لبوة على شفا الثأر
بقلمي:leo Alfatlawi
Ins:le_m3r
هذه المرة سأكون بطله نفسي
سأنقذ نفسي من هذا الواقع فأني لا أمن بفارس الاحلام ٠٠٠٠٠
اخذه كلب بي دخل عالمحادثه صفن شال راسه باوعلي كال منو هذا
--مااعرفه رقم غريب مارديت عليه
--منين حصل رقمج تايتصل
-- ماادري المن تركه غيث والله ماعرفه
--نااااي
-- دااگلك مااعرفه كلتها ورجعت ليورا خايفه لان حسيت هذا سامر
اتصل بي وفتح سبيكر دقايق ورد سامر كال ناي يعمري وينج متكليلي متت وراج لبالي هذا الاثول لكفج
وينج ليش حضرتيني موداحجي وياج بس لازعلتي
شال راسه باوعلي متفاجئ غلق الفون ابسرعه
--والله جذاب والنبي رقمي اخذه من لحن خابرها بها وتأكد
مارد لان الرقم مستمر يتصل فصله ودخل عالبرنامج نسخ رقمه لكاه صدك محضور فتح الحضر وكام راح يم الشباج يراسل
اباوع ليده ترجف اخذ اشويه فرك راسه وخر البرده فتح الشباج خله ايده عالحديد ودنك عليها تجه راسه
رجع رن الفون وكف رد يراسل وكل اشويه فرك راسه
اخذ اكثر من ربع ساعه على هالحاله بس جانت حالته ماعرف اوصفها رجفه على غضب يمسح وجهه ويكتب
لميت روحي كمشتني الرجفه اريد اسيطر على روحي ماكدرت واني اشوفه وصل اخره ماعرف شديحجي ويا
بعد حتى الفرك ميفيد ضرب راسه بايده حيل واندارلي يباوعلي بس النار طالعه من عيونه
اجه يمي رجعت ليورا وشهكت كلتله برجفه وروح عاشق يجذب
--ياعاشق هذا الراح وبلاني بوحده ساقطه مثلج
--والله يجذب ماحجيت ويا ولاشفته من يوم السافرت
-- لاتحلفيييين
هيه شمر للفون وهو راجدي اجاني من قوته انضرب راسي بالجربايه احسه اتفلش وحراره الدم بدت تنزل من خشمي
رجع شالني من شعري كمشت ايده دنگ كال من اشوكت علاقتكم
--ماعندي علاقه بي واحد جذاب لاتصدكه
رجع ضربني ضربه ثانيه فقدت توازني بيها
خله ايده على ركبتي خنكني حسيت النفس انگطع حجه من بين اسنونه
-- تردين تنهزمين وتفضحيني
رن الفون دفعني وراح شاله فصله وكتب شي دقايق وصله مسج قراه وركض لبس قميصه اخذ مفتاح سيارته ونزل بسرعه
