محلة نجيب باشا
بقلمي عطر الياسمين🌸🖤
البارت 55
_____________
شايف من تظل تنعاد الأيام
نفسها و ماكو شي بيها يتجدديجي كم باجر و ما يختلف شي
نفس البارحه بس عمرك ازيدساعتها العمر مستعمل يصير
و احلامك شويه شويه تنهدصح ينكتب عايش بالسجلات
بس انت مجرد رقم ينعدمثل الهوى اللي بالمقبره يدور
لا تخنك ولا يشتمك احداكبر مشكله يواجهه الأنسان
اذا عالمشكله يبدي يتعود________________
مقلله انارة الغرفه لأن نامت ديما و كاعده عالجربايه و بأيدي تليفوني اتصفح بالتقويم انفتح باب الغرفه و فات غيث
باوعلي مبتسم كال .. ها حبيبي بعدج كاعده
- اي بعدني
- شبيجباوعتله صفح و حجيت .. فات اربع ايام
- شنو يعني
- يعني دك عندي جرس الأنذار اكيد اكو شي
- و ليش عصبيه !!- تحجي صدك غيث بنتنا هسه كملت سنه ترى ما بيه حيل اني شكد كلتلك خليني آخذ شي و انت ما قبلت
- احنه مو متفقين همه بس اثنين
- و اذا اجتي الثانيه بنيه هم بعدين تكلي اريد ولد ؟!- يجون ولد يجون بنات يجون قروده همه اثنين و بس و انتي تعرفيني ماعندي هذا التفكير بالعكس اني افرح بالبنات اكثر من الولد لأن دائماً اتمنى لو عندي اخت بس الله ما راد
- اي ميخالف بس جان كبرت شويه ديما
- حبيبي والله دا اشوف اصدقائي اكثر من واحد عدهم طفله وحده يوصل عمر بناتهم للخمس سنوات و يراجعون اطباء و ادويه و هوسه حتى يصير عدهم الثاني و ليهسه الله ما رزقهم خفت بنتنا هم تظل وحيده هيج خطيه
- ترى آني مو بزونه و اجيب كل سنه
- احلى بزونه
- دا احجي صدك
- هسه انتي كل هذا الحجي و انتي مجرد شاكه لو تأكدتي شتسوين تبيتيني عالدرج ؟!!- باجر تاخذني للعياده
- انتي تأمرين بس فكي هاي عكدة الحاجبحجيت لخاله الصبح و اخذوني العصر هي و غيث للعياده حللت و طلعت النتيجه مطابقه لتوقعاتي حامل
بالبدايه شويه ضجت خصوصاً من افكر اهلي بعيدين عليه من جبت ديما بقيت عدهم و دللوني هسه شلون
بعدين من افكر بديما و اشوفها شكد تفرح من يجينا خطار عدهم طفل بعمرها او اكبر منها شكد تتونس باللعب وياه و من يطلعون تبقى تبجي
حمدت ربي و شكرته على النعمه خابرت ماما و بشرتها فرحت بس كالت .. راح يبقى كلبي يمج تعالي جيبي هنا يمنا
أنت تقرأ
محلة نجيب باشا
Ficción Generalسندخل الى قلب بغداد لأحد ازقتها التي خبأت بين جدرانها عبق الماضي و سنطرق باب احد بيوتها في محلة نجيب باشا و نعيش تفاصيل حياتهم من جيل الى جيل