نايف رفع نظره ونطق : يبه والله ما كان قصدي والله ،
ناهل حط يده على راسه وهو مصدوم من سمع الخبر انه ما يشوف عزيز والتفت على نايف : ايش سويت انت! ايش سويتتت!
غازي كان واقف يناظر ونطق : فلاح ماعنده علم بشيء ،
ناهل توجه وقف قدام نايف و رفع كفه ضربه بكل قوته ،
نايف من قوة الكف طبع يد ناهل على خده و رجع التفت عليه ونطق وهو مصدوم : قسم بالله يبه ما كنت ادري يصير كذا ،
ناهل بحده : وش جاك فهمني وش جاك ! ليه صاير كذا! وش شارب انت! مين ساحرك جاوبني!
فيصل كان واقف يطالع بهدوء ويده بجيبه يراقب بصمت ،
غازي التفت عليه ونطق : روح شف امك ، فيصل هز راسه وتوجه لغرفة امه دخل وهو يشوفها جالسه على الارض تبكي و حور حاضنتها رفعت نظرها ام فيصل ونطقت بدموع : وش اجاوب ل اختي وش اقول لها وش اقول!
فيصل توجه وهو يحضنها : ماراح يصير له شي يمه ،
ام فيصل بدموع : عينه راح فيه وتقول ما يصير له شي!!
فيصل : عملية بسيطه و يتحسن لا تخافين ،
حور بدموع : هذا نايف اكيد فيه شي كيف طاوعه قلبه!
فيصل فز والتفت من سمع صوت شيء انكسر وسمع صراخ نايف انصدم و ركض طلع وقف بصدمه وهو يطالع ،
ناهل مسك نايف من ياقته و رماه بقوه اتجاه المرايه الزجاج الكبيره الي في القصر و انكسر و نايف انجرح ظهره ،
ناهل رفع اصبعه بتهديد : قسم بالله اسجنك انا بنفسي ،
غازي كان ساكت يطالع ومصدوم من ناهل و عصبيته ،
ناهل بصراخ : اسجنكككك اناااا ،
نايف بخوف : يبه اسمعني الله يخليك يبه اس..سكت من ناهل صد بعصبيه يطلع من القصر ، نزل راسه بقهر ويطالع بيدينه الي مجروحه و رفع نظره يشوف فيصل واقف مصدوم ،
والقصر كله زجاج حور كانت تناظر جنب فيصل بصدمه ،
نايف جلس على الارض ع ركبته ويغمض عيونه بالم من جروحه، حور توجهت تمشي له بخوف فيصل مسكها وهو يرجعها لورا ونطق : خليه و ادخلي داخل ،
حور بصدمه : قاعد يتالم!
فيصل بحده : قلت خليه! ..حور سكتت ومشت داخل ،
غازي توجه طلع مشى ورا ناهل لكن وقف وهو يسمع ،
فيصل : يبه خلك مع امي انا رايح اشوف عمي ،
غازي التفت عليه ونطق : وشفيها امك؟
فيصل تنهد : تبكي عرفت كل شيء ،
غازي توجه وهو يدخل عند ام فيصل ونطق : هناء!
ام فيصل ناظرت فيه وهي تبكي : وش اجاوب لاختي وش اقول لها! اي وجه اكلمها ب اي وجه! نزلت راسها وهي تبكي ،
غازي مشى مد يده يوقفها وقرب يحضنها يمسح على شعرها بـ كفه ونطق : اوششش لا تبكين كل شي راح يتحسن ،
ام فيصل كانت تبكي بحضنه تبكي بحرقة صدر على عزيز ،
-
فيصل وقف بصدمه ونطق : عمي منجدك تسجنه!
ناهل التفت بحده ونطق : ...
-
فيصل وقف بصدمه ونطق : عمي منجدك تسجنه!
ناهل التفت بحده ونطق : اي منجدي راح يتعفن في السجن لين يرجع عقله براسه ، وصد بقهر وهو واقف ،
فيصل اخذ نفس بضيق والتفت يشوف نايف الي طلع من القصر ويدينه دم والجرح بخشمه سكت يناظر فيه ،
نايف وقف عند المسبح يطالع بصمت ،
توجه له فيصل وهو يطالع فيه بقهر لكن ما قدر يقسى عليه قرب بهدوء يحضنه بقوه ، نايف حضنه وهو يبكي على كتفه وبعد عنه ونطق : والله ماكان قصدي ي فيصل والله ،
فيصل بهدوء : اعرف ي نايف اعرف ،
نايف بدموع : قسم بايات الله ي فيصل اني ما كنت متوقع يصير فيه كذا والله ي فيصل انه هو الي خلاني افقد اعصابي،
فيصل هز راسه وهو يرجع يحضنه : ماراح يصير شي ،
نايف بعد عنه ونطق بدموع : فقد عيونه يخي بسببي كيف ماراح يصير شي كيف! وربي يا فيصل ما كنت عارف يصير كذا ،
فيصل : قلتلك ماراح يصير شي! و ابوك بس يهددك انت تعرف عزيز مستحيل يرضى يسجنك خله يصحى وكل الامور تمام يسوي عمليته ويتحسن ،
نايف سكت بهدوء و رفع نظره للسماء نطق : يارب يارب ،
فيصل رجع التفت يشوف ناهل واقف برا ينتظر فلاح ،
-
ترف كانت مصدومه من الكلام الي سمعته ونزلت من سيارة السواق عند الفندق و توجهت وهي تدخل الفندق مشت دخلت المصعد وتوجهت لـ جناح هنوف مدت يدها تدق الباب، هنوف مشت فتحت الباب وتوقعت انه عزيز لكن نزلت دموعها وهي تشوف ترف ، ترف قربت وحضنتها بقوه ،
هنوف نزلت دموعها تبكي على كتفها : عزيز ما جاء ،،
ترف بهدوء : راح يجي اكيد لا تخافين ،
هنوف : كلمي اي احد تكفين ما معي رقم احد ،
ترف هزت راسها وطلعت جوالها تتصل على حور ،
حور كانت جالسه مع هنادي و ام فيصل واخذت جوالها تشوف ترف تتصل و ردت بهدوء : هلا ترف ،
ترف : حور تعرفين شي عن عزيز و فينه بالضبط !
حور بهدوء : في المستشفى ،
ترف شهقت بصدمه لكن ما وضحت قدام هنوف و حاولت تمثل الابتسامه ونطقت : ليه؟
حور : نايف ضربه و تهاوشوا والحين طايح في المستشفى ،
ترف سكتت وهي مصدومه وقفلت الخط ناظرت لـ هنوف ،
هنوف بدموع : وينه؟ هو راح عشانك مع نايف بس ما رجع!
ترف بهدوء وهي تتصنع الابتسامه : يقول نايم عندهم مع العيال، هنوف تنفست براحه ونطقت بقهر : ما يرد !
هنوف رفعت نظرها و مو قادره تمسك دموعها ب اي لحظه ترمش و تطيح دمعتها ونطقت : سيارتي تحت اخلص مشواري واجيكِ ، وقربت وهي تحضنها ، هنوف سكتت وهي مصدومه منها، ترف بعدت عنها وصدت وجهها وهي تبكي و ركضت فتحت الباب وهي تطلع ، هنوف شهقت بصدمه من لاحظت دموع ترف ونطقت : ترففففف ، ترف ركضت وهي تركب المصعد و نزلت تحت مشت وقفت بالشارع تدور ..
-
