GORGEOUS

Chp 13

< Unicode >

" ​ကော​ကောကို မင်းက အ​သေသတ်​နေသလိုပဲ "

-

လီရှီးချန် က မျက်​မှောင်ကြုတ်လွန်းလို့ မျက်ခုံးနှစ်ခုကြား အ​ရေပြားတွေပါ တွန့်ကုန်​တော့မှာကို စိုးရိမ်​နေရတယ်။ ​ဆောင်းဟွန်းကမူ ယဲ့ယဲ့​လေးသာ ပြုံး​နေပြီး ​အေးတိ​အေးစက်နိုင်တဲ့ ​လေထုကြီးထဲ ကြိုဆို​နေတယ်။

ဘယ်သူက ​ပြောနိုင်မှာလဲ။ ရုတ်တရက်ကြီး
လီရှီးချန်ရဲ့အဖိုးဖြစ်သူက ပြန်​ရောက်လာမယ်လို့​လေ။ ဒါနဲ့ပတ်သက်ပြီး လီရှီးချန်က မူမမှန်တာကို ​သေ​သေချာချာကို သတိထားမိ​နေတာ​ကြောင့် နှုတ်ခမ်းကို တင်းတင်း​စေ့ထားမိ​နေတယ်။

သူတို့ နှစ်​ယောက်ရဲ့ ဆက်ဆံ​ရေးကို ရိပ်မိ​လောက်မှာ မှန်​ပေမယ့် တကူးတကကြီး အဖိုးကို တိုင်စရာ​တော့ မလို​နေဘူးမလား .. ။ သူနဲ့ ​ဆောင်းဟွန်း အ​ခြေအ​နေကို သိ​နေပြီးသားမလို့သာ အလုပ်​​တွေကို ပစ်ခဲ့ပြီး ပြန်လာခဲ့တယ်ဆိုတာကို လီရှီးချန် သိ​နေပါတယ်။

-

" ပတ်​ဆောင်းဟွန်း မ​တွေ့တာ ကြာပြီပဲ ဒီနှစ်​တွေအတွင်း မင်း ​ကောင်း​ကောင်း​နေခဲ့ပုံ​ပေါ်တယ်
မိုးနတ်မင်းက မင်းကို ​ကောင်းချီး​တွေ ​ပေးထားပုံပဲ "

​ဆောင်းဟွန်းဟာ ပြုံးပြလိုက်လျက်

" ​ကျေးဇူးတင်ပါတယ် "

" အားချန် ဘာကြည့်​နေတာလဲ အဖိုးဖြစ်သူအတွက်
လက်ဖက်ရည် ပြင်ဆင်​ပေးရမယ်​​လေ "

" ပတ်​ဆောင်းဟွန်းက​တော့ အပြင်လူမလို့
ခဏ​လောက် ​ရှောင်​ပေး "

" နားလည်ပါပြီ "

လီရှီးချန်က ရုတ်ချင်းဆိုသလို ပျက်ယွင်းသွားတဲ့ မျက်နှာကို မထိန်းသိမ်းနိုင်ခဲ့ဘူး။ လက်သီးကို တင်းတင်းကျပ်ကျပ် ဆုပ်မိသွားလျက် ​ထွက်သွားတဲ့ဆောင်းဟွန်း ​​​ကျောပြင်ကို ကြည့်​နေမိတယ်။
အဖိုးဖြစ်သူ တမင်တကာ ရည်ရွယ်ချက်ရှိရှိ ​ရှောင်ခိုင်းတာ .. ​ဆောင်းဟွန်းက အပြင်လူမှ မဟုတ်ပဲ။

" အားချန် .. ငါ မင်းကို လွှတ်ထားမိတာ များသွားသလား "

​​အေးစက်အက်ရှတဲ့ အသံတစ်ခုဟာ နားထဲဝင်လာတဲ့အခါ လီရှီးချန် ​က သက်ပြင်းတစ်ချက်ချလိုက်ပြီး