محلة نجيب باشا
بقلمي عطر الياسمين🌸🖤
البارت 21
_______________
من كال الحمل شارب صفى رجال ؟!
المواقف تبرز الرجال و الزلمهاكو حرمه و تلوذ بشارب الخيال
و اكو شوارب يروحن فدوه للحرمه ..______________
جليت صوتي و رديت بثقه .. اجه و طردته
التفتت لكيته صافن بوجهي متعجب بقيت ساكته و هو حجى .. شلون يعني طردتي ؟!!
- طردته و مااريده يوصل لهنا بعد
- ليش شسوه ؟! طلع منه تصرف غلط و هيج قابلتي تصرفه لو شنو ؟!هزيت راسي و كتله .. اي
فتح عيونه بصدمه و سألني .. بسرعه احجيلي شصاير و اني مو هنا ؟!رجف جسمي و حسيت الدم جمد بعروقي و اني اتذكر الخوف اللي عشته بسببه اخذت نفس و بديت احجي
حجيتله كل شي صار مثل ما صار بالضبط و ما ضميت عليه ولا حرف لأن طول الفتره اللي فاتت و اني افكر اذا حجيت راح تصير مصيبه و اذا سكتت المصيبه اكبر و اني اللي اوكع بيها و ليش اضم و اني ما غلطانه بشي ؟!
و لأن اعرف منو ورا كل اللي صار و اعرف هذا تدبير و تخطيط منو و اعرفهن منتظرات الزله عليه و منتظريني اخاف و اتردد احجيله حتى همه يدخلون بيننا و يهجمن بيتي و يسون اللي ما كدرن يسونا من زمان
قررت اتريك بيهم قبل ما يتغدون بيه لأن اعرف راح ينتهزون اقرب فرصه و يشككو بيه حسب تفكيرهم قررت اكون صريحه و احجيله بدون تردد و من حقي عليه انه يحميني من الوحوش البشريه الخبيثه
و خصوصاً اخته متأكده هي صاحبة الفكره من يومها افكارها مسمومه و الشيطان يتعلم منها
نهيت كلامي و هو بعده بنفس النظره يباوعلي بصدمه و يرجع يسألني بتعجب .. صائب ؟!!!
- اي صائب
- لج شلووون اني امنته على بيتي و اهلي بغيابي هيج يخون الأمانه ؟!
- الله شاهد على كل حرف كلتهبقى فاتح عيونه بصدمه يريد يستوعب اللي حجيته بعدها قبض كف ايده بعصبيه و كال .. كومي حضريلي هدومي
- وين رايح ؟!
- اجيب حقي و حقج و ارجع
- حيدر اني حجيتلك لأن هيج شي جبير ما ينضم بس الله يخليك من تتصرف اتصرف بهدوء- لج يا هدوووء لج دايس بيتي و متحارش بمرتي و تريدين اتصرف بهدوء ؟! لج هذا موته على ايدي اذا ما ذبحته بأيدي مثل الخروف اني فلا طالع من ظهر ابويه
- حيدر فدوه خلينه اني و الجهال بين عيونك من تتصرف
- انطيني هدومي بسرعهحضرتله ملابسه و اني ادعي بقلبي و اقرا ايات و هو يلبس بعصبيه و بأيد ترجف و ملامحه غاضبه قريب ما يريد يخلص سمعنا الباب تندك رفع راسه مخنزر عيونه و حجى .. كون يطلع هو و اجه برجليه
أنت تقرأ
محلة نجيب باشا
General Fictionسندخل الى قلب بغداد لأحد ازقتها التي خبأت بين جدرانها عبق الماضي و سنطرق باب احد بيوتها في محلة نجيب باشا و نعيش تفاصيل حياتهم من جيل الى جيل