لبوة على شفا الثأر
بقلمي:leo Alfatlawi
Ins:le_m3r
بارتين سوه♥️
بارت الخامس والخمسون
***ناي***
ماما. ناي تركيهم الله قبيلهم
--راح اتركهم صار عندي جهال بعد كمت اخاف عليهم
--عفيه بتي هسه عقلتي خليهم يولون هو الله اخذ حقهم خالج متبهذل بالدين واخو مرته دوم موصاحي بالشرب
وخرت من حضنها اريد اسيطر على رجفتي ماكدر حسيت مثل الساعقه الصابتني
نزلت دموعي اباوعلها بترجي اريدها اتجذب الكالته همست لاماما لاتكولين الجنت اكل من ايده وانام بيته هو نفسه الذبح عاشق
--مايخاف الله
--منو الميخاف الله هو لو انتي الي اخذتينه وخليتينه انعيش بحضن الكتل اهلنا الي حرمنا من حضن ابونا ليش ماما هيج ضلمتينه اسنين وانتي تشوفينا متعذبين بديه ويعيرنه بموتتهم وهو بيده دمهم سنين واني انام بدمعتي ماعرف ابرئهم لو احميكم اشلون هنه عليج هيج
--لعد وين اروح بيجن ماعندي احد
--ماعندددج احدددد تعيشيناااا بحضن الذبح اهليييييي ليييش ماما ليششش
--لان اعرفجن مابيجن خير اذا طلعت بيجن هاي نهايتي تركني بيت الغرب والعالم تتصدق عليه
--ياعالم منو تركج دمرتينه ماما ضلميتينا اكثر مااخوج ضلمنا زين تركج مناا احنه مابينه خير انتييي انتي اشلون تباوعين بوجه الذبح ابنج اشلووون اشلون انتي ام متاكده
--اي ام وجنت اريد احميجن ومضطره اتحمل شوفته كل يوم حتى اكدر اعيشجن وانتيي انتي ابسببج اعرفج ماراح تسكتين وتضيعين نفسج
--وهسه ماضعت شايفتني كدامج شتعرفين عن حياتي شتعرفين بييش مريت لو شنو حملت
--ماكدرررت ولج جرعت المر بس حتى اخليج اتعيشين صرتي ام وتعرفين شنو معزت الجهال
--معزة ؟ انتي اخر وحده تحجين بهالشي يامعزه تحجين بيها وكت الجان ينيمني بعز البرد بالحديقه للصبح لومن جان يربطني ويكتلني تعرفين جنت احس وكتها من اعرف بلاسند لازم اتحمل واسكت حتى لاياذون لحن بعنادي
--ولج والله جنت اموت من اشوفج بس ماواكع شي بيدي من اعرف وراج موت وعلى ساعه ترحين من ايدي اكول لااهون الضربه
--ههه اهون وجايه تحجين عالمعزه تدرين ابني من ينضرب بالشارع واعرفه هو الماذي بس اكو شي بداخلي مايكدر يتقبل هالشي اروح واتعارك واخذ فوگ حقه بزياده وهم ماانام بليل اخلي بحضني للصبح اراقبه اخاف تنزل دمعته واني ماادري
--انتي مداتفتهمين ولادتقتنعين لو طالعه بذاك الوكت جان ضيعتجن
--هاي طلعنه منه شنو صارلنه عايشين ولو مانتي تغدرين بيه جان هسه اختي بحضني وعايشين احسن عيشه مجان شفت كل هالعذاب ااااخ ياقهر كلبي اتمنيتج مو امي وافرغ الغضب بيج
