في هوى دارك سنين العُمر

في هوى دارك سنين العُمر بارت 16

غرور رفعت نظرها تطالع فيه بصمت ،
جاسر : مطلبي الوحيد كان منك لا تاذيني بقلبي هذا مطلبي لا تخليني احس اني استاهل وبالمقابل سويتي كل ذا وشاركتيني شعور مزيف ومع غيري حقيقه! لكن والله لو تخطين في حقي و اخطي في حقك ولو تقوم القيامة بينا ولو تحد سيوف الجفا حدتها علينا ماراح اخليكِ راح اذوقك نفس الشعور يا بنت ذياب راح اخليكِ تخضعين لي مره ومرتين وثلاث والف وساعته اسالك مين يكون جاسر ،
غرور بسخريه : لا ترفع سقف توقعاتك كثير..و رفعت يدها توريه الدبله ونطقت : ما خضعت لغير الحبيب ،
جاسر عض على شفته وهو يطالع بالدبله تلمع بين اصابعها ،
غرور : اطلع من غرفتي ،
جاسر كان ساكت يناظر فيها بصمت ،
غرور بحدها : اطلع !
جاسر : الايام بيننا ي بنت ذياب ، وصد عنها وهو يطلع ، ويتوعد فيها وقف عند المسبح وبلع غصته وهو يناظر بالمسبح بصمت، " ذنبي ان ريشه بوسط الحريق و داخلي من ثروة ظروفي حُطام والله ان الجب في صدري عميق
و والله اني ضايع مثل الكلام كن قلبي من طين و عتيق
جاه رش الديم وأسقاه الغمام وفاح ريح الطين لكن جف ريق ،
سنين وسنين وانا صابر و راح اصبر كمان وكمان وبحر الشوق يلعب بي الين وصل لشط أمان والله مافيه اقسى من ليه
ليه انا وليه هالشعور وليه هالاذى وليه وليه ما تخلص ما بقى ليه في الارض ما شالته صدري ،
-
غرور اخذت نفس وهي توقف عند الشباك وتناظر فيه كان واقف تحت عند المسبح ويدينه بـ جيوبه و سرحان ،
حطت يدها على حافة الشباك وهي تناظر فيه وصدت التفتت وقفت وهي تشوف الورد على السرير رماها قبل يهدي لها ،
توجهت وهي تاخذ الورد وترميه عند الزباله بقهر ،
ومشت تغير الفستان بعد دقايق خلصت و توجهت تجلس على السرير نزلت نظرها تناظر بالدبله عقدت حواجبها من انفتح الباب و دخلت حور وبيدها الخرابيط مشت وهي تجلس على السرير جنبها : فيصل ما بيجي وقررت نسهر ،
غرور ابتسمت : زين جيتي كنت ناويه انا اجي عندك ،
حور بهدوء : جاسر كلمك بشيء؟
غرور هزت راسها بالنفي : ما كلمني ليه؟
حور رفعت كتوفها : مدري سمعت انه كان ناوي يتزوج منك وكلم عمي لكن عمي رفض ؟
غرور : متى صارت هالكلام ؟
-
ناهل : وش عندها عشان جاسر يتزوج منها !
غازي : وش عندها؟ بعد ما اخذت منها كل شي؟
ناهل : اي والحين تتزوج واحد من نفس مستواها ،
غازي : انتم اخذتوا منها كل املاكها ،
ناهل : املاك ابوي وهي مجنونه كنت شايل هم لا تزوجت بكره تسجل كل املاكه باسمه لكن الحين قرش ماعندها ،
غازي باستغراب : القصر الي في الرياض؟
ناهل : جاسر بياخذه ،
-

وقت العشاء كلهم كانوا متجمعين جالسين على طاولة الطعام يتعشون غرور توجهت وهي تجلس جنب حور ،
ام فيصل : وينه جاسر ما نزل؟
شوق رفعت كتوفها : بقوم اشوف..سكتت وهي تشوفه ينزل من الدرج ، الكل انصدموا وهم يشوفونه لابس ثوب ابيض وفوقه معطف اسود ولابس الشماغ لاول مره يلبس ثوب ابيض ،
غرور عقدت حواجبها وهي تناظر بصدمه ، كان يقول انه يكره البياض واليوم طالع لهم وهو ساتر بالبياض توجه بهدوء سحب الكرسي وتجاهل نظراتهم ونطق : السلام عليكم ،
ناهل بهدوء : وعليكم السلام عساه خيره؟
جاسر رفع نظره وصد ومد يده ياكل بصمت ومنزل راسه ،
غرور رجعت شعرها لوراء اذنها وهي تصد بنظراتها عنه ،
ناهل : زين انكم موجودين ناوي اكلمكم بموضوع ،
الكل التفتوا يطالعون فيه الا جاسر مكمل ياكل بصمت ،
ناهل : غرور بما انك قررتي تتزوجين من انسان اقل مننا و اقل من هالعائله ولا يليق بـ اصلنا و فصلنا و نسبنا ف..قاطعته غرور وهي مبتسمه : ماهو اقل منكم البيت الي انت فيه يا عمي بيصير باسمه اذا ودك بعد ،
ناهل سكت بصدمه و رفع نظره : اي بيت؟
غرور التفتت على جاسر : ما علمك ولدك؟ كل شيء صار باسمي حتى املاك ولدك كله باسمي انا ،
جاسر ترك الشوكه من يده و رفع نظره يطالع فيها ،
الكل ناظرو بصدمه لـ غرور و التفتوا على جاسر ،
ناهل وقف ع رجوله ونطق : جاسر هذي ايش قاعده تقول !
جاسر هز راسه بالايجاب : اي كل شيء باسمها حتى المزرعه،
ناهل تجمد دمه بعروقه من الصدمه وهو يطالع ،
جاسر وقف وهو ينفض يدينه : شبعت استاذنكم ، وصد وهو يطلع ويحاول يكتم قهره و اعصابه ،
غرور ابتسمت وهي تلحقه: عن اذنكم بتكلم معه شوي ،
ومشت لحقته ناظرت فيه كان طالع ونطقت : تلونت حياتك من بعدي الظاهر ؟ ' وقف من سمع صوتها و اخذ نفس والتفت عليها : قلتلك شفت امي بالكفن وكرهت البياض والحين انا ساتر نفسي بهالكفن ،
غرور وقفت قدامه وهي تطالع فيه : يكون بعلمك اني عطيتك من الايام ما يحلم به الا وده يصافح يديني عطيتك حُبي حتى لو كان حب مزيف يكفي اني عيشتك هالشعور مني ،
جاسر : اقسم باللي رفع سبع سماوات ووطاها سبع اني لا اندمك على الساعه الي فكرتي فيها تلعبين حواليني يا بنت ذياب صبرك علي ، وصد وهو يطلع من الباب.
-
ناهل كان واقف يطالع من الزجاج والشراير يتطاير من عيونه وصد بقهر و ضرب بيده على الجدار بكل قوته من قهره و غضبه من افعال جاسر ،