رفع نظرها وهو يسمع صوت بكاءها اخذ نفس وغمض عيونه بضيق ونطق : ما تركتك يا هنادي ما تركتك وعزة الله ماتركتك،
هنادي التفتت عليه وهي تبكي : وش الي عشته انا من بعدك يا نآهل ؟ تركتني بدون ما تبرر لي اي شي! ايش ذنبي يا نآهل! هذا حُبك يا نآهل! اكثر من عشرين سنه وانا احبك وتركتني!
نآهل قاطعها وهز راسه بالنفي : ما تركتك يا هنادي ما تركتك انا انتي ما تعرفين وش صار فيني ما تعرفين ،
هنادي صدت وهي تبكي : لا تحاول تبرر لي لاتحاول ،
نآهل وقف بهدوء وتوجه وهو يوقف عند الشباك ونزل راسه وعيونه يلمع بالدموع ونطق : ما تركتك يا هنادي ما تركتك انا انتي تدرين اني احبك من وحنا صغار! تتوقعين اتركك بسهوله؟
هنادي ما ردت عليها وصدت و دموعها تنزل ، كانوا صغار كانو جيران وكان يحبها نآهل يحبها من وهي صغيره ،
اخذ نفس وهو يعلمها كل شيء ويتذكر ،
ونطق : كانت الساعه ثلاث اخر الليل دخل اخوي ذياب وهو يصارخ ينادي ابوي يصارخ بكلام مو مفهوم كنت ذيك الليله غارق باحلامي فيكِ ولما ركضت لحقته افهم ايش صار وليه يصارخ طلع انه سوا حادث و دعس شخص وغمض عيونه بضيق وكمل : ابوي انجن جنونه لا ينسجن ذياب و راح يبي يعرف كل شيء عن حياة الانسان الي مات بسبب ذياب وطلع متزوج وعنده طفل توه مولود زوجته كانت عمرها ٢٣ كانت كبيره وجدي لما شاف انهم فقراء ما معاهم شي عرف كيف يسكتهم بـ كم قرش لاجل تتنازل عن ذياب وما ينسجن وفعلًا تنازلت وجدي حلف لها ولدها تتربى بين هالعائله وما ينقصه شيء وفعلًا هي رضت بس تقولين لي كيف رضت؟ و اقتنعت بـ كم قرش؟ هي ماهي كانت شريفه او طاهره كانت انسانه..سكت وهو يشد على يده بقهر والدموع بعيونه ،
هنادي كانت تسمعه ومصدومه ،
وكمل نآهل : والولد تربى داخل هالقصر في بيتنا ومع الايام كبر وعمرها صار ست سنوات او اكثر وكان ابوي يقنعني كل هالسنين اتزوج من امه و اربي هالولد كانت تعيش بنفس البيت وذيك الليله اتصلتي انتي بنفس الليله نطق هالطفل " بابا "
انجنيت انا يا هنادي ضعت ما عرفت ايش اسوي ابوي الي كان يوهم هالطفل اني ابوه وفعلًا ضحيت انا يا هنادي ضحيت بكل شيء و رضيت بكلام ابوي و وافقت عشان اخوي ذياب ،
وتزوجت من وحده اكبر مني بـ سنين و ربيت هالطفل وحلفت قدامهم هالسر لا ينكشف قدام هالولد عطيته كامل اسمي عطيته كل حياتي و علمته و كبرته و ربيته كنت احبه اكثر من ولدي نايف هي ماتت وقت ولادة نايف ونايف زوجة اخوي غازي هي كانت تهتم في نايف وانا كل وقتي مع جاسر كنت احبه اكثر من نايف وكنت عايش بحزني و المي ما نسيتك ولو لحظه يا هنادي ما عرفت وين القاكِ لكن....
هنادي ما عرفت وين القاكِ لكن كنت عارف انك تزوجتي عشان كذا ضغطت على نفسي وقررت اكمل حياتي معها وهي ماتت و تركتني انا حياتي كله تسودت يا هنادي بسبب غلطه من اخوي ذياب الي دفعت ثمنه طول حياتي وكذبت بعمري على الكل لاجل محد يعرف الحقيقه واليوم بنته تهددني يا هنادي بنت ذياب ، وضحك بخفه من بين دموعه ونطق : بس تعرفين يا هنادي بعمري كله ما حسست جاسر انه مو من دمي! كنت اشوفه حفيد العايله و اول فرحه لانه اول طفل دخل بذاك القصر بس الي يوجع تدرين وش؟ والتفت عليها ونطق : انه ابوي جحد كل شيء وقال مين يقول هالطفل حفيد هالعائله وفرحة هالبيت؟ غرور هي الي فرحة هالبيت وعطاها كل شيء! وجاسر الي ضحيت بنفسي و روحي عشانه! وعشانهم! جحدوه جحدو كل شيء والليله الي تزوجت من ام جاسر وقته رحت لذياب وطلبت منه طلب واحد بس طلبت منه : هالطفل لا يدري بيوم اني مو ابوه ! تدرين ايش قال؟ قال ما يهمني يدري ولا لا اشك انه ولد حرام !
هذا كلام اخوي ذياب الي بسببه ضحيت! الولد الي حطيته بين احضاني و ربيته يقول اشك انه ولد حرام! من اي قلب تحملت وسمعت من اخوي اني قاعد اربي بين احضاني ولد حرام!
هنادي نزلت دموعها وهي تناظر فيه بصمت ،
ناهل توجه وهو يجلس على طرف السرير ويمسك يدينها ونطق بهدوء : بعد كل هالسنين اول ما عرفت بوجودك قسم بالله يا هنادي ما تاخرت ولو لحظه ركضت ادورك بكل مكان بس تدرين وش الي يوجع قلبي الحين؟ مد يده وهو ياشر على قلبه ونطق : انه هالقلب تحمل كثير تحمل الفراق والذل والاجبار تحمل كل شيء سنين وانا اعاني والشيب يملي راسي يا هنادي انا انتهيت وبرجعتك رديتي لي روحي تكفين هنادي لا تتركيني لا تروحين عني ي هنادي ،
-
" ناهل تزوج من ام جاسر وعمره ١٨ ' " و ذياب ليه ما تزوج منها؟ لانه كان متزوج '
-
عنود بصدمه : علمتيه!!
غرور حطت يدينها على وجهها وهي تبكي : معرف معرف ايش صار فيني يا عنود ، نزلت وجهها وهي تمسح دموعها ،
عنود بخوف : طيب فهم منك شيء؟
غرور رفعت كتوفها : معرف معرف يا عنود معرف ،
عنود اخذت نفس ونطقت : اوف منك يا غرور اوف منك ،
غرور رفعت راسها وهي تبكي : حور يا عنود حور لا يصير فيها شي بسببي بس ابي اعرف وينها هي وين مكانهاااا ،
عنود بهدوء : لا تخافين بس ادعي انه يكون ما فهم ،
غرور رفعت راسها : سال مني مين خالد ،
عنود التفتت عليها : لا ترجعين للقصر خليكِ هنا يا غرور.
غرور اخذت نفس ونطقت : ماني خايفه على نفسي ولا خايفه منه بس خايفه على اختي حور يا عنود مابيها تتاذى ،
عنود : ولانهم هم يعرفون نقطة ضعفك اختك راح يستغلونها ،
غرور بلعت ريقها وغمضت عيونها ،
جاسر توجه وهو يدخل غرفة نآهل نايف عقد حواجبه و لحقه ،
جاسر مشى وهو يفتش الدرج ويطلع كل الاوراق ويقراهم ،
نايف بتوتر : جاسر ايش تدور؟
جاسر ما رد عليه وهو يحوس باغراض نآهل تنهد بتعب وهو يرمي كل شيء من يدينه ونطق : مين خالددد يا نايف مين؟
نايف سكت بهدوء وهو يطالع فيه بصمت ،
جاسر رفع نظره اول ما وقف نآهل قدام الباب وهو يطالع فيه وتوقع غرور علمته كل شيء اكيد وعلمته عن ابوه خالد ،
جاسر توجه وهو يوقف قدامه : مين خالددد !
نآهل صد وهو يدخل الغرفه : معرفه مين ذا مين كلمك عنه؟
جاسر توجه وهو يسحبه من كتفه : من وجهك واضح تعرفه ،
نايف غمض عيونه بضيق ولانه يعرف هالسر سمع من عمه غازي و نآهل وهم يتكلمون '
نآهل سكت وهو يطالع فيه : اسال من بنت ذياب تجاوبك ،
جاسر بحده : انا ابي الجواب منكككك!!
نآهل بلع ريقه وهو يصد ويناظر لكل اغراضه الي مرميه على الارض والاوراق على السرير وسكت وهو يطالع فيه ،
جاسر شد على يده بخوف ونطق : مين خالد!!
نآهل عرف مهما يخبي هالسر مرده بيوم ينكشف هالسر وسكت بهدوء وبلع ريقه ونطق : ابوك الي بقبره هو خالد ،
جاسر من قوة صدمته ما استوعب ولا كلمه الخبر نزل عليه كـ صاعقه لاول مره يسمع باسم خالد ومين هو؟ ابوه الحقيقي! وليه تركه وكيف مات؟ وكيف صار الشخص الي قدامه ابوه!
ونطق بسخريه وهو بداخله خوف : يبه ما تبطل مزحك!
نآهل شد على قبضة يده ونطق : طول عمري امزح معك لكن مابيدي حيله اكذب اكثر خالد ابوك الي قتله اخوي ذياب ! ما يربطني فيك شيء يا جاسر غير اني عطيتك اسمي كامل وحياتي ما يربطني فيك الا الوصل الي يشدك من ظهري لظهرك مافي شي يربطني فيك غير حبل امك الي تزوجت منها عشانك ،
نايف رص على سنونه وهو يسمع و نزل نظره لجاسر الي تجمد بمكانه وكل ملامح وجهه تغير في ثواني انسرق منه كل الامان والفخر الي يفتخر فيه بـ نآهل وكونه ابوه وهو ما يربطه فيه شيء رجف جسده كله من قوة صدمته كان واقف بثبات ولا تكلم بحرف وكانه بلع لسانه من قوة صدمته ولا قادر ينطق حرفين على بعض كان واقف يطالع بـ نآهل الي يصد بنظراته،
بهت صبح وطفى نور وبكى شارع بدون اهداب صفق موج
وسكن ريح و ذبل وردٍ جفاه تراب وغابت شمس واظلم ليل والماء زادت حسوفه ،
-
ام عبدالعزيز بحدها : نام بغرفتك مو انتم تزوجتوا على الورق!
عبدالعزيز غمض عيونه بضيق ونطق : يمه تكفين خلاص،
ام عبدالعزيز : وش خلاص! ادخل نام بغرفتك هي ماهي بنت وزير عشان تنام بالغرفه وانت بالصاله ، ومشت وهي تفتح باب الغرفه وناظرت للهنوف كانت واقفه عند الشباك بعد ما وقعت وخلصت وصارت على ذمته فعلًا غمضت عيونها بضيق..
