لبوة على شفا الثار

بارت الخمسون

لبوة على شفا الثأر

                                    بقلمي :leo Alfatlawo

Ins:le_m3r
بارت الخمسون

بارتين سوه ♥️

***لحن***

شلت راسي باوعتلها الفون باذانها وهي اتاشر شرد

رجعت دنكت مجرد نطق ماكدرت انطقها مو اصير بأسم ثاني

-- ها بيبي لحن احجي لاتخجلين

--ماعرف سألي ماما

--مالها شغل امج انتي الراح تتزوجين يلا حتى نعقدكم عالنت واول ميوصل تتزوجون بنفس اليوم

--بيبي عندي اهل ذولاك عمامي وهياتها ماما روحيلهم اني بعد مااخذ قرار وحدي

ردت جوه تسولف وياهم اشويه واجت كالت راح اروح لبيبيتج اسالها كومي وياي لان امج اطول نومتها

--ماخفتي بعد السمعتي يمكن يااذي حفيدج

--مايكدر  عنده جنسيه وهو هم ماراح يدري هيه كلها شهر ويرد لهناك وين يلوحه وهم بعد يتركج لان اتصيرين متزوجه يله بيبي كومي وياي

--اتفقنا يخلص ناي تره هذا شرطي

--اي هو هم كال بس اعقد اروح  اشتكي بالسفاره وارجعها غصبا على خشمهم وهم ديكول اكدر اسحب لحن وهيه اتسوي لم الشمل لهلها

--مارايده شي بس خلي يرجع ناي

--يخلصها لاتشيلين هم بس استعجلي حتى يكدر يرجع من وكت قبل لايصير باختج شي

--اشلون نعقد وهو مسيحي

--لامسلم تره حتى سروان هم اسلم  اسلمو من اتزوجو بس اني ضليت على ديني صدك اختج يكولون مدمنه اشلون هيج صار بيها بس لا تشتغل هيج

--لاوالله بيبي غصبا عنها ادمنت حجتلي كلشي ضلموها هواي وعذبوها حتى ابنها خذو من حضنها وهيه وحدها ماعدها احد غير رب العالمين ماعرف اشلون ضحكت عليها زوجه غيث وخلتها تدمن

-- تتعالج ماعليها هواي هيج اكو ويرجعون بس كون اتلحكون عليها قبل لاتتطور حالتها وتنتهي تالي تنتحر خطيه

--يمه اسم الله من عمري على عمرها

--لعد كومي استعجلي حتى اتلحگين اتخلصيها من هذا المرض  يله  تره الولد دينتظره

هزيت راسي كمت واني متبنجه ماعرف الدااسوي  صح لو غلط ولااكو واحد ينصحني الكل نفس الكلمه روح ناي بأيدج ولازم تردين الدين الها

طلعنه رحنه لبيت عمو الباب مفتوح دخلنه جانن بنات عمي ريماس وريتا كاعدات سوه وشيري بت عمي ابو سمار يم بيبي كاعده شافتني دخلت باوعلي بستزغار ماهتميت لان بالي وكلبي يم اركان اذا عرف شتكون حالته

سلمت محد رد غير الولد واحد ابن عمي ريمان اعرفه  بس الثاني ماعرفه يمكن زوج ريتا

كامت بيبي سلمت عليها وكعدنه اجو عمامي ونسوانهم كعدو يمنا فتحت الموضوع ام سروان بعدها مامكمله حجي رد عمي ابو ريتا لا خلي يجي وهنا يعقدون