Uni
ဘာလိုလိုနဲ့သွေးတို့တောင်စာမေးပွဲပြီးပြီ အောင်စရင်းတော့မထွက်သေးပါ အကောင်းဆုံးတော့ဖြေခဲ့တာပါပဲ ဘယ်လိုလာမယ်မှန်းတော့မသိဘူး
အခုတော့ သူရောခွန်းမောင်ရော ကိုရှင်းသန့်ဆိုင်မှာအလုပ်ခနပြန်ဝင်လုပ်နေသည်။အောင်စရင်းထွက်ရင်တော့အလုပ်ကောင်းတာလေးတစ်ခုရှာရမည်။"ကြိုဆိုပါတယ်ဗျ"
တွေးရင်းနဲ့ဆိုင်ထဲသို့ဧည့်သည်ဝင်လာတော့ဧည့်ကြိုမရှိတာနဲ့သွားကြိုလိုက်သည်။
"ဘာများသုံးဆောင်မလဲ"
မီနူးစာအုပ်ကိုချပေးလိုက်တော့ဟိုလှန်ဒီလှန်နဲ့မုန်တွေကြည့်နေသည်။
"ဒီမုန့်လေးကနှစ်ခု black coffee တစ်ခွက်အမေရီကာနိုတစ်ခွက်ပေးနော် "
"ဟုတ်ကဲ့ခဗျ"
ခွန်းမောင်ကဈေးသွားဝယ်တော့သူပဲဖျော်ပေးရတော့မည်။
*************************
မာန်အလုပ်တွေရှုပ်နေရတဲ့ကြားထဲဦးလွင်နောင်ကအကူညီတောင်းလာလို့သူ့သမီးကားမောင်းသင်ပေးမဲ့ကိစ္စကိုတိုင်ပင်ခိုင်းသည်။အားတဲ့အချိန်လေးပါပဲဆိုပြီးခခယယလာပြောနေတာ။ စိတ်ရှုပ်တယ်
ကော်ဖီဆိုင်မှာတွေ့ဖို့ချိန်းလို့သွားရပေအုံးမည်။ဆိုင်ထဲဝင်လာတော့
"ကိုမာန် ချောလွင်ဒီမှာ"
လက်ပြ၍ပြောလာတော့သူရှိတဲ့ဝိုင်းသို့သွားလိုက်သည်။ကော်ဖီတွေမုန့်တွေမှာထားပြီးစောင့်နေသည်။
"ပြောလေခေါ်ရတဲ့အကြောင်းရင်း"
မာန်ခပ်ပြတ်ပြတ်ပဲမေးလိုက်သည်။
"ကိုမာန့်ကိုကားမောင်းသင်ခိုင်းမ့်ုပါ ဖေဖေကမအားတာနဲ့မသင်ပေးဘူးလေ"
"ငါကောအားတယ်ထက်နေလား မင့်အဖေထက်အလုပ်ပိုရှုပ်တယ် ငါ့လူတွေနဲ့သင်ခိုင်းလိုက်မယ်"
"မဟုတ်ဘူးလေကိုမာန်ကလည်း ချောလွင်က.."
"ဟုတ်ပြီ တစ်ရက်ပဲငါသင်ပေးမယ် အလုပ်ကပစ်ထားလို့မရဘူး အဆင်မပြေလဲရတယ်"
"ဟွန့် ရပါတယ်တစ်ရက်လည်း"
"အင်း သွားတော့မယ် ပြောပြီးပြီဆိုတော့"