لبوة على شفا الثار
بقلمي:leo Alfatlawi
Ins:le_m3r
بارت السابع
انداريت شفت ساره دموعها تنزل بهدوء كامشه سجينه بيدها
تذكرت من كالت انحر التاخذه
رجعت ليورا رفعت اديه اريد اهديها حجيت بصوت ناصي بس افهمج
ماردت تقدمت ترجف عيونها صايرات دم
:-ساره مومثل ماسمعتي
:-انتي وغيث اشوكت وليش ؟
:-والله غصباً عني ساره انتي ما تعرفين شي عن حياتي
:- اعرف اخذتي حب عمري اخذتي املي الوحيد بالدنيا
:-ماخذت شي كلها اشهر وننفصل
:-واني مااتانيج كم شهر افصلج من الحياة قبل لااخلي غيث يلمسج
:-والله يحبج الج وبعده على وعده وياج گال مااخذ غيرها
:-وهذا اخذج وغدرني ضيعني دمر حلم عمر ويا
اشوكت حبج يمتى عرض عليج الزواج شكوت عقدتوا
:-ماحبني ولايعتبرني من الاصل هيج عقد وهمي
:-وهمي ومايحبج ومسويلج عرس وماخذج لاهله لعد اني شنو بالنسبه اله مره وحده اتمنيته يعرض عليه هيج عرض مره وحده تمنيته يحاجيني ويغصبني عالجيه مثل ماسمعته يحاجيج سنين واني اتوسل يعرفني على اهله هذا كله موحب تكولين لعد شنو
:-مولان يحبني بس لان اخته رادت هالشي
:-سماهر-- كالتها وضحكت بصوت عالي حسيتها جنت
زاد خوفي من تصرفها رجعت ليورا انضربت بالجربايه
صكت على اسنونها وكالت كل السوته حتى تبعده عني واني ماراح اخليها تسوي الي بعقلها غيث الييييي
اباوعلها رفعت السجينه واجت تركض حتى مالحكت اتحرك لحظات وصارت يمي ترد تضربني
كمشت ايدها حيل ابعدها اشوف السجينه وصلت وجهي خليت ايدي الثانيه كدام وجهي احمي وغمضت لان حسيت السجينه اخترقت ايدي
اريد ادفعها واخلص نفسي ماگدر ضاغطه بكل قوتها اتريد توصل وجهي اتخبلت رسمي وصوت صراخها مستمره نفس الكلام تعيده موتييييي موتي
حسيت قوتي بده تنهد موساره الضعيفه نفسها ماادري منين جابت هالقوه ماعرف لان جانت متحس من القهر لو ماخذه شي يخليها هيج
بديت افقد السيطره ماجان كدامي غير اترك وجهي وكمش بالسجينه بثنين اديه
كمشتني من شعري صاكه على سنونها اتريد اترك السجينه سحبتها لوسحبت روحي
