في هوى دارك سنين العُمر

في هوى دارك سنين العُمر بارت 8

تركي كان يسوق بصمت وهو يتذكر شوق مو متاكد من مشاعره اتجاها غمض عيونه بضيق من تذكر كلام اخوه سطام، وقف سيارته واخذ جواله وهو يتصل على محمد ، بعد قائق رد ،
محمد : ما صدقت ارتاح رجعت تتصل؟
تركي بهدوء : بطلب منك طلب ممكن؟
محمد عقد حواجبه من اسلوبه ونطق : اطلب وش بغيت؟
تركي : تحول لي ثلاث الف! الحين بهالوقت اذا يمديك؟
محمد باستغراب : اي اكيد و ابشر بالزود بعد بس ليه؟
تركي : بدون ما تسال ليه بس حول لي و راح ارجعهم لك باقرب وقت لكن حاليًا محتاج ضروري ،
محمد استغرب منه ومن اسلوبه الغريب لكن ما حب يساله اكثر ونطق : الحين احول لك خمس الف ابشر ،
تركي : لا يخي محتاج بس ثلاث و الله يعطيك العافيه ،
محمد : وش هالاسلوب ياولد! وماني سامع شي الحين ارسل لك خمس الف و ان احتجت كلمني تراي اخوك ماني غريب!
تركي سكت بعد ما قفل منه ونطق : والطعن ما يجي الا من الاهل ، سكت بهدوء و رفع نظره ع صوت جواله اول ما وصله الحواله وحط جواله بجيبه وتوجه للبنك ،
-
نايف : قسم بالله ي رجال ريح راسك و خلنا نسوي العرس في حائل وقضينا ،
فيصل : بس امي تعاند تبي هنا عشان اهلها و اقاربها ،
نايف : والله البلشه طيب وين بتسوي ؟
فيصل : اقرب حوش او بر نزين الوضع والحريم في بيتنا ،
نايف رفع كتوفه : والله مدري بس شف ما اضمن لك بيكفيهم البيت اذا تعزمون اهل الديره كله ،
فيصل : والله باقي ما كلمت ابوي اكلمه و اشوف ،
نايف : يلا بدخل انا اشوف ايش يسون ، وتوجه وهو يدخل ،
حور كانت جالسه تشرب شاهي : ي حيوانه اسكتي ،
شوق : والله و نسينا ي حور ايام تكرهينه وما تطيقون بعض ،
حور : حياتي انا كنت احبه بس ما ركضت وراه زي الخروفه عشان لا يشوف نفسه علي ،
فيصل طلع جواله من جيبه يتصل على نايف لكن رفع نظره وعقد حواجبه من شاف الورقه الي طاحت من الشباك و رفع نظره وهو يشوف ترفه تقفل الشباك،
" تنويه هالجزء من القصة واقعيه ولكن تندمج مع الخيال "
" فقط هالجزء الي تبتدي من هالبارت " ترف و نايف "
فيصل عقد حواجبه وهو يناظر الورقه و رجع جواله يجيبه والتفت من شاف نايف طلع من البيت وبيده قرورة مويا وناظر لفيصل: تبغى مويا؟
فيصل رفع كفه و اشر له : تعال هنا ،
نايف توجه له باستغراب : وشفيك؟
فيصل : روح شيل هالورقه شف وشفيه ،
نايف رفع نظره يدور الورقه : اي ورقه ؟
فيصل اشر له : هذا قدامك يا غبي ،
نايف مشى و انحنى على ركبته واخذ الورقه وهو يفتحه ويتوجه لفيصل وهمس : رقم !
فيصل رفع راسه وهو يطالع للشباك: هي رمت ،
نايف التفت على الشباك يطالع ونطق : بذمتك!
فيصل : والله ما اطقطق ...
-

نايف التفت على الشباك يطالع ونطق : بذمتك!
فيصل : والله ما اطقطق هي رمت الورقه! بس شقها و ارميها،
نايف طلع جواله من جيبه : اصبر ي ابن الحلال خلني اشوف ،
ترف كانت واقفه عند الشباك تطالع ومصدومه من نايف و تمنت لو فيصل الي اخذ الورقه ،
فيصل صد ونطق : اعتقد تراقب انا بمشي لداخل ، وصد وهو يدخل البيت ، نايف سجل الرقم بجواله وحط الورقه بجيبه ،
-
جاسر رفع نظره بحده : مين قالك تركبين!
غرور ما ردت عليه و صدت وهي تناظر من الشباك وكيف الخيل طايح والعامل واقف عنده وهمست : عديم الرحمه زيك بعمري كله ما شفت ،
جاسر : انتبهي عشان ما تصيرين انتي بمكان الخيل ،
غرور التفتت عليه : ما اخاف من واحد زيك ي عديم الرحمه وش متوقع بعد فعلتك هذي ما تتحاسب! ربي ما يحاسبك!
جاسر سكت وهو يناظر فيها ونطق : لاعاد اشوفك هناك ،
غرور بحدها : لا تهددني لاني ماراح انفذ كلامك ،
جاسر هز راسه بايه وصد وهو يطلع برا ،
غرور بقهر : اوف اوف حمار و عديم الرحمه وكل شيء في الدنيا الله ياخده يارب فكني منه ما اتحمل اعيش اكثر مع هالمجنون! و ياربي منك يا عنود كيف تبيني اسوي الي براسك !
و رجعت التفتت وهي تناظر من الشباك : يعمري ذبحها بسببي الحقير الله ياخذه قاسي مافي رحمه بقلبه ياربي يارب سامحني قتله بسببي ومات بسببي و الله ما كنت اقصد ،
-
سطام كان جالس في المجلس وسرحانه بتفكيره و ندمان على كلامه لـ تركي وكيف كل شيء فهم من راسه و اتهمه بشيء كذب! كيف دخل بـ نيته و ظن فيه سوء الظن! تنهد بضيق و رفع راسه على صوت الباب وناظر اول ما دخل تركي ،
تركي توجه وهو يرمي قدامه الفلوس : هذا ثلاث الف حقك الي اخذتهم منك تفضل ،
سطام رفع نظره بصدمه : تركي! مجنون انت! متى طلبت منك فلوس انا؟ ولا ذليتك على اني كنت اعطيك؟
تركي : لا والله قلت ارجعهم لك قبل تذلني بيكون افضل والغلط مني يوم اني مديت يدي لك و لامي ، وصد وهو يطلع من المجلس ، سطام انصدم من كلامه وهو يناظر ،
تركي اخذ نفس ومشى وهو يدق الباب : اريج ،
اريج كانت جالسه بالصاله مع اريج و امها ،
ام سطام سمعت صوت تركي وقامت وقفت : اروح اشوفه انا ،
اريج هزت راسها بايه ، ام سطام مشت وهي تفتح الباب ،
تركي طالع فيها وهمس : زين جيتي كنت بناديكِ ،
ام سطام ابتسمت : اعرف ولدي اكيد محتاج شي ،
تركي هز راسه بالنفي وهو يطلع من جيبه الفلوس وناظر فيها ونطق : خذي الـ الفين هذا والباقي ارجعهم لك بعدين على كل ليله مديت يدي لك و طلبت منك راح ارجعهم لك و اثبت لك اني مو بحاجة احد وما مديت يدي لكم الا اني كنت اشوفكم عون لي بـ اصعب اوقاتي بس الي...
'