لبوة على سفا الثأر
بقلمي :leo Alfatlawi
Ins:le_m3r
بارتين سوه♥️
بارت السابع والاربعون
***لحن***
بلحظه انسد حلكي ونرفعت ليفوك كمت ارفس واصرخ بنفس مكتوم
اضرب بكل حيلي واخرمش بي اريده اتحرر مااكدر قبظته قويه
دفرته برجله وضربته بعكسي بنص صدره اجت صوت ضحكته بأذني كال مفترسه
باسني ونزلني انداريت شهكت
--ههههههه عش يعمري لاه لاه بنيتي بجت
--ليش هيج خوفتني اجيت اموت
--انجعل يومي قبل يومج
--اطلع يله يعد لاتجي
--ول ول يابه اطرديني عش يبه عجل مشتاكتلك وشوكت تجي وينهن واني الي اجيت من نص الموت مامصدگ يمته اصل وادحگ هالعيون الجنهن شمس ضاويه
مسحت ادموعي ورحت يم الصبه كعدت اجه كعد كدامي نص كعده كمش وجهي رعبتج يروحي
--يي وكفت كلبي كلت ماكدر اجي لبالي حرامي
--اها حرامي شنهو يولي منهو كلج تاركج بدون تأمين واجيتج ماهان عليه ضايجه وضليتي بالبيت بسبتي
--اشلون دخلت ماحسيت عليك
-- اذا انتي خاله هالخشبه بحضنج واگعتلها دگ مخابيل وين تسمعين
وخرت ايده ومسحت وجهي
--يابه محگوكلج افصل تاخذين ديتج من هالشارب
--شنو يعني
--اليرضيج ويمسح هالدموع الشعلن ابو ابوي بگبرو دخيل محمد الخدود وردن اني الجبتها لروحي استاهل زلمه محترم روحك وكاعد بدارك تنطگ على جهامتك وتجي عش
--مافهمت
--انوب اتفهي يامحمد منين اجيب اليفهمج ويكضبني عنج
ضحكت ودنكت
--جعل محد يضحك غيرج اندارلج فدوه ونذر للوجه الضاوي
--اركان
--يبعد الروح واهلو تحجي يولي
--سويلي المرجوحه مادام اجيت
--شنهو يبه
--هياتها وراك كوم اربطها سويها اسببك اتفلشت اني كملتها يله قبل لاترد ماما
--جاي زحف على اركبي ومجازف بالموت وصلت هينه سالم بمعجزه حتى اسويلج المرجوحه
--لعد شرايد جاي على شنو
--ازنح بشارعكم هيه خربانه خربانه باينه من الفجر كومي يولي تاسويلج المرجوحه وانگلع
