في هوى دارك سنين العُمر

في هوى دارك سنين العُمر بارت 11

ريهام بهدوء : يا عنود فكري بكلامي ماراح تستفيدين شي غير تخربين حياتك بين يدينك و بيتك و زوجك و ولدك!
عنود رفعت نظرها : محمد مو نفسه الي كان قبل ثلاث سنين تغير يا ريهام قبل الزواج ماكان كذا! حتى حُب ما اشوف منه !
ريهام : طبيعي الانسان يتغير اذا عن الحب ف اكيد مشغول مو اربع وعشرين ساعه يجلس قدامك يثبت لك حُبه! هو يحبك والدليل الاوراق تزوير ما طلقك ولا راح يقدر ! بس توقع آنك تهتمين بس كسرتيه بعدم اهتمامك ،
عنود اخذت نفس وصدت وهي تناظر بالارض ،
ريهام : كلمت اخوي غيث يجي ياخذني بس قبل اروح فكري بكلامي زين ماراح تلقين احد نفس محمد يا عنود ولا تتوقعين سالفة المخدىىىرات انتهى يدورون المجهول الي وصلهم لك واذا ما لقوه اكيد يرجعون لك احتمالاً،
عنود نزلت نظرها من رن جوالها ونطقت : يتصل ،
ريهام : طيب ردي شوفي ايش يقول؟
عنود تنهدت و ردت : نع..قرصتها ريهام : تكلمي زين ،
عنود بهدوء : هلا محمد ،
محمد ابتسم و رفع نظره للبيت : انتظرك انزلي ،
عنود : ماني نازله قل وش تبغى؟
محمد : انزلي و شوفي وش جبت لك ،
عنود عقدت حواجبها وتوجهت تمشي للشباك لكن مسكتها ريهام : انقلعي شوفي تحت روحي له ،
عنود قفلت الخط ونطقت : خليني اشوف تكفين ،
ريهام : مافي والله ماراح اخليكِ ارجعي له ،
عنود تنهدت ومشت وهي تسحب عبايه ،
وقفتها ريهام : صبر بعطيكِ من عبايات غرور و حطي مكياج شوي ولا تتكلمين معه بدون نفس الرجال خفيفين تكلمي معه باسلوب حلو تلقينه يموت فيكِ ،
عنود : وحنا ماعندنا شغله غير ناخذ عبايات غرور ،
ريهام ابتسمت : عاد انا الموديل لها ،
" مُلاحظة غرور عندها بزنس عبايات "
عنود اخذت العبايه من ريهام وتوجهت تتجهز والتفتت عليها وهمست : خلاص كذا؟
ريهام ابتسمت : اي خلاص روحي اراقبكم من شباك لا تدخلون البيت ، عنود ضحكت و توجهت تطلع من القصر ،
-
= في الكافيه عند غرور و نايف =
غرور بهدوء : انا تحملت هالبُعد عن اختي و تحملت كل هالمسافات و عيا يجي اليوم الي اشوفها فيها ،
نايف تنهد ونطق : بيجي هاليوم اوعدك يا غرور بس انا ماني عارف كيف راح تتحمل هالخبر خايفين عليها حنا ،
غرور اخذت نفس وهي تشرب من القهوة : قلت لي انها تشبه امي بس عسى اخذت من قوة ابوي؟
نايف ضحك وهز راسه بالنفي : خوفه ماهي قويه زيك ،
غرور عقدت حواجبها : وكيف عرفت اني قويه؟
نايف رفع كتوفه : انك تحملتي كل هذا البُعد من سنين و تحملتي موت جدي و الي سواه جاسر وحركات ابوي ،
غرور رفعت نظرها : و اني سجنت اخوك ،
نايف شرق بالقوة وناظر بصدمه : انتي سجنتيه؟؟؟
غرور بسخريه : اي بس انا اكيد محد علمكم ،
"

نايف بصدمه : والله محد علمني ولا قال لي انك انتي السبب،
غرور سكتت ونطقت : انا مو زي ما انتم مفكرين و زي ما عمي كان مفكر اني بعد موت جدي راح اصير ضعيفه و اخضع للكل بس انا ابوي ذياب الي عمره ما انحنى لاحد وعمره ما عرف شي اسمه ضعف ، انا بنته انا بنت ذياب ي نايف ،
نايف ابتسم بخفه وهو يطالع فيها : والنعم يا بنت ذياب بس تكفين لا تسجنيني والله ماني جاي عندك ل مصلحة ،
غرور ضحكت بخفه وهي تشرب من القهوة ،
نايف سكت لثواني وهمس : كم مُده كنتي عند اخوي؟
غرور : اكثر من ثلاث اسابيع مُده طويله ،
نايف همس بقلبه : ومنجده ما حبك وهذي شكلك ،
غرور كانت ساكته تناظر بالقهوة ونطقت : قهوتهم حلوه ،
نايف بضحكه : زي حلاوتك بس صدق تشبهين خالتي وفاء امك،
غرور ابتسمت : احب لما احد يشبهني بـ امي ،
نايف : عندي موضوع اقول لك ولا استخير ؟
غرور عقدت حواجبها : لا قل ايش الموضوع؟
نايف بتفكير : لا خلاص كنسلت اعلمك بعد شهر اذا ارتحت لك،
غرور : يالله منك ي نايف ،
نايف : بسالك امس جيتي عشاني هناك صح؟
غرور ضحكت وهزت راسها بالنفي : عشان صحبتي كانت من ضمن المشاركين بس ماش الفرس خذلها ولا قفز ،
نايف بصدمه : صدق؟؟ عشان صحبتك وانا احسب عشاني لدرجه ما نمت طلبت موقع القصر وجيتك ،
غرور ضحكت بخفه وهمست : بس البنات اخذو المركز الثاني لكن ما استمعت عشان صحبتي من ثاني جولة طلعت ،
نايف : وما فرحتي عشاني بعد؟
غرور ابتسمت : الا فرحت شدعوه ،
-
كانوا في البحر مشاري وجاسر يتمشون يغيرون جو ،
جاسر : ذبحني رطوبة جده والله ،
مشاري : انا قايل مافي زي حائل ،
جاسر سكت وتوجه وهو يجلس ويناظر للبحر بصمت ،
مشاري ناظر ونطق : شف الموج كيف احب اجواء البحر ،
جاسر رفع نظره للموج وهمس : والله انا الموج وصدري الفؤاد الغريق ، كبر هالبحر واحشني ايامي الي ما كنت اعرف فيه شي و غافل عن كل سنيني الجاي ،
مشاري التفت عليه بهدوء : مو انت سامحته؟
جاسر هز راسه بالنفي : عشان خاطر نايف بس ولا هذا الشخص عمري كله ما اسامحه يا مشاري ما انسى الموقف الي انحطيت فيه و لا قدرت اعرف وين اهرب من هالحقيقه بسببه اخذت ذيك البنت اشهد زور وبسببه بغيت اكون السبب في موتها!
مشاري : انسى الموضوع دامها عايشه ولا صار فيها شيء بس غلطك انك يا جاسر دايم متسرع بقراراتك لو فكرت بعقلانيه انها هي مستحيل تشهد ضد عمها بالعقل كيف تسوي هالحركه!
جاسر التفت عليه : اتركنا من هذا الموضوع قم معي تعال ، وقام وتوجه للبحر ومشاري لحقه ،
"