السعاده العظيمة تأتي من بعد ألماً كبير.....
....................................................
اليوم التاني مريم عدت عليا زي ما وعدتني قعدنا انا وهي نفطر سوا
مريم قالتلي وهي بتاكل"صحيح يا ريتال يحيي قالي انك اتعرفتي علي ليلي امبارح.."
وقفت أكل اول ما سمعت اسمها حاولت اخفي مشاعري عملت نفسي مش مهتمه ورديت عليها وانا باكل وقولتلها
"اه شوفتها امبارح اعتقد كانت عايزه تعمل ل يحيي مفاجأه بس استغربت ان يحيي خاطب ..انا لاحظت انه مش لابس دبله "
قالتلي وهي بتشرب العصير
"اه فعلا هو مش بيحب يلبسبها في الشغل بس خلاص طالما ليلي رجعت يبقي هتخليه يلبسها لو حتي غصب عنه"
قربت مني وقالتلي بصوت واطي وهي بتضحك
"الصراحه بيني وبينك ليلي دي مش بحبها خاالص بحسها مصطنعه ف كل تصرفاتها حتي شكلها مش عارفه يحيي حبها ازاي الله اعلم اكيد عملتله عمل"
سألتها وقولتلها"بس هما اتعرفوا علي بعض إزاي؟"
مسحت ايديها في منديل بعد الأكل وقالتلي
" انا اللي اعرفه ان يحيي اتعرف عليها لما كان مسافر عن طريق واحده زميلته عرفتهم علي بعض عشان كانوا مصريين زي بعض ومن بعديها علاقتهم اتطورت بعدما كانوا مجرد صحاب ولما نزل مصر حكالنا عنها وقال انه اتقدملها يعني ولبسوا دبلبس... وهي دي كل الحكاية انا كنت هقولك بس ماجتش فرصه اصل بصراحه انتي كنتي كل مااجيب سيرة يحيي تغيري الموضوع وتقوليلي مش عايزه اعرف حاجها عنه افتكرت انك زعلانه منه عشان كده مابقتش اقولك حاجه عنه"
سندت علي ضهر السرير وقولتلها"بس انتي مش بتحبيها ليه؟"
فكرت شوية وقالتلي"مش عارفه يعني كنت عايزه اللي تبقي خطيبة اخويا تكون صاحبتي وتبقي علي طبيعتها معايا ونقرب من بعض يعني تبقي علاقتنا زي الأخوات بس مع الأسف هي مش كده معايا انا اوقات بحس انها عايزه تاخد يحيي ليها لوحدها،ده انا لما يحيي يهتم بيا قدامها نظراتها ليا بتبقي غريبة كإني واحده عايزه تخطف خطيبها منها"
قولتلها بإستغراب"ايه اللي بتقوليه ده يا مريم اكيد انتي فهمتينظراتها غلط يعني هي هتبصلك كده ليه؟"
قالتلي" ممكن اكون بتوهم مش عارفه بس انا حبيت احكيلك عشان انتي بتفهميني دايما يعني من الاخر كده انا مش بحبها وبتمني ان يحيي يعيد نظر ف خطوبته منها"
قولتلها بعد ما فكرت في كلامها
"طالما يحيي بيحبها يبقي انتي حاولي تاخدي الخطوه الاولى من انك تقربي منهايمكن لما تتعرفي عليها اكتر تحبيها اكيد هي فيها مميزات كتير عشان تخلي يحيييحبها"
كنت حاسه ان قلبي بيوجعني وانا بتكلم كإنه عايز يتكلم ويقولي كفاية كدب لحد كده كفاية وجع وألم..
قالتلي "هحاول اعمل كده مع اني عارفه ان نظرتي عمرها ما خيبت ظني بس هحاول عشان يحيي.. المهم انتي عاملة ايه النهارده احسن؟ "
ابتسمت ليها وقولتلها "اه ياحبيبتي احسن الحمد لله"
سمعنا الباب بيخبط قولت للي بيخبط يدخل وكان يحيي دخل ووقف قدام سريري وقالي
"ريتال اللي بابا قاله ده صحيح انتي عايزه تروحي احنا مش اتكلمنا امبارح وانتي وافقتي تبقي هنا لحد ما تتحسني "
أنت تقرأ
الدنيا علمتني
Romanceالدنيا علمتني إزاي أحب وأغامر وأواجه وأجرب حاجات جديده اتعلمت اثق في نفسي وأقدرها وأقيمها واحب نفسي الاول قبل اي شئ في الدنيا عشان اقدر ألاقي الحب في عيون اللي حواليا واتقبل عيوبي قبل مميزاتي عشان اقدر اصلح من نفسي،اتعلمت إزاي أحدد أهدافي وسبب وجودي...
