= صباح يوم جديد =
-
مشاري : احتمال شهر بالكثير و يمدي تطلع ،
جاسر هز راسه وتنهد وهو يسند ظهره على الكرسي ،
مشاري : لا تقول انك ماراح تنام شهر كامل!
جاسر ابتسم بخفه وهو يقوم : اذلف روح انام وانا داخل انام عندها و ارتاح شوي ، مشاري ابتسم له وهز راسه بالايجاب ،
جاسر توجه يدخل عند غرور وابتسم وهو يشوفها باقي نايمه،
ووقف قدامها يطالع فيها : وشذا الخفوق العطيب اللي على ناره؟ وشذا الجفا اللي ماهو بمنك ولا مني ، مشتاق لك يا اقرب من الثوب لزراره ! وظني الان لو اعيش لك واموت لك تاره ، بعيش واموت ومنتي بداريه عني ، واخذ نفس يشوفها نايمه ولا تحركت ، وتوجه وهو يجلس على الكنب وينسدح ويطالع فيها بهدوء ، بعد عدة ساعات ، غرور فتحت عيونها من اشاعة الشمس والتفتت وهي تشوفه منسدح على الكنب و واضح عليه التعب ، وفز من حس بصوت السرير والتفت يناظر انها صاحيه وقف وهو مبتسم ويتوجه لها يوقف قدامها ويمسك كفوفها ونطق : صرتي بخير ؟
غرور هزت راسها بالايجاب وهي تناظر فيه وتحس بالم خفيف،
-
= في المطعم في جِدة =
سطام رفع كفه يعدل شعره ونطق : يلا قبل يروح علينا الطياره،
شوق توجهت تمشي معه مسك يدها : نروح البحر ؟
شوق عقدت حواجبها : مو تقول تاخرنا نروح المطار!
سطام ابتسم بخفه : ما يضر نشم هواء ونختلط بالموج ونرجع،
شوق هزت راسها بالايجاب و توجهوا يركبون السياره متحركين اتجاه البحر ونزلوا اول ما وصلوا شوق ابتسمت وهي تشوف الزحمه رفعت راسها تشوف الشمس و رفعت كفها اتجاه الشمس ، سطام سكت يطالع فيها ومد يده يفسخ نظارته ومد لها ونطق : البسي ، شوق ابتسمت واخذت منه و لبست ،
سطام مسك كفوفها و توجهوا عند البحر يوقفون ،
شوق ابتسمت : واو الاجواء حلوه مره ،
سطام ابتسم بخفه ونطق : انتي حليتي الاجواء ،
-
= عند تركي في السوبر ماركت =
كان جالس يحاسب و رفع نظره وهو يشوف الـ عم عايض ، ابو ريهام وتوجه عايض يحط الاغراض يحاسب ،
تركي باستغراب : غريب يا عم حتى سلام ما صرت تسلم؟ ولا تسال عن احوالي ايش غيرك ؟
عايض تنهد : ما غيرني الا هالهموم اعذرني ياولدي والله عقلي مو معي ولا صاير اشوف شيء قدامي غير زول بنتي ،
تركي عقد حواجبه : صاير معك شي ي عمي؟ اساعدك؟
عايض هز راسه بالنفي : لا ياولدي بس اذا تدل محامي زين و كفو ف بالله ياولدي لا تقصر معي ،
تركي وقف ونطق : اخوي محمد محامي يا عمي واكيد راح يخدمك آمر ايش الموضوع صاير معك شي؟
عايض بحزن : بنتي في السجن بتهمة مخدىىىرات ياولدي ،
تركي انصدم ونطق : بنتك!
عايض هز راسه : اي ياولدي بنتي ،
تركي بهدوء : اخوي مسافر فتره ويرجع.
-
= بعد بضعة ايام طلوع غرور من المستشفى •
( في المطار تحديدًا كانوا موجودين كلهم )
-
جاسر رفع نظره يشوف الطاقم الطبي مع غرور ويركبون الطياره والتفت على مشاري ونطق : انا اسوق الطياره و طلبت طياره خاصة لها وانت كلم فيصل يرجع الاهل وتعال معاهم ،
مشاري هز راسه ونطق : جاين هُم في الطريق كلمتهم ،
جاسر هز راسه وتوجه يركب الطياره ووقف وهو يناظر غرور على السرير وابتسم لها ونطق : بخير انتي؟
غرور ابتسمت بهدوء وهزت راسها بالايجاب و رفعت كفوفها له جاسر ابتسم و تمسك بكفوفها ونطق : ما سمحت احد ياخذك ويسوق الطياره غيري ، غرور ابتسمت له بهدوء وهي تشوفه بـ بدلته والكاب بيده ، وابتسم وهو يرفع الكاب عن راسه ويلبسها وضحك من شاف ابتسامتها ونطق : اي والله احبك مثل ما انتِ خابره ،
غرور رفعت راسها ونطقت : و اي والله اني كاسر لك غروري،
شد على كفوفها ونطق : نصف شهر وانا انتظرك! ولا مليت ، لا تساليني عن غلاتك اذا خف ولا زاد والله ان انتي هنيًا مثل ما كنتي ، أنا اشهد ان لا إله الا الله وأنا اشهد ان لا حبيبة الا انتي،
-
مشاري التفت وهو يشوف كلهم واقفوا و ركبوا الطياره توجه محمد وعنود معه يركبون على المقعد بالخلف و اريج كانت مع حور ، ومحمد تركها ومشى يجلس بالخلف بعيد وتوقع انها تجلس مع حور ، لكن فيصل سحب حور معه، اريج توجهت وهي تجلس لوحدها ومشاري واقف يناظر ،
ام فيصل و غازي جلسوا جنب بعض ، مشاري التفت يمين يسار يشوف زحمة الركاب وتوجه يجلس جنب اريج بهدوء ،
اريج كانت تناظر من شباك الطياره لكن فزت والتفتت عليه ،
مشاري بهدوء : اسف اذا ازعجتك يمديني اقوم اشوف مكان ثاني ؟
اريج هزت راسها بالنفي : لا عادي كذا ولا كذا ما يتركون المكان فاضي اكيد احد بيجلس ،
مشاري هز راسه وسكت وهو يحرك رجوله ويناظر ،
-
ناهل وصل الرياض قبل كم يوم ، وكان منسدح على السرير وهنادي تمسح على جبينه وجالسه جنبه : تتالم؟
ناهل ابتسم بخفه وهز راسه بالنفي : لا ،
هنادي اخذت نفس ونطقت : جاين اليوم ،
ناهل : وانا ربي قواني و لي حيل اوقف على رجولي و اواجههم واحد واحد و لي حيل اتحمل و اسمع كل شيء منهم ،
هنادي بضيق : راح يضايقونك بكلامك ،
ناهل : لا تشيلين هم انتي تعرفيني تحملت فراقك وبُعدك عني تهقين ما اتحمل كلامهم؟
هنادي سكتت ونزلت راسها بهدوء ، ناهل مد يده يمسك كفوفها و ابتسم : خليكِ جنبي بس ،
هنادي التفتت عليه : وانا عمري كله ما اتركك. خلني اشوف سلمان فينه وتوجهت طلعت من الغرفه مسحت دموعها ونزلت تحت و ابتسمت وهي تشوف شوق مع سلمان تلعب ،
شوق : اوه سلمان رجعت خسرت مره ثانيه كله منك ي غشاش،
-
