظر فيه من بعيد ، كان رافع راسه للسماء وياخذ نفس من اعماقه...
-
غرور رجعت نزلت من الدرج وتوجهت وقفت وهي تناظر فيه من بعيد ، كان رافع راسه للسماء وياخذ نفس من اعماقه ،
مشت بهدوء توقف قدامه و تناظر بالمسبح ، فتح عيونه والتفت عليها يطالع فيها ويناظر بعيونها وخشمها الاحمر وعقد حواجبه يناظر فيها ونطق : بكيتي؟
التفتت تناظر فيه بصمت و رجعت انتظر بالمسبح ،
جاسر بهدوء : ما اعرف وين تروحين وين تجين و ايش وجعك بدوني معرف وين غارقه لوحدك بدون نجاة مني!
نزلت راسها وهي ساكته والتفتت عليه تطالع بعيونه بصمت ،
جاسر بهمس : يومين وانا اركض ورا نايف ما صرت اركض وراكِ لهدرجه انتي تغرقين بدوني ؟ حتى عيونك غرقانه ايش يوجعك؟
غرور صدت من نزلت دموعها وغمضت عيونها ،
جاسر بهدوء : قلتي لي انك ما تبكين والموج الي بعيونك وش اسميها ؟
غرور التفتت عليه لاول مره تحس بالحنية بكلامه وقربت وهي تحضنه وتبكي بحضنه عقد حواجبه باستغراب اول ما ارتمت بحضنه وسكت بصدمه و رفع يدينه لظهرها يمسح عليها ،
غمضت عيونها وهي تشهق بحضنه حس بدموعها على تيشيرته وبعد عنها وهو يناظر بعيونها بهدوء : ليه تبكين؟
غرور نزلت راسها وهي تبكي ، عقد حواجبه ومسكها من ذراعها وهو يطالع بعيونها : ليه تبكين! ايش يوجعك ! الاكيد ما زعلتك انا والاكيد ما تبكين مني لانك مستحيل تنزلين دمعتك بسببي ومني! انتي ما تبكين مني عشان كذا علميني مين الي قدر يكسر غرورك وينزل دمعتك! والله اكسر راسهم واحد واحد ،
غرور سكتت وهي تطالع فيه بصمت متردده تعلمه ،
جاسر عقد حواجبه : اكلمك انا! مين الي تجرى ينزل دمعتك!
غرور هزت راسها بالنفي : تعبانه بس مافيني شي ،
جاسر سكت وعرف انها ماهي تعبانه واكيد فيها شيء ، ومد يده ل خصرها و سحبها بحضنه غرور رجعت حضنته وهي تشد عليه بيدينه غمض عيونه من حس بيدينها على كتوفه وتشد ،
-
= في السجن عند نايف = كان واقف يطالع بـ ترف الي مشت من عنده جت لاجل تشوفه بهالمكان جت تبرد قلبها وتشوفه بالمكان الي يستحقه تشوفه عاجز انه يطلع من هالمكان ؛
كان يطالع فيها ويتذكر اخر كلامها " لو حصل وتقابلنا وجمعتنا الدنيا على ارضها " بصد " تدري ليه؟
لان النظر جهر وانا مابي شعوري القاتل ينشاف ،
غمض عيونه من شاف انها اختفت عن نظره وصد وجهه ونزل راسه بتعب ،
-
هنوف كانت جالسه عند عبدالعزيز الي نايم عقدت حواجبها وهي تسمع صراخ توجهت طلعت من الغرفه وقفت بصدمه وهي تسمع ام عبدالعزيز و فلاح واقف يطالع فيها ،
ام عبدالعزيز بصراخ : عزيززز الحق ي عزيز ي حسرتي ي حسرتي باخر عمري اعيش واشوف هالخيانة من ابوك ،
هنوف وقفت بصدمه وهي تناظر ،
فلاح : الشرع حلل اربعه و..
-
