عمرك حسيت أحساس اللخبطة؟!!!
أحساس التوهان، أحساس إنك مش عارف أنت مين؟ بتعمل ايه؟ عايش ليه؟
حسيت أحساس إنك تبقى لوحدك رغم كل الناس اللى حواليك.
أحساس الألف صوت اللى في دماغك كل صوت فيهم عايز ينفرد بنفسه، كل صوت ملوش علاقة بالتانى، كل صوت بيفكر فى نفسه و بس.
أحساس الألف فكرة منك مش عارف تنفذ ولا فكرة منهم و منك مش قادر تسكت عقلك عنهم.
جربت أحساس الحيرة، الوحدة، الحسرة، الندم، القلق.
أحاسيس كتير جوا شخص واحد كفيلة تخلق منه مريض نفسي مش بس كده كفيلة أنها تجعله مجنون محتاج مصح نفسي.
كل الناس بتهرب منه.
ليه؟
خوف منه، قلق، زعل على حاله.
يمكن أو يمكن كرهوه من تصرفاته الغير منطقيه و الغير مبررة بالنسبة ليهم.
كل الأحاسيس دي جواك أنت.
أنت بس اللى بتفكر فيها.
أنت اللى مخليها تسيطر عليك.
لدرجة أنك مش عارف تعيش من غيرها دلوقتى.
الأحاسيس دى بقت سبب أستمرار حياتك دلوقتى.
Aphrodite 🖤
