في هوى دارك سنين العُمر

في هوى دارك سنين العُمر بارت 14

جاسر رفع نظره باستغراب : وشهي هالشيء؟
غرور سكتت وهي تطالع فيه ونطقت : توضح كل الكذب لـ حور و تبرر كل فعلتك والشرط الثاني ترجع تسجل القصر باسمي لانه كان وعدي لجدي ماراح اتنازل عن القصر و اجبرتني انت،
جاسر سكت وهو يطالع فيها ونطق : بس هذا ودك؟
غرور مدت يدها تمسح ع عيونها و تعمدت تفرك عيونها لاجل تدمع و تمثل ونطقت : بس انا صعب اثق بحُبك ،
جاسر رفع كتوفه : قلتلك اطلبي ب اي طريقه اثبت لك؟ تبين كل املاكي؟ المزرعه و بيتنا القديم راضي بس قولي لي!
غرور رفعت نظرها : اعرفك مستحيل تسوي هالشيء ،
جاسر : راح اسوي هالشيء اذا وقعتي على عقد النكاح ،
غرور فزت بتوتر وهمست : لا ماراح اوقع يبي لنا وقت نتعرف بس قبل كل شيء ابغاك تثبت لي انك صادق بحبك عشان كذا انت مجبور تعطيني كل املاكك مو حنا نصير واحد؟
جاسر سكت ومد يده وهو يبعد شعرها عن وجهها ويناظر بعيونها : راح اوقع بشرط ،
غرور رفعت نظرها باستغراب : ايش شرطك؟
جاسر : تنامين بحضني و اسوي فيكِ الي ابي ،
غرور ناظرت فيه بصدمه و دفته : انت صاحي!
جاسر بسخريه : شفتي انك كذابه و تلعبين علي!
غرور بحدها : بس قاعد تطلب شي حرام!
جاسر : بغيته بالحلال انتي رافضه ،
غرور : قلتلك راح ارضى اذا عطيتني كل شيء لك ،
جاسر سكت وهو يطالع فيها : حلوين بعد اسبوع نرجع ونتفاهم بذي الامور وانا قد كلامي بس انتي لا تصيرين جبانه ،
غرور سكتت وهي تناظر فيه ونطقت : ماني جبانه انا ابوي ذياب انا بنته بنت ذياب ،
جاسر هز راسه وتوجه وهو ياخذ المعطف : الساعه ٦ الصباح وقت الفطور نازل افطر في مطعم دور ٥ ،
غرور : انا رايحه ل دور ٦ ،
جاسر ناظر فيها : بمشي معك اكلمك بموضوع ،
-
فيصل بهدوء : توقعت انك اتصلتي عشاني ،
حور : شوق طلبت مني اكلمك لا اكثر و اتصلت اقولك حاول ما تتاخر لانها البنت متورطه ،
فيصل : تسامحيني طيب؟
حور : فيصل مالي نقاش معك بخصوص هالموضوع ،
فيصل تنهد : طيب انا اشتقت قسم بالله اشتقت ارفقي فيني!
حور : ما فكرت قبل تسوي هالشيء!
فيصل : فكرت فكرت بس ما عطوني مجال والله ،
حور : تعبت انا يا فيصل تعبت من كل شيء ماعاد ابي شي منكم ولا ابيك بس اتركوني لحالي ،
فيصل : انا اترك الدنيا والعالمين ولا عليهم حسوفه الا انتي ما اتركك لو توصلين السماء ما تركتك مفهوم!
حور بدموع : ليه تسوي كل هذا لاني ضعيفه عشان كذا!
فيصل : الله ياخذ الضعف واهله اي ضعف تتكلمين عنها! اقوى امراة بحياتي عرفتها هي انتي وبس! وانتي ضعيفه فاهمه!
حور سكتت بهدوء ومدت يدها تمسح دموعها ،
-

فلاح : ي رجال استهدي بالله و تعوذ من الشيطان ،
ابو ترف بحده : ماراح اسكت راح اطلعها من تحت الارض ،
ظافر كان واقف بعصبيه ونطق : هذا تربيتكم !
ابو ظافر : راح يطلقها ولا لنا علاقه فيكم ،
-
غازي : ي هناء انا طول عمري قعدت تحت رضا اخوي و رايه لكن الموضوع يخص حياة بنتي يكفي لين متى اقعد امشي وراه و ورا رايه! انا اب و اعرف مصلحة عيالي ،
ام فيصل : هذا الي كنت احاول اقولك ياه و افهمك لا تمشي ورا رضا اخوك و رايه هذا حياتنا حنا مو اخوك! هذا هو اخوك راح تزوج جاء اخذ راي احد مننا؟ حتى عياله ما اخذ رايهم!
غازي : ماعلي منه انتي شوفي راي شوق و نرد لهم خبر ،
ام فيصل : شوق موافقه ماعندها مانع ،
غازي : انا بنفسي اكلمها و اسمع رايها ،
-
شوق : هو شقال لك طيب؟
حور بدموع : ولاشي ي شوق خلاص جاي قال ،
شوق : طيب تكفين سامحيه عشاني!
حور سكتت ونزلت نظرها للارض : ماني عارفه وش اسوي ،
شوق : يختي لا تسوين شيء بس سامحيه !
حور سكتت وهزت راسها : بطلع اشوف عمي ، مشت طلعت من الغرفه شوق لحقتها بهاللحظه دخل نايف وقف بمكانه يناظر فيهم ونطق : شصار سمعت جاء احد و خطبك؟
شوق بهدوء : اي اكيد فيصل علمك ؟
نايف : اي علمني بس ما عطاني كامل التفاصيل ،
حور : زين جيت روح ل عمي غازي و اسمع منه ،
نايف حقد حواجبه : طيب تكلموا صاير شي؟؟
-
ام عبدالعزيز : ولدك انجن يقول انها حامل ! و رفعت اصبعها تاشر على هنوف : هذي هذي حامل و تصير ام لاحفادي!
عبدالعزيز بهدوء : اي حامل و تصير ام لاحفادك شئتي ام ابئتي .
آم عبدالعزيز بصراخ : سامععع ولدك ايش يقول! ساحره هذي سحرت ولدي ولدي الي ربيته وكبرته يرد بوجهي !
فلاح سكت و رفع نظره لـ عبدالعزيز : احترم امك فاهم!
عبدالعزيز : حاولت يبه حاولت كثير احترمها بس امي تجبرني ارد عليها بذي الطريقه ،
هنوف صدت بتعب من صراخ أم عبدالعزيز ومشت دخلت الغرفه وقفلت الباب توجهت تجلس التفتت من رن جوالها و ردت : هلا تروفي ؟
ترف كانت جالسه بالفندق : هنوف تكفين عطيني حل ،
هنوف باستغراب : بسم الله حل ايش؟ فينك انتي؟ وفين نايف؟
ترف : انا بالفندق ومدري عنه اعتقد راح ،
-
نايف رفع نظره بصدمه : ابوي قايل كذا؟
غازي تنهد : اي ابوك قايل كذا و هذا سبب رفضه ،
نايف : بس يا عمي اذا انت راضي و شوق راضيه بس خلاص بكيفكم خلك من راي ابوي ،
غازي : هذا الي ناوي اسوي لكن قايل انه ما راح يشمل بهالفرحه ايش اجاوب اذا سالوا الناس؟
نايف : خلك من ناحية هالموضوع انا اتفاهم معه بذي الامور كله و اشوف الوضع ،
-