اريج كانت واقفه في المطبخ تسوي الحلا التفتت اول ما دخل سطام و ابتسم : الريحه تشهي والله ،
اريج : لا تستانس يا حبيبي ماراح اعطيك منه عزمت صحباتي بيجوني البيت و بابًا وافق ،
سطام : اوه عشان كذا اشوفك مروقه و مبسوطه؟
اريج بضحكه : اي و تركي انطرد الحقه و اطلع من البيت ،
سطام : خير تطرديني عشان صحباتك؟
اريج رفعت نظرها : الا صح انت موافق على شوق صح؟
سطام عقد حواجبه : منهي شوق؟
اريج : اوف اقصد البنت الي ماما ناويه تخطبها لك ،
سطام ابتسم بخفه : والله ماعندي مانع بدت تطلع لي شيب براسي عمري صك ٢٥ خلاص مستعد للزواج ،
اريج بضحكه : اي والله خلاص صرت شايب تزوج نبي نونو ،
سطام : لا معليش مافي نونو ما ارضى زوجتي تتحمل الولاده ،
اريج صدت وهي تطلع الحلا من المايكرويف : لا بالله؟
سطام ابتسم : يلا بمشي انا تبين شي ؟
اريج هزت راسها بالنفي : سلامتك بس لا ترجع بسرعه صحباتي يجلسون لين س عشره حتى كلمت محمد يجيب زوجته ،
سطام : بس ي شينه محمد ذا اذا جاء وجاب زوجته ينشب ماعاد يرجع بيته ،
اريج بضحكه : اشتقت لـ هتون ،
سطام : يوووه ي ذا البزر يحوس البيت كله ،
= تنويه ' محمد اخوهم '
-
ناهل بصدمه : سيارة غرور هذي !
عنود بقهر : اي لا تسوي نفسك مجنون ،
نآهل انصدم من اسلوبها ونطق : انتي ايش تبين بالضبط؟
عنود : ابي صحبتي غرور وينها مالها حس! اعرف انها عندكم،
نآهل ما رد عليها وهو يطلع جواله يتصل على جاسر ،
محمد كان جالس بسيارته و يدق البوري كل دقيقه ،
عنود انقهرت ونطقت : راح ابلغ عليكم ماراح اسكت ، ومشت وهي تركب السياره ومقهوره : كريه كريه الله ياخذهم ،
محمد : الحين انا ابي افهم شي واحد شدخلك فيهم انتي؟؟
عنود : خير محمد ايش الي شدخلني فيهم؟ انا ابي صحبتي،
محمد سكت وهو يحرك سيارته : لا تجلطيني اكثر ارجعي البيت و جهزي هتان امي اتصلت تبي تكلمني بموضوع و اريج تبيكِ،
عنود تنهدت وسكتت وهي مقهوره ،
-
ام سطام كانت تبخر المجلس و سطام جالس ع جواله و رفع نظره لامه وهمس : يمه وينه هذا تاخر ؟
ام سطام : والله ياولدي كلمته قال في الطريق وماعاد رد ،
سطام : اتصلت عليه الف مره ما يرد ،
ام سطام : اكيد يكون في الطريق انت ليه مستعجل؟
سطام سكت بعد عدة دقايق فز من دخل محمد وهو لابس ثوبه و شماغه وماسك هتان ونطق : السلام عليكم ،
سطام ابتسم وهو يقوم : وعليكم السلام ، توجه وهو يسلم عليه ويحضنه وياخذ هتان منه : اهليننن يالذيب ،
محمد توجه وهو يسلم على امه ويقبل يدينها و جبينها و ابتسم وهمس : كيفك يمه شالاخبار ؟
ام سطام : بخير ياولدي بخير اجلس انت ريح ،
ام سطام : بخير ياولدي بخير اجلس انت ريح ،
محمد مشى وهو يجلس و سطام يصب له قهوة ،
ام سطام : عنود زوجتك جت؟
محمد هز راسه بـ اي وهو ياخذ فنجال القهوة ،
ام سطام اخذت هتان من سطام وهي تبوسه ،
محمد باستغراب : ابوي مو في؟
ام سطام : لا ياولدي راح للشغل و تاخر ما رجع ،
-
عنود : اوف قهرني قهرني يا اريج ،
اريج : اتمنى يا عنود ولو مره تجينا وما تشتكين من اخوي ،
عنود ضحكت من كلامها ونطقت : ما بيجي هاليوم ،
اريج : طيب قولي ماعاد ردت صحبتك؟
عنود : لا وين ما ردت احس عمها مسوي فيها شيء ،
اريج : اوف منك يا عنود لا تتهمين الناس !
عنود : خلينا منها قولي شسالفه وليه خالتي تبي تكلم محمد؟
اريج ابتسمت : شفنا عروسه ل اخوي سطام ،
عنود بصدمه : احلفي! مين هي طيب؟
اريج : زمان مره رحنا عزيمه ل صديق تركي وشفنا بنتهم عسل تهبل ف ماما كانت دايم تقول اخطبها ل سطام واليوم فتحنا هالموضوع ف ماما قالت اشوف راي محمد بعد ،
عنود : والله محد مهتم ل رايهه غير خالتي المهم طيب مين هُم و ايش قبيلتهم و وين ساكنين؟
-
محمد عقد حواجبه : من صاحب تركي؟ هذا يا كثر اصحابه ي يمه كثر عدد شعر راسي ،
سطام : ي رجال اعتقد اسمه فيصل و قد رحنا لهم عزيمه بس انت ما جيت ولا تعرفهم ،
محمد رفع كتوفه : والله ماني عارف بس من وين هم؟
ام سطام : ياولدي هُم هنا في الحايل وقريب من بيتنا ،
محمد : و ابوي موافق؟
ام سطام : قلت قبل اكلم ابوكم اشوف رايكم انتم و ابوكم اعرفه راح يوافق اكيد ،
محمد : بس تكفين اذا هي زي زوجتي عنود ف لا تخطبينها والله ي يمه وش هالبنت الي جبتيها في حياتي شيبت راسي من مصايبها و مشاكلها لولا هتان طلقتها ،
سطام بضحكه : عاد انا استاذن دام بدت هالموضوع و تقعد تشتكي لامي عن زوجتك و تكرهني في الزواج بكبره ،
محمد : والله ي سطام انا ادعمك بكل شي الا الزواج ،
ام سطام : اسكت بس سطام اكبر منك و اعقل منك وفاهم،
محمد بسخريه : اي بنشوف هذا وجهي اذا ما جاء يشتكي ،
سطام ضحك و ناظر لـ هتان الي بيده تمر وياكله وقرب يشيله و يبوسه : قسم بالله اشتقت ل حوسته في البيت و صراخه،
محمد : زين والله انك اشتقت يلا استاذنكم ولدي معك و زوجتي عندك ي يمه عطوني اسبوع بس ارتاح والله انها جابت لي كل مشاكل العالم وانسجن بسببها الشرطه يدوروني ،
سطام ضحك وهو يطالع فيه ، محمد قام وقف وهو يقبل يدين امه : يلا سلام و اقفل جوالي معرفها ولا تعرفني ،
سطام : والله افكر اكنسل خلاص مابي اتزوج ،
محمد : والله احسن لك ي شيخ ريح راسك ،
ام سطام : خلني اكلم زوجتك اقولها آنك رايح يمكن تحتاج..
