محلة نجيب باشا
بقلمي عطر الياسمين🌸🖤
البارت 43
_____________
بعض الخيبات كانت ضروريه
لتجعل منك انساناً اكثر نضجاً
و إلا كنت ستُمضي ايامك و انت معتقداً ان كل من حولك هم سند حقيقي ..فبعضها يأتي لينهي فصلاً من فصولِ حياتِك كنت تراهُ بأبهى صوره !!
و بعضُها يأتي ليُسقط الأقنعه و يُريك الوجوه الحقيقيه لِمن حولِك
و بعضَها يأتي لتعرِفَ قدرَ نفسِك
انت لن تتغير تغييراً حقيقياً و لا تكبر
سِناً و عُمراً و فهماً
إلا بعدَ أن تتلقى صفعةً قويه ممن اعطيتهم مكانه و مساحه خاصه و كبيره في حياتِكبعض الخيبات كان لابُدَّ من ظلامها .. لِتعرف قيمة النور
_____________
ميسم ..
عمري ماانسى هذا اليوم كعدنا الساعه سته الصبح على صوت اقل ما يقال عنه مُرعب طول الليل صوت الأرتال الأمريكيه تفتر و اني نومي خفيف بالكوه كدرت انام من اصواتهم
كعدنا صلينا و نمنا و فجأه حسيت البيت انفض بينا مثل كأنه لازمه قطعة قماش و نفضتها بقوه هيج جان شعورنا بهاي اللحظه
كعدنا كلنا من النوم مرعوبين و اكثر وحده خافت عبير وكفت لحيلها تعيط و وكعت بمكانها بابا وكفها و حضنها و يحجي وياها و هي بعدها مخروعه و ردت وكعت و تعيط
و بابا يحاجيها .. بسم الله بابا بسم الله لا تخافين بابا ماكو شي لا تخافين الصوت بره مو بالبيت
اتلتفتت علينا كلنا مرعوبين و نبجي حضنا كلنا و كال .. لا تخافون يابه ماكو شي و التفت على ماما يهدئها و يطمنها
اجانه صوت قفل باب المطبخ ينفتح عافنه و طلع و هو يصيح .. هذا منو تعال فوت لا تجيبلنه بلوه عبد الرحمن طب جوه
- بس اشوف شكو صوت عياط سمعت بره
- العالم هبطت و عيطت حالهم حال خواتك فوت الأمريكان الليل كله يفترون استر علينا مابيه حيل هبطات اكثرفات كعد و يلوب هو و حسام يباوعون من شباك المطبخ و ماما تفتر تباوع على جام البيت اللي تكسر و تردد .. الف الحمدلله الف حمد و شكر الك يارب فدوه الجام هم زين محد انجرح بي دفع الله ما كان اعظم
احنا كعدنا ثلاثتنا على سرير بابا نرجف نريد نستوعب فاتت علينا سبأ تلف بحجابها و كالت ها يابنات سلامات خوما بيكم شي
هزيت راسي بنفي و احجي بتعب .. لا الحمدلله بس كلش خفنا
- يلله الحمدلله عدت سلاماتراحت جابت مي و اجتي .. هاكم اشربو خل تروح الهبطه
تشكرنا منها و بقت كاعده يمنا شويه و طلعت ريم هم ترجف و خايفه باوعت من باب الغرفه بابا طلع هو و الولد بره
أنت تقرأ
محلة نجيب باشا
Ficción Generalسندخل الى قلب بغداد لأحد ازقتها التي خبأت بين جدرانها عبق الماضي و سنطرق باب احد بيوتها في محلة نجيب باشا و نعيش تفاصيل حياتهم من جيل الى جيل