حور بكذب : ما رضت تاخذ الجوال وش اسوي؟
نايف بصدمه : كيف يعني ما تبي تكلمني؟
حور : يمكن ما تبي تكلمك خلاص خلها لا تنشب لها عشان ما تخلعك حتى قالت انها ما تحب شكلك معصقل مافيك عضلات،
نايف التفت و رمش بصدمه : ترف تقول كذا!
شوق كانت تضحك وهمست : اي هي قايله كذا ،
نايف سكت وهو يطالعهم وهز راسه بالنفي : كذابين ،
حور : بكيفك لا تصدق اجل ،
نايف : ترف مو زيكم هي ما همها الشكل ،
شوق : ي حياتي مستحيه منك ما قدرت تصارحك وانت صدقت ما تهمها الشكل!
نايف : اهم شي القلب والباقي ما يهم ،
حور : حياتي خلاص ماتوا الي يهتمون بالقلب الحين الاغلب همهم المظاهر ،
نايف : اها يعني انتي طلبتي من فيصل يدخل النادي ؟
حور رفعت نظرها لفيصل الي جالس يراقب ويضحك بخفه ،
نايف التفت على فيصل : بالله دخلت النادي عشانها؟
فيصل بكذب : اي كانت تصيح تقول صير زي الابطال الي بالافلام و معضلين ،
نايف بضحكه : اجل هي حرضت زوجتي شكلها ،
حور : خير خير والله انه كذاب ما كنت اطيقه أصلًا ،
فيصل : شدعوه اعترفي ما من غريب ولد عمك ،
نايف : يخي البنات الكذب يمشي ب دمهم ما يعترفون ينطبق عليهم يوجد موت لكن لا يوجد اعتراف ،
شوق : سلامات يالحبيب احترم نفسك حدك علينا ،
حور التفتت على شوق : شوق تخيلي اتعب نفسي و اشتغل و اخذ راتب بعرق جبيني عشان ادفع المهر؟
فيصل رفع نظره لنايف : تخيل بالله احد ياخذني بفلوس ،
شوق : حور تخيلي بس ما اعرف في الدين الا الشرع حلل اربعه؟
نايف ناظر لفيصل : بالله عليك فيصل تخيل..سكت من ام فيصل رمت عليهم المخده كانت جالسه بعيد وتسمعهم وقفت ونطقت : وش هالكلام عيب عليكم ،
فيصل : يمه هي الي بدات ،
حور : كل تبن انت الي بديت مو انا ،
نايف : يليل احترمي زوجك ايش الي كل تبن ،
شوق : اسكت انت لا تتكلم عن الاحترام وانت راسل ل ترف جوال بالدس عيني عينك ،
ام فيصل بصدمه : رسل جوال ل ترف؟
نايف وقف وحط يده على راسه : تكذببب ي خالتي تكذب!
شوق : احلف اني كذابه!
نايف : الله يخسف فينا الارض من كذبك توبي خافي ربك ، و صد وهو يركض لداخل و يكتم ضحكته ،
حور ناظرت لفيصل الي يضحك : لا تستانس روح نام برا لا اشوفك تجي الغرفه فاهم!
فيصل بصدمه : انا شدخلني ؟
شوق : تستاهل طردتك خلي نايف ينفعك ،
فيصل : يخسي نايف و طوايفه الخروف انا مع زوجتي،
حور : انقلع بس ، قامت ومشت لداخل شوق لحقتها وهي تضحك ، ام فيصل ضحكت بخفه ومشت وهي تجلس جنبه : لا تزعلها،
فيصل ابتسم : ما زعلتها ي يمه هي دلوعه والله ،
ام فيصل : يحق لها تتدلع بس ياويلك تزعلها ،
فيصل : بدينا هالحركات ي يمه جحدتيني،
غرور وقفت عند التسريحه وهي تعدل شعرها ولابسه فستان وتوجهت وهي تلبس عبايتها سحبت شنطتها ومشت طلعت توجهت تنزل من الدرج ابتسمت بسخريه وهي تشوف ريهام وتوجهت لها : كم قرش اعطيكِ وتجين معي نروح لعنود ابي تسلم عليكِ اشتاقت لك مره ،
ريهام صدت وضحكت ونطقت : سمح لك تطلعين؟
غرور : تعرفين ابوي مين؟ ابوي ذياب وبنته تسوي الي براسها ما تنتظر احد يسمح لها بشيء وشفتي الرخيص الي بعتيني عشان كم قرش منه؟ راح اخلعه تتهنين فيك هذا مقامك الرخيص للرخيص تليقون ببعض مره تناسبون ،
ريهام : اذا هو رخيص على قولتك ماكان تزوجتي منه وتركتي غيث،
غرور ابتسمت : لانه اخوكِ كان على طمع بحياتي زي امه واخته نفس الاطباع كلكم وما قدر علي ف اخته حولت على الرخيص ،
ريهام التفتت من انفتح الباب و دخل جاسر وماسك المعطف بيده وقفل وعقد حواجبه وهو يشوف غرور لابسه عبايتها ووقف ونطق : على وين ؟
غرور ابتسمت وتوجهت توقف قدامه : احفر قبرك تمشي معي؟
جاسر : والله؟ بس اخاف تتعبين وانتي تحفرين ،
غرور : لا ما اتعب تطمن و راح احفر قبر الي معك بعد ،
جاسر ابتسم ومد يده وهو يفسخ عبايتها : مافي طلعه ،
غرور دفت يده بقوه بحدها ونطقت : لا تلمسني فاهم!
جاسر : اسوي الي ابي مو انتي الي توقفيني ،
غرور بسخريه : لا تتوقع اني زي هالرخيصه الي معك و..سكتت من جاسر مسكها من ذراعها وشد عليها : ولا كلمه مفهوم!
ريهام كانت واقفه تراقب و تمثل الدموع ،
غرور التفتت عليها و ابتسمت : ودك ب مناديل؟
جاسر بحده : امشي من هنا لا اشوف وجهك ،
غرور : اذا بمشي ب بمشي ل خارج البيت ،
جاسر : لا تختبرين صبري !
غرور بحدها : سكتت لك كثير انا اتركني و راح اهتم بخالد الي خلفته و رميته و قاعد تتراكض ورا البنات يالرخيص ،
جاسر سكت بصدمه وهو يطالع فيها وانصدم انها كيف عرفت ونطق : مجنونه انتي!
غرور بحدها : وش مفكرني ما اعرف افعالك القذر! كم وحده خلفت منها بالله؟
-
