لبوة على شفا الثأر
بقلمي:leo Alfatlawi
Ins:le_m3r
بارت الستون
***ناي***
اني احجي وغسق خبصتني بالاتصالات رديت ها ولج شكووو
:-ناااي لحگي
:-خير مصيبه غردي
:-ولج تعرفين واين انييي
:-وين
:-بزفة رويده
هيه كالتها واني شلت راسي اباوع لكرم الي گاعد يلعب ويه عاشق ويضحگ
:-وين انتي واشلون رضت هالثوله
:-ابوها مطلوب هواي وجاين عليه الشرطه ياخذوا وجانت هيه المقابل حتى يتنازل عن الشكوى
:-لعددد ماحجت ماصخمت باعت روحها هيج اشلووون
غيث. :-شصاير يولي
غسق. :-هذا غيث يمج فدوه ناي كليله خلي يجينا ولج ماضل للزفه هواي وهاي قانعه اتگول دربنا مسدود من البدايه خلوني اتزوج وخلص من القهر
:-وينكم احجيي
:- بالبيت اجيت صدفه اشوفها وتفاجأت بيها كاعده بالبدله ناي فدوه هاي متبنجه ماتعرف شدتسوي ابوها مترجيها وخالها تقبل بدون وعي هسه كاعده بس دموعها تنزل واني عجرت مابيدي شي
:-حاولي اتعطليها اشكد ماتكدرين جايه بالطريق دااشوف شسوي روحي
:-مااكدررر ناي اجتت الزفه استعجليييي وين كرررم خابرييي بسرعه
جر الفون من ايدي غيث وطلع بره يحجي وكرم كام كال شكو
:-رويده زفوها
باوعلي بكسره همس لاتكوليها رويده ماتغدر بيه
:-موبكيفها ابوها جبرها كرم الحگها قبل لاياخذها زوجها
ضحك بستهزاء ورجع ليورا مثل الاختل توازنه كعد كامش راسه
:-شبيك كرم گوم يمعود ماكو وقت
:-وين اكوم وانتي اتكولين اتزوجت
:-لاتلحگ خلينه نروح كرم رويده منتظرتك اتخلصها لاتخذلها
:-شسولها اكثر من السويته امبين مالنه نصيب
هو كالها واركان دمغه وشاله من باخته نكثه كاله اصحى يووول هذا الكلام مايكولو بس الحريم
:-اركان اتگلك اتزوجت
:-وان تزوجت موش هاي حرمتك لولااا انجيبها من نص بيت ابوها وغصباً عن اكبر واحد بعشيرتها
:-ماكدرلهم اني وابوها كلب ابن كلب لوابوس رجله مينطيها الي
:-يخسى انعل ابو شواربو وهذا الحجي تحجي بس من نگون حدر التراب
