لبوة على شفا الثأر
بقلمي :leo Alfatlawi
Ins:le_m3r
***لحن ***
هيه گالت روحي لابوها كليله الحجيه بدعه طالبه بتك سعاد لجبير السلف ابو اركان حرمه وعمتي ام اركان لطمت على وجهه
:-شنهووو عمه بعد هالعمر تزوجين رجليييي
:-انكتمي نفس مااسمعلج وانتي يمه گومي ردي بيتج ورديلنا الخبر اذا موافگين تانجيب المشيه
ام سعاد.:- موافقين واحنه بذيج الساعه انساب مثلكم
ام اركان. :- طبعا اتوافگين عجل فلاحه مالاكيه الخبزه روحي منا ولاتوصلين لزلمتج حرف
بيبي.:- ام اركان عش اتخليني اكوم ادوس حلكج
:-عش عمه تالي عمري وهيبتي تجيبين بت فلاح اتخليها على راسي شريجه
:-المابيها نفع اندور غيرها وابني بعدو رويحتو خضره ونسلو گليل نريدلو بزر
:-موش اركان راح يخلف
:-ومنهو يگول الصوج من لحن يجوز ابنج من كثر الهبطات انگطع بزرو وابني مايضل هيج بطرگ اركان عينو بي يخاف بأي ساعه يروح من ايدو ويضل برويحتو
:-اذا جاب على راسي حرمه ارد لاهلي من هسه اگلج
:-الباب واسع هوينه نفتك من جهرتج وانتي كومي يمه كم يوم بس السالفه العدنه تهود نجيكم مشايه وناخذ بنيتنا اي شي تطلبوا اعتبروا نافذ
كامت المره تبجي باست بيبي دنكت على ايدها جرتها اشرت روحي طلعت وهيه تندعي وعمتي طلعت تلطم بنص البيت وتصيح اذبح روحيي بس تفوت حرمه تشاركني بيتي
اجت هناء تركض باست بيبي تضحك كالتلها ربي يفرح كلبج مثل مافرحتي كلبي
:-يجده حيايه تحبن الخراب
:-يمه مامصدكه هيج ونكسرت عينها الگويه
:- لخاطر لحن هيج عملت تاماتكول ظلمتوني وفركتو وعهد عليه بس تحبل سهيله يهجرها واحد يكفي انجان ولد لو بنت اول ماتولد يطلكها
دنكت
:-يجده والله لخاطرو يكسر كلبي من دون اخوتو ضال هيج بس يدحگ ويضحك من بعيد يخاف يكرب جاهل ويزعلج
:-بيبي بطلت بعد ماافكر بشي اريد بس اختي اتردلي وتاخذ جهالها بحضنها
:-ترد يجده ماعليها لچعه وملتوحه وعدها سبع مايتركها تروح وانتي اندعي گلبج نضيف
هيه تحجي ودخل عمي ابو اركان ساحل عمتي من شيلتها شمرها كدام بيبي كالها شبيها تجوعر هاي فضحتنه جدام العالم
:-تركها يمه تبجي وتسكت وحدها موش هذا كلامها
ام اركان.:- وروح ويلادي اذا عملها انهزم واوطي راسو
