عنود كانت منسدحه في حضن محمد وتلعب بشعره بهدوء،
محمد ابتسم : ادري اني زعلتك كثير باخر الايام وساعدت ريهام و زعلتي اكثر بس لو شفتي ابوه كيف كان يترجاني لانه تشوهه سُمعته والله اني ساعدته من طيب نية ،
عنود : ماني زعلانه منك حمود ،
محمد : يعني افهم وراكِ شي صح؟ حمود و بحضني مصلحه!
عنود بضحكه : اوف منك كيف تكشفني انت!
محمد : قولي قولي وش عندك عشان اهبدك ؟
عنود : ابي اروح الرياض عند غرور ،
محمد فز وناظر : مجنونه انتي! تتركيني وتتركين هتان وتروحين!
عنود هزت راسها بالنفي : لا ماني مجنونه خير اتكلم صدق !
محمد رجع ظهره لورا ونطق : ما اخليكِ تروحين ،
عنود : تكفى حمودي الله يخليك ،
محمد : صحيح اني ثور وخروف بس لا والله ما تروحين ،
عنود بضحكه : حمود !
محمد : اهخخ منك خلاص روحي ي جعل يموت الي يردك ،
-
ترف كانت جالسه عند الشباك و سرحانه والدموع بعيونها مدت يدها اخذت جوالها اول ما رن وهمست : اهلين غرور ،
غرور : مو قادره انام من الحماس متى تجوني اهخخ لو تشوفون كولكشن العبايه الجديده تموتتت ي بنات ،
ترف ابتسمت بخفه : جاين جاين انتظريني بس صحيح ما علمتك هنوف ولدت وجابت بيبي سمته زياد ،
غرور شهقت ؛ احلفي!
ترف : والله برسلك صورته شوفي كيوت ،
-
حور كانت ماسكه جوالها تشوف صورة زياد ومدت الجوال لفيصل وهمست : ما اتحمل شف كيوت ،
فيصل نزل نظره لبطنها : عقبال ما تجيبين زيه ،
حور حطت جوالها : الدكتوره قالت انها بنت واخترت اسم وفاء ابي اسميها على اسم ماما ،
فيصل ابتسم : الله يجيبها بالسلامه هالايام متغيره انتي و وجهك لونها مخطوف اعترفي اذا فيكِ شي!
حور هزت راسها بالنفي : لا بسم الله مافيني شي ،
فيصل : طيب قومي تعالي ندخل المطبخ ناكل شيء ،
حور : اذا حلا ف مستحيل اخليك تاكل ،
فيصل بضحكه : تخافين علي؟
حور : السُكر يتعبك ي فيصل ف ليش تعاند!
فيصل : خلاص طيب والله ماراح اكل حلا ،
-
جاسر رفع كتوفه : وش سويت؟
مشاري : وش تصرفاتك الي امس! رميتها على راسي صاحي انت!
جاسر : انت الي وافقت وتبغى تتزوج ،
مشاري : ومن وحده زيها! بكره تتركني نفس ما تركتك غرور ،
جاسر سكت وتغير ملامح وجهه ونطق : يعني ما اتخلص منها!
مشاري : ماني قايل شيء غلط انت وش ما سويت عشانها في النهايه تركتك و راحت هذا درس لي ولك ما نثق ونحب ،
جاسر نزل نظره يشوف الدبله الي بيده بصمت ،
مشاري لاحظ نظراته : حتى دبلتك بيدك ما رميته !
جاسر حط يده بجيبه : قفل هالموضوع ،
مشاري : ابشر راح نقفل الموضوع عندنا رحله الصباح لا تنسى رحلتنا ل المانيا ،
جاسر : ما يمديني الغي الرحله،
-
جاسر : ما يمديني الغي الرحله ،
مشاري بحده : بوجودها وانت مو مهتم بشغلك والحين هي ماهي موجوده وش ناوي تسوي بعد! قاعد تخسر نفسك وشغلك وكل شيء حولك وانت مو حاس كيف وحدها زيها اثرت فيك لهدرجه !
جاسر بصراخ : مشاريي!
مشاري سكت وصد : تصبح على خير ، ومشى ركب سيارته وحرك بقهر ، جاسر غمض عيونه واخذ نفس و دخل لداخل للقصر وقف عند المسبح وفسخ جاكيته و رماه بقهر حاس نفسه مخنوق من هالبُعد والمسافات الي بينهم عنده امل انه ترجع له ويرجع ل دنياها والتفت يطالع وتوجه دخل القصر ،
-
شوق باستغراب : ما فهمتك!
سطام : ايش الي ما فهمتي اقولك ابغى ابغى خمس الاف!
شوق بلعت ريقها وهي تناظر فيه بصدمه كيف يطلب منها ،
سطام : وين الذهب الي اهلك عطوكِ ياه في الدبش! وصد عنها مشى فتح الدولاب يدور والتفت بحده : فينهم!
شوق سكتت بهدوء ومشت وهي تطلعهم من الدرج ،
سطام مشى سحب منها ونطق : لا تنتظريني ماني جاي الليله،
شوق تجمعت الدموع بعيونها وهي ساكته من جت في هالبيت وتزوجت منه مالقت منه الا الصد والجفا والمعاناة ما لقت عنده لا حُب ولا حنيه ، سطام مشى طلع وقف وهو يطالع في تركي الي واقف وهمس : ايش تسوي هنا؟
تركي : انتظر اريج تجيب فطوري ،
سطام : عارف وش نيتك اذلف للمجلس ،
تركي بحده : سطام احترم نفسك!
سطام : قلتلك اذلف من هنا !
تركي سكت وصد وتوجه يدخل المجلس ،
-
حور التفتت تشوف فيصل نايم وهي تحس بالم خفيف مشت طلعت من الغرفه وحطت يدها على بطنها كل مالها الالم تزيد ونطقت : باقي لي شهرين ليه الحين يصير فيني كذا!
ومشت سحبت الكرسي تجلس غمضت عيونها من قوة الالم رفعت راسها وهي تقوم وشهقت بقوه من حست الالم زاد ،
ام فيصل كانت طالعه من الغرفه تجيب مويه ل غازي وفزت بصدمه وهي تشوف حور وهمست : حور!
حور حطت يدها على بطنها وهي تبكي : ءءخالتي ،
ام فيصل بصراخ : غازييي فيصللل ،
-
عبدالعزيز كان نايم وفتح عيونه بانزعاج من بكاء زياد اخر الليل وناظر لـ هنوف كانت نايمه ولا تحركت و وقف ومشى وهو يشيله من سريره : وشفيك ي بابا الحين وقتك تصيح؟
زياد كان يبكي و وجهه احمر تنهد عبدالعزيز ووقف عند هنوف وهو يهزها من كتفها : هنوف قومي شوفي وشفيه؟
هنوف فتحت عيونها وناظرت : اوف عزيز توي رضعته تعبانه والله غير له الحفوضه ،
عزيز بصدمه : انا اغير له!
هنوف هزت راسها : اي انت و ابعد عني انام تعبانه ،
عزيز سكت واخذه واخذ اغراضه مشى طلع لبرا ناظر لـ شريفه كانت في المطبخ و ابتسم : عمتي تساعديني ؟
شريفه ابتسمت وقربت تاخذ زياد : وشفيه يبكي؟
عزيز : يبكي عشان اغير له بس ماني عارف كيف ،
-
