في هوى دارك سنين العُمر

في هوى دارك سنين العُمر بارت 17

غرور وقفت عند الباب وهي تحس رجولها ثقيله مو قادره تمشي حتى غمضت عيونها و دموعها تنزل.
جاسر فتح الباب بمفاتيحه و رفع نظره وهو يشوفها واقفه ،
والتفت وهو يشوف غرور مغمضه عيونها و دموعها تنزل ،
سكت وهو يطالع فيها ما تمنى بيوم انه ياذيها ويشوف هالدموع بسببه لكن هي اجبرته والخذلان اعماه ،
غرور فتحت عيونها ومدت يدها تمسح دموعها و رفعت راسها ونطقت بدموع : الله يخليك يكفي قهر يكفي ،
جاسر سكت وهو يطالع فيها بهدوء : انتي بديتي ،
غرور : ما اذيتك انا ما اذيتك باقرب ناسك ما سويت فيك كذا!
ريهام توجهت عند الباب ونطقت : جاسر ادخل ،
غرور سمعت صوتها و رجعت صدت وهي تغمض عيونها ،
جاسر رفع نظره لـ ريهام ومد يده يسحب غرور من يدها ودخل لداخل غرور سحبت يدها منه وهي توقف قدام ريهام و دموعها تنزل ونطقت : ليه ريهام ليه؟؟
جاسر رفع نظره وهو يطالع بـ ريهام الي ساكته ،
غرور : تدرين ثقتي فيكِ كانت ثقه عمياء ي ريهام! وش ما عطيتك انا؟ وقفت معك بكل شيء!!
ريهام رفعت نظرها ونطقت : ما يفرق معي شيء يا غرور زي ما تركتي اخوي و خدعتيني حتى انا خدعتك ايش الفرق بيننا؟
غرور صدت وهي تمشي و دموعها تنزل ،
جاسر وقف بمكانه يناظر فيها مشت وهي توقف عند الدرج تتمسك باطراف الدرج ونزلت راسها وهي تبكي ،
جاسر التفت على ريهام ونطق : جيبي مويا ، وتوجه لها وهو يوقف قدامها خاف انها تتعب خصوصًا انها رافضه العمليه ، ومد يده يمسكها من خصرها و يسحبها له يوقفها ونطق : ليه تبكين مو انتي قلتي لي انك قد التحدي؟
غرور دفته وهي تبعد عنه وتغطي وجهها بيدينها و تبكي ،
ريهام وقفت بمكانها وهي تناظر والشغاله مشت مدت المويا،
جاسر اخذ كاسة المويا ومد لها ونطق : اشربي لا تتعبين ،
غرور التفتت على ريهام ونطقت : انتي اليوم سويتي فيني كذا ي ريهام لكن انا ماراح انتقم منك انا احترم العشره الي بيننا بس صدقيني يا ريهام بيجي يوم و تندمين و..سكتت وصدت تحاول تتنفس من قهرها ، جاسر رفع نظره و اشر لـ ريهام بمعنى روحي، ريهام توجهت مشت لغرفتها ،
جاسر ناظر لـ غرور : توجعتي صح؟ نفس الوجع عطتيني ياه ،
غرور بحدها : لا تتوقع اني ابكي عليك! انا ابكي لاني عطيت انسانه رخيصه اكبر من حجمها ابكي لاني وثقت فيها ،
جاسر ابتسم : ليه معصبه ايش سوت هي؟ تزوجت واخذتها بالحلال الشرع حلل اربعه ي بنت ذياب ،
غرور صدت ومشت تطلع من الدرج جاسر وقفها ومسكها من يدها : غرفتك تحت ريهام فوق ،
غرور وقفت وهي تناظر فيه بهدوء ،
جاسر : غرفتك داخل بالمطبخ ، " يقصد غرفة الشغاله "
غرور صدت...

غرور وقفت وهي تناظر فيه بهدوء ،
جاسر : غرفتك داخل بالمطبخ ، " يقصد غرفة الشغاله "
غرور صدت ولا تكلمت بحرف ومشت وهي تجلس على الكنب وتحاول تتنفس ، جاسر بهمس : قلتلك اكسر لك غرورك ،
غرور اخذت نفس وهي تتمنى بهاللحظه انها تتكلم مع عنود ،
رفعت نظرها تشوفه واقف عند الدرج يناظر فيها ،
كان واقف ومتكي بيده على حافة الدرج وساكت يناظر ،
غرور صدت وجهها وهي تطالع بالارض و سرحانه ،
جاسر مشى من الدرج يتوجه لفوق عند ريهام مشى الغرفه فتح الباب و دخل و رفع نظره يشوفها تتكلم بالجوال وقف وهو يسمعها ويمد يده يقفل الباب ،
ريهام بسخريه ؛ ليتك شفتي وجهها وهي تعاتب متوقعه انها الوحيده الي تقدر تلعب ، سكتت من مشى جاسر يسحب جوالها التفتت عليه بصدمه ، جاسر قفل الخط وحط الجوال بجيبه ونطق : حتى انا اعرف العب اكثر منكم ،
ريهام ابتسمت وهي تناظر فيه : بس انا ما العب ،
جاسر : اكيد ما تلعبين وانتي طلبتي مهر سبعين الف و عرضتي علي الزواج ابد ماهي لعبه ،
ريهام : اعطي كامل حقوق الزوجيه و آدي واجبي ،
جاسر : وش متوقعه اني اطلب منك حقوقي؟ ما طلبتها من الي تحت عشان اطلبها منك ،
ريهام : يعني الي تحت ترضى تعطيك؟
جاسر : ما انتظر رضا احد انا اخذ كل شي بالغصب ،
ريهام : تذكر وعدك انك ماراح تطلقني ،
جاسر : ليه خايفه اني اطلقك؟
ريهام : مو خايفه اذكرك عشان ما تنسى لا شفتها ،
جاسر توجه وهو يفسخ المعطف ويجلس على السرير ،
ريهام مشت وهي تغير الفستان بعد دقايق طلعت ووقفت وهي تشوفه منسدح على السرير مشت تحط كريمات ترطب يدينها ومبتسمه وتوجهت تجلس على طرف السرير : تنام هنا؟
رفع نظره وهز راسه بالايجاب وهو يتلحف ،
انسدحت جنبه ونطقت : رضت بالغرفه؟
جاسر بسخريه : ليه انتي مهتمه فيها ؟
ريهام قربت وهي تحط يدها على صدره و تتلحف ونطقت : اكيد اهتم فيها بالاخير هي صحبتي ،
جاسر نزل نظره ونطق : شيلي يدك ،
ريهام رفعت يدها و تمسح على صدره بـ اظافرها ونطقت : لين متى؟
جاسر : لين ما ادفنك ،
ريهام بسخريه : سويت الي براسك والحين هالاسلوب؟
جاسر : قلتلك قبل توقعين ماراح تلقين مني شيء غير الفلوس لانك جيتيني بالطمع واخذتك ك انتقام ،
ريهام : وانا علمتك و تشرطت طلاق ماراح تطلقني،
جاسر : تطمني راح اشبع كرشتك بالملاين اعرف وش مبتغاكِ ي بنت عايض ،
ريهام سكتت وهي تطالع فيه ، جاسر مد يده ومسك يدها م دفها : ابعدي عني ،
-
نايف كان يسوق ووقف سيارته ونزل مشى يجيب الورد والهديه و رجع ركب و مد لحور : لترف ،
حور ابتسمت : ي عيني على هالحُب ،
شوق : فيني فضول ايش الهدية؟
نايف : يليل الملقوفه،
-