لبوة على شفا الثأر
بقلمي:leo Alfatlawi
Ins:le_m3r
بارت السادس والخمسون
بارتين سوه ♥️
***لحن ***
الرمي ويه صوت هورنات السيارات والهلاهل ترس المنطقة
رحنه نركض للباب جانت مفتوح العالم ملتمه
طلعت بيبي كامت تهلهل وتبجي وكفت وراها اشوف غيث واكف ويمه اركان يرمي ويضحك اكو شباب مدنگه تذبح بالذبايح
سماهر وكعت وسهيله اتهوس بعباتها ويه ام اركان
عبر الذبايح واجه حضن بيبي شبكته وكامت تبجي
باس راسها وضحك كالها دموعج غاليه يالغاليه
--ولك موتتني يجده صدك رديتلي
--ههههه رديت يالجبيره
--يمه مامصدگه اووف يغيث من دون وليداتي وريتني ور
--توبت جده انجرت اذني
--جذبت يبعد جدتك العالم كلها توب وتركد وانت لا
كامت سماهر تسحل بروحها جر راسها لحضنه باسها كالهن يبه عش البجي راد من الاسر
سماهر. ولك جدامي واكف وكاضبتك بيدي يمه عش ماكلتوو اليوم تطلع جان نطرناك غادي
--الحياة مفاجأت يبت ابوي
--شبيك يخوي عش تكول هيج شصاير
--سلامتج اي بدعه شعملتي بغيابي وين صفه بيج الدهر
بيبي. ولك تركتني بيد هالخبل الناگص
--بس عطيني مجال لشوف جهالي وارد اعدمو الج
--ياجهالك ولك استوك اجيت فوت يبعد جدتك خليني اشبع منك
-- بالقران راد ماطول بس اشوف عاشق هالكلب گضه صبر كلبي كلو على ايدو
سماهر. عاشق لوام عاشق يبعد اختك
--الاثنين يبت ابوي يله جده ماطول راد
عمي. وين يبه العالم تارسه الشارع والذبايح ذبحناها خلها لليل وروح فوت جوه
--ماطول اجيبو واجي
--اركان يروح مجانك فوت هسه يله العالم واجفه
--ماتعطي لو تنخلوها بارود
--عجل ارتاح كم ساعه وروح محد يگضبك
دفعه اركان دخل وهو يضحك شافني اشر بايده
ابتسمت اجيت يمه جرني باسني من راسي
--الحمد الله سلامتك
--الله يسلمج يبعد اخوج اشلونج
--الحمدالله
