في هوى دارك سنين العُمر

في هوى دارك سنين العُمر بارت 18

اخذت نفس ونطقت بهدوء : ممكن تتركني شوي لحالي ؟
هز راسه بالايجاب وهمس : ارتاحي دقايق و راجع لك لكن اذا غرورك يمنعك تعترفين لي و ترضين بحُبي ف تعالي جنبي و ابتسمي و راح اعرف جوابك و راح اشوفه اعتراف عن حُبك ،
بلعت ريقها وسكتت تناظر ، توجه اخذ جواله ومشى طلع ،
ريهام كانت بالغرفه مشت تنام بعد ما سمعت الهدوء من غرفتهم ، جاسر نزل من الدرج وتوجه يجلس في الصاله ،
غرور مشت جلست على السرير وغمضت عيونها تاخذ نفس طويل واعصابها مشدوده ماهي عارفه شتسوي وتحس بحراره كل ما تتذكز قُربه وحضنه توجهت وهي تطلع لها ملابس و دخلت تاخذ شاور على السريع تريح اعصابها طلعت بعد عدة دقايق ومشت تنشف شعرها وقفت بمكانها تناظر بالمكان الي كانت واقفه وحضنها غمضت عيونها تطرد كل شي من راسها وتوجهت وهي تجلس على السرير و تضم رجولها لصدرها و تحس بالبرد تلحفت و انسدحت و سرحت بتفكيرها ، ليه مُصر على حُبها! ليه رغم كل الي شافها منه مازال يحبها و يبيها! طيب كيف يجتمعون البياض والسواد ! كيف تدخل بداخل حياة انسان كله سواد وهي حياتها بياض! كيف يجتمعون ! مين يلون حياة الثاني من سواد الى بياض! او من بياض الى سواد !
كيف يجتمعون الليل والنهار ! ما يجتمعون استحاله يجتمعون ،
ما يجتمعون بسواد الليل غير القمر والنجوم ! اما نهار و ليل ما يجتمعون ، غمضت عيونها تشوف انها استحاله يجتمعون السواد والبياض ، رفعت نظرها من انفتح الباب توجه وهو يقفل الباب ومشى يحط جواله على الطاوله ، و تيشيرته مفتوح وصدره باين ومشى وهو يجلس على طرف السرير : انام عندك؟
سكتت وهي تطالع فيه ولا نطقت بحرف ، و توقع سكوتها علامة رضا انسدح على السرير جنبها و سند ظهره على المخده ، التفت يطالع فيها يدور منها ابتسامه لكن ما لقى ،
شبكت كفوفها ببعض وهمست : احس اني اختنق ،
كانت تحس باختناق بداخل الغرفه كل ما تتذكر قُربه وحضنه ،
رفع نظره بخوف وهو يطالع : مني؟
رفعت كتوفها بعدم مُعرفه : معرف اختنق من كل شي حولي ابي اتنفس ابي ابعد عن كل شي ،
سكت لثواني وهمس : حتى مني؟
التفتت عليه تطالع فيه : مخنوقه والله ،
مد يده يمسك باطن كفها ونطق : نمشي من هنا ؟
هزت راسها بالايجاب وعيونها تغرق بالدموع ،
اخذ نفس وهمس : قومي البسي نمشي ،
سكتت و رفعت راسها تطالع بـ عبايتها مشقوق على الارض ،
عرف نظراتها وشافها تطالع بالعبايه ونطق : ماعندك غيرها ؟
هزت راسها وهمست : عندي ، توجهت قامت من عنده ومشت تطلع عبايتها من شنطة ملابسها ، كانت العبايه ابيض ،
ووقف قدامها ونطق : لا تلبسين الابيض ،
رفعت راسها تطالع فيه يمنعها...

ووقف قدامها ونطق : لا تلبسين الابيض ،
رفعت راسها تطالع فيه يمنعها تلبس الابيض وهي ما دخلت بحياته يسرق البياض من حياتها خافت من هاللحظه تتلون بالسواد منه هزت راسها بالرفض : ما بلبس غيرها ،
سكت ونطق : ليه؟
وقفت قدامه وهمست : لا تمنعني عن البياض ما راح اتلون بسواد حياتك الليل والنهار ما يجتمعون والسواد والبياض ما يجتمعون وانا وانت ما..سكتت من رفع اصبعه يقاطعها عن الكلام ويصد ويمشي بغرفة تغير الملابس ،
اخذت نفس ترتاح ومشت وهي تلبس الكعب وتوجهت تجلس على السرير تنتظره يطلع رفعت راسها من شافت انه طلع عقدت حواجبها تطالع فيه بصدمه ،
طلع وهو لابس ثوب ابيض و غتره ابيض وكانه يبي يوصل لها جوابه انهم يجتمعون لو السواد بالبياض ما يجتمع ف البياض بالبياض اكيد انه يجتمع! ما وده يسمع منها كلمة " ما نجتمع "
وقف قدامها ونطق : نجتمع انا وانتي اجتمع في هوى دارك و تجتمعين في هوى داري مثل سنين العُمر ،
سكتت وهي تطالع فيه مد يده لها ، تجاهلت ولا مسكت بيده ،
وقفت على حيلها بهدوء و توجهوا طلعوا ينزلون من الدرج ،
نزلت وهي تدور بعيونها على ريهام لكن ما لقتها ،
طلعوا لبرا رفعت راسها وهي تشوف بدا يشرق الشمس ما حست بشروق الشمس توقعت الدنيا ظلام ومُظلم مشت وهي تركب السياره بهدوء ، ركب جنبها و لبس نظارته وعدل الغتره ،
التفت عليها شافها ترفع كفها تمنع وصول الشمس لها ،
ومد يده يفتح الدرج يطلع نظاره وهمس : البسي ،
اخذت النظاره منه و لبست بهدوء و ارخت ظهرها على المقعد ، حرك سيارته ونطق : نروح بحر جده؟
رفعت كتوفها بمعنى ما تدري ، سكت وهو يسوق بهدوء وساكنين طول الطريق ، قاطع هالسكوت مسكة يده ل يدها وحط يدها على قلبه ونطق : حتى قلبي مغرور زيك ما يرضيه الا الحُب والدلال منك ،
التفتت عليه تطالع فيه بهدوء و بصمت ،
-
= بعد وصولهم لجِدة بعد ساعات طويله =
وقفت عند الشباك تطالع بالبحر من بعيد تشوف الموج التفتت من حست عليه ناظرت فيه كان لابس شورت اسود و تيشيرت اسود مستحيل يترك السواد غير ملابسه لاجل ينزلون عند البحر ، ونطق : ننزل نتعشى و نرجع وقته نامي ،
هزت راسها بالنفي : روح انت انا تعبانه من الطريق بنام ،
عقد حواجبه : ماني نازل بدونك!
سكتت وتوجهت وهي تلبس عبايتها ونطقت : لا نتاخر ،
هز راسه : ماراح نتاخر حتى انا فيني نوم ،
نزلت معه و توجهوا ركبوا المصعد ونزلوا عند البحر يشوفون الزحمه و توجهوا للمطعم دخلوا يتعشون ،
جلست وهي تاكل و رفعت راسها تطالع فيه ياكل بهدوء وترك الشوكه من يده ونطق : تبين تسترخين و ترتاحين ودك اخذك ل مالديف؟
-