පෙම්බර වැද්දා

දාසය

මොකක්දෝ අමුතු දෙයක් සිදුවීගෙන යනබව නාරදට හවස් වෙනකොට තේරෙන්න පටන් ගත්තා.

තේමියට යවන මැසේජස් එකක්වත් එයාට ලැබිලා තියෙන බවක්පේන්න නැහැ. අනික කොච්චර වැඩවැඩිවුනත් වෙනදට පැයකින් දෙකකින්වත් ෆෝන්එක අතට අරගෙන එවලා තියෙන මැසේජ් මොනවද කියලා බලලා නාරදට පොඩියට රිප්ලයිඑකක් බැරිවුනොත් අඩුමගානේ ඉමෝජි එකක්වත් එවන නාරද පැය ගණනාවකින් ඔන්ලයින් ඇවිල්ලා නැහැ.

'සමහරවිට අද දොස්තර සමරසිංහව හම්බවෙන්න යනවා කියපු නිසා වෙන්න ඇති...'

නාරද එහෙම හිතලා හවස්වරුවම හිතාහදාගත්තට රෑවෙන්න රෑවෙන්න එයාගෙ හිතට නැගෙන්නවුණු බය වැඩිවෙන්න ගත්තා. ඉවසගෙන ඉන්න බැරිම තැන නවය විතර වෙනකොට එයා රිස්වාන්ට කෝල්එකක් ගත්තේ ඒහින්දයි.