لبوة على شفا الثار

بارت الثامن والعشرون

لبوة على شفا الثأر

                                      بقلمي :leo Alfatlawi

Ins:le_m3r

بارت الثامن والعشرون

لأنك اتيت في وقت الذي رفضت بيه الحب,
احببتك اكثر من مما ينبغي٠٠٠٠٠  

***ناي ***

اباوع لكرم عينه بيه يريد يحجي ومتردد خايف  اشر گول اي

--ناي اخاف ندمر حياتها

--يله عالاساس اشلون حياة عايشتها

--ماعرف  ماعرف ناي خايف اذيها اكثر 

--ماراح نسوي شي بس  نوقف الزواج مؤقتآ

--واذا عرفو اهلها بالجذبه

--ويعرفون ماراح نخسر شي اكثر من الراح تخسره  يله خبرها  خلي تجي كللها ناي اتريدج بس لاتكوللها شنو السالفه

--ماعندي رقمها انتي اتصلي بيها

--كرم اتحبها لولا

--شتكولين انتي

--تصرفاتك واسلوبك ميبين هيج

--احبها بس ماريد اذيها اريدها واعرف ماكدر اخذها

--تكدر والف طريقه تكدر اتسوي واتاخذها بيها خلي هسه نفركش الزواجه وبعدين اندور حل للزواج

-- اتصلي بجود حتى ينطيها اجازه تره متكدر تطلع هيه

شلت فوني اتصلت بجود انتظرت ماكو رد رجعت اتصلت هم ماكو

كرم. ها شنو ميرد

--لايمكن مشغول

--لابس خجلان من غيث بعد الصار

--الله ياخذهن هم حجه ويا لو سمعه حجي

--لاتخافين ثاق بجود اكثر من نفسه دخل هنا كله سويلي جاي وشمر قميصه عليه صدك ولج غسلت قميص رجلج

--المطلوب

--اسبوع كامل اتغسلين ملابسي

--اتصل بجود وهذا صاحبك  موشغله ثقه اكص ايدي اذا ماطلع مركب كامرات صوره وصوت حتى بالحمام

--شدراج

--اكو اتفاق صار بينه اني وسماهر بس والله مو على جود هيه كلبه فرت السالفه بس على امه جان الاتفاق

--موكامرات غيث متربي بين اذيابه يلكف الشغله هيه وطايره لابد مافلتي شي كدامه لو كلتي شي ماتعرفين بوجوده يعني يعرفو بس هو وسماهر

--ماعرف يمكن يلا اتصل

اتصل بجود وصدك اول رنه رد كله ها لك شكو
اشرتله اني مريضه وكعت عالتخم حتى يفتهم ابسرعه

--ناي تعارضت وماعرف شسويلها خلي رويدا تجي

--انت زمااال لك اخذها للمستشفى ابسرعه واني جاي وراكم