لبوة على شفا الثار
بقلمي:leo Alfatlawi
Ins:le_m3r
علقو على كل ومضه ♥️
بارت الثاني عشر
فتحت عيوني على صوت ونه ورفسه انداريت كمزت واني اشوفها فاتحه عيونها والسجينه بنص رگبتها
العجوز تتماطل بالباب اتريد تنهزم
اريد احرك نفسي من الصدمه ماكدرت شفتها فتحت الباب لاارادي من همشت روحي كمت راكضت عين بيارق اريد الحك عليها وعين بالعجوز لاتشرد
كمشتها من ثوبها وكمت اصرخ بعلو صوتي لحكونييييي
كامت ترفس وتظرب بكل قوتها اتريد اتركها ويه كل ضربه يصعد صريخي اكثر اريد بس احد يفزع
ماحسيت غير ايدها اجت بنص عيني جريتها حيل ودفعتها ليجوه وكعت
اندارات لبيارق جريت السجينه من ركبتها وشمرتها وضغطت عليها اريد الدم ينگطع بهالاثناء زاعت دم
ردت اشيلها شفت العجوز شالت السجينه وراد تجيني كمت ركضت فتحت الباب ابسرعه صارو بوجهي سامو وابو الكهوه كلتلهم كتلتها لحكونه
دخل بدون لايعرفون شنو حجيت ركضو جوه
من الهبطه كعدت يم الباب
ابو الكهوه جتف العجوز وسامو يم بياق اباوع اريد يأمني اريدهم يحجون يكولون عايشه اباوع لحلكهم بس سامو جر الغطه وغطه وجهه
الدنيا افترت بعد مااحس بشي
فتحت عيوني الشرطه ملتمه وزهره تبجي خاله راسي بحضنها كلتلها وين بيارق
--الله يرحمها
--لالاتكولين فدوه لابيارق وعدتني متتركني وينها
--راحت ناي راحت
وخرتها وكمت ردت اروح اخذها لحضني اريدها تصحى كمشني الشرطي ودفعني عالحايط
كعدت كدامها كلتلها كومي دخيلج مو اليوم ندور على شقه ولج
موكلتي اريد اعيش ماگلتي اموت لعد وين احلامنا الرسمناها وين ضحكت البارحه
بيارق گومي اتعرفيني بدونج اضيع
موگلتي خلي ايدي بيدج راح نكدر انكمل سوه لعد وين حجيج تركتيني هيج ليش مواني اختج
زهره. بيكفي نااي
--ولج شيكفي راحت وتركتني ولج راح اضيع وراها وين اروح منو الي بيارق دخيلج اموت وراج لاتركيني
--لك تركك من بيارق استوعبي المصيبه الزتيتي حالك فيها
--يامصيبه بيارق ماتموت هي وعدتني
