محلة نجيب باشا
بقلمي عطر الياسمين🌸🖤
البارت 10
___________________
خُلقَ الجمالُ على مقاسكَ مثلما
خُلِقَت على قدرِ الكفوفِ اصابعُ
فكإنما لا حُسنُ غيركَ كاملٌ
و كأنما لا سِحرُ بعدَكَ واقِعُ____________________
- اللي سمعتي يمه ؛ ليش شبيهه سناء؟
- مو حلوه اذا ما عاجبتك سعاد اخذ انتصار
- انتصار منو هالمره ؟
- بنت خالتهه لسناء مو شايفها انته؟! احلى منها بألف قاطجريت حسره و رديت عليها :
- يمه اكلج اريد هاي البنيه تكليلي اخذ بنت خالتها؟!
طماطه هي و اختار الحمره لو القويه؟!
بعدين شبيهه سناء حلوه و مؤدبه و احسها تناسبني- ما عاجبتني
- بس اني عاجبتني
- و انتصار شبيهه؟!
- مابيهه هم خوش بنيه بس ثائر حاجي بيهه و رايدها- يعني تريد تكسر كلمتي بكل طريقه انته
- يمه هذا الموضوع يخصني و انتي تعرفيني من احجي كلمه ماارجع بيهه البنيه عاجبتني و عيني عليها من زمان حددي موعد اخذكم انتي و خالاتي و اخطبيهه الي- اي عود الله كريم
حجتهها و دارت وجهها عني بعدين حجت :
- عود طفي الضوا اريد انامطلعت من الغرفه ضايج صعدت لغرفتي ما اجاني نوم بقيت مقهور من رد فعل امي و ما نمت غير وجه الصبح
ثاني يوم الجمعه خالتي الحجيه زارتنا دا انزل من الدرج و سمعتها تحجي ويه امي لأن كاعدات بالحولي جوه الدرج و صوتهم يوصلني واضح
- بدريه اذا شايفته هاويها نروح و نخطبها اله ليش مطولتها للسالفه ؟!
- ما عاجبتني هي كوه ؟!
- يا خيتي شعليج انتي هو عاجبته ؛ بعدين الولد شايل حمل البيت كله فوك راسه صار سنين و مااشتكى هسه من يريد يفرح تنغصين فرحته ؟!
و انتي تعرفين ابنج من يحط شي براسه انتهت ما يجوز منهردت امي يحقد :
- اييي مثل ابو يا سبحان الله نفس الطينه
- الله يرحمه- و انتي تريدي يمشي حجايته عليه ؟!
- يداده ابنج رجال مو جاهل و تمشي بكيفج- حتتتى لو يصير ورا عشر جهال ابقى امه و يسمع حجايتي
- اي تبقين امه ما كلنه لا بس مو تمشي على كيفج هو هم دارس و موظف شكبره مو صغير
- اكلج حجيه اشو انتي طابكه ويا ليش من شوكت الولد هو يختار و يحكم امه تمشي برأيه ؟!
- يَ خيتي الدنيا تغيرت على ايامنا جنا ما نشوف الرجال غير يوم العرس بس هسه الوكت تغير و الناس تغيرت تردين كل شي يبقى مثل اول على ايامي و ايامج ؟!
أنت تقرأ
محلة نجيب باشا
Ficção Geralسندخل الى قلب بغداد لأحد ازقتها التي خبأت بين جدرانها عبق الماضي و سنطرق باب احد بيوتها في محلة نجيب باشا و نعيش تفاصيل حياتهم من جيل الى جيل