لبوة على شفا الثار
بقلمي:leo Alfatlawi
بارت الثالث
انداريت واشوف كومه بنات موجوده الي مصلخه اتبدل والي متمدده بالكاع
الغرفه صغيره تعبانه بيها دواشك سفنج بالكاع مفروشه زوليه قديمه
اكو مرايه معلكه وياها حملات مكياج وملابس امعلكه عالحايط
اهنا ايقنت اني انتهى امري اتخبلت مااجت براسي بس دمعة لحن وهضم ماما
رجعت ادك عالباب حيل واصرخ بكل صوتي اريدهم يفتحو ماكو
انداريت لكيت شباج زغير ركضت دگيت عليه وصحت لحكونيييييي ياعالم اني مخطوفه ياناسسسس
رجعت ادگ بثنين اديه كمت ادفر بكل قوتي واصرخ كل صرخه تطلع من جنجرتي احسها تجرحها
لمن حسيها راح تنقلع وماكو نتيجه
بجيت ودكيتها عالكيف كلتلهم والله اتموت وراي دخليكم ولكم مريضه فتحو الباب
ولكم منتظراتني اجيبلهن علاج
كعدت بالگاع لميت رجليه وشهكت
بجيت بحركه كلب راح يضيعن وراي
ماما اتموت ادري بيها وتروح اختي
ياربي دخيلك ياربي طلبتها منگ ماعندي غيرك
ااااخ يماماااا اشلون بيج شراح تتحملين بعد
وينك يبابا تعال شوف بتك وين شمرت روحها وشلون ضيعتها
غمضت احس كلبي تعب اسمع وحده كالت خلص فلمج
شلت راسي لكيتها ابنيه شابه واكفه قريب مني جانت تضحك كمت كمشتها كلتلها صيحيهم خلي يفتحون البااااب
--وين تردين المن اطلعين
--شنوو المن عسى ما لجهنم انتي شكوووووو صيحيهم يلااااا
--موهو مكان ابوي اني هنا حالي حالج
هي تحجي وانفتح الباب دخل واحد اسود بيده وحده دخلها ركضت كمشته كلتله طلعني منااا
دفعني وگعت بالكاع شفته راد يقفل الباب كمت بسرعه وركضت جريت الباب صرخت طلعونييييي ماحسيت غير الراجدي اجاني على وجهي لمن گلبي للگاع
رجع دخل دفرني بطني انطويت عليها احسها اتملخت دنگ شالني من شعري وحجه ماافهم شنو بس ركض الابنيه كمشته فكتني منه وصارت كدامي تحجي ويا وتهدء راد يرجع يضربني كمشته من صدره وردت تتوسل بي مده راسه تفل عليه وطلع سد الباب
كعدت يمي كالت هيج احسن لو موتج متشوفي غول ليش اطفرين شو كومي صار بيج
--بطني اااخ ولج راح اموت كلتها وعصرت روحي
--متموتين كومي كعدي عدل
كالتها وحجه ويه وحده بالتركي جابت مي غسلت وجهي بي ورادت اتشربي دفعته ولميت روحي الضربه جانت قويه گطعت حتى النفس
