لبوة على شفا الثار
بقلمي :leoAlfatlawi
Ins:le-m3r
باريت سوه
منتظره تعليقاتكم الحلوه♥️
سأكتفي بك حلماً
فواقعك ليس لي ٠٠٠٠
ويامن اتعيشين بعد خلص راحت هاي الكلمه الي ردتني لسنين هواي للخلف حسيت روحي بعدني بذيج اليله افرك بعيوني اريد افتحهن حتى اثبت لنفسي انو اني بحلم وكل هذا موحقيقه
كوه كدرت انطق ماما دخيلج لاتگوليها
--احسن خليها تخلص منا ترتاح
--منو ترتاح بيج شي ماما لاتخبليني وين راحت اختي لج ماماااا كم يوم ماعرفتي اتحافظين عليهاااا المن بعتوها
--مابعناها اجاها خوش رجال متعرفي انتي وكال اخليها ويه بناتي لمن تتعالج خوش نصيب راح يحافظ عليها
--يانصيب يانصيب صاحيه هي وتدوريلها على نصيب ومنو كلج راح يتانيها لمن تتعالج ذوله حيوانات وينها ماما
كلتها بنكسار احس كلبي راح
--اخو مرة خالج قبل يومين عقدوها اله بس شو مانطونه مهر كالت اعتبرو الذهب الباگته اختها مكانه
--يامهررررر يامهر اختي ويييين يامرت خالي ولج ماما اخوها اكبر من بابا متحيون اشلون اشلون زوجتيهااااا اشلون اكيد ماتت مو اكيد ماتتحمل
--لاموجوده بس خالج معاقبها لان طولت لسانها عليه متقبل تتزوج
--ماما ليش ليش هيج اتسوين بينه موبناتج احنه ولج حتى لواكول مريضه والله ماما المخبله هم متسوي سوايتج ماما وين لحن انطينياها ابوس ايدج
--ميقبل خالج
--بس احاجيها والله لاتكليله ترديني ارجع خلي اسمع صوتها
--عاشق هم حاجاج
--اي هذا يمي يريد لحن
--صيحيله خلي اسمع صوته وينه
كمزت طلعت بره ركض دكيت الباب على جود طلع يمسح بعيونه كال ها ناي خير
--هاك هاي ماما كولها اشلون يوم الله يخليك
--تمام جيبي اخذها وكال ها يوم اشلونج
--عاشق كم مره اكلك لاتتعطل ياامي الطريق خطر ياحبيبي
--يلا هسه جاي لاتقلقين
--حبيبي جيب وياك نساتل لناي لاتضل تبجي بليل وهم اطلعك
--جايب وياي لايضل بالج
--حبيبي عاشق ماما لاتتاخر ماما كلبي وجعني عليك تعال خلي المحل يولي تعبت يروحي اني احاجي ابوك مااخلي يعصب عليك
