لبوة على شفا الثأر
بقلمي :leo Alfatlawi
Ins:le_m3r
بارت الاربعون
***لحن***
واكفه اباوعله بهت وجهه حجه بكسره
-- لاناي ماتعملها بيه--سوتها راحت
صعد اركان كال شكو واكفين
غيث كمش راسه مغمض همس انهزمت يخوي
-- شنهو انهزمت اشوكت
همست ماادري
غيث. اشلون كدرت تنهزم الحرس تارس البيت والمزرعه بيها اركان
باوعلي اركان عصر جف ايده ضغط على اسنونه اتقدم رجعت ليورا خفت
--لعبتنها صح بالقران اكبر ساقطات مايلحكنجن
عصر ركبتي خنگتي
-- اشوكت راحت--مادري
--لحننننننننن
--مصار هواي من راحت ومادري وين مكالت
نزل غيث يركض طلع
ورا اركان اتلكاه عمي صاح شكو يبوياركان. حرمت غيث انهزمت
--ياوسفه
--يبه رايحين عالمطارات وانت دز الازلام كل واحد بجهه كلهم لايردون اذا مايجيبون راسها عدله لوميته مايهم المهم لايردون بدونها
--الحگ اخيك بعون الله تلگوها ماعدها مجان تروحلو
--تروح ابليس مثل ماكدرت تطلع من بيت متروس ازلام تلگي مجان تختل بي بس وروح دم اخوي لسحلها واجيب راسها حدر رجلو
-- اتزنح وره اخيك لايصيرلو شي
طلع اركان وسماهر لطمت على وجهه وبيبي كمشت راسها كالت راح غيث راح اوليدي
ابو اركان. يمه ترد ابو غيث طلع الولد يگضبون الفاتحه ويه ابو حمزه وخبر عامر خلي يجينه هو ولد ورفجانو
بيبي. ماعونه ينسى ويرد طبيعي بعد شغلت امو عش حضو هالولد ماينعدل يطلع من مصيبه يوكع بالانكس
سماهر. بالقران ينتحر غيث اذا ماحصلها اخيي واعرفو بعد مايحمل سواد وجه جدام اهلو
ابو اركان. مانريد احد يعرف اتكتمو عالخبر حتى اهلج لاتوصليها وبعون الله نحصلها حسسسسام جدي حضر السياره بين ماغير ملابسي
صعدتلي سماهر تركض جرتني من شعري كالت وينها اشلون كدرت تنهزم ولج
--ماعرف
--لحن وكلام الله يذبحج اركان كولي احسلج
--دااكلج ماادري دخلت للغرفه لكيتها ماكو
![](https://img.wattpad.com/cover/330081564-288-k988405.jpg)