الدنيا علمتني

part 10

لم أتكيف علي الوضع بعد،ولكن ألم فراقك عني أهون من ألم وجودي بجانب شخص لا يحبني....

................................................

يحيي...

خلصت شغل ولسه هركب عربيتي مريم اتصلت بيا وقالتلي"يحيي انت خلصت شغل"
ركبت العربية وقولتلها"اه ياحبيبتي محتاجه حاجه"
قالتلي وباين في صوتها القلق"لما توصل هبقي اقولك بس متتأخرش باي"
صوتها قلقني اتحركت بالعربية واول ما وصلت مريم استقبلتني قولتلها"في ايه يامريم قلقتيني"
"هو انت اتكلمت مع ريتال "
قولتلها بإستغراب "لا بقالي كام يوم مكلمتهاش بتسألي ليه؟"
"اصل هي مش بترد عليا وامبارح لما شوفتها كانت غريبة كإن في حاجه مضايقاها بس مش عايزه تقولي عليها والمفروض كنا هنتقابل النهارده بس كلمتها وهي مش بترد عليا روحتلها البيت محدش فتح انا قلقانه عليها اوي "
قولتلها بقلق" طب مش ممكن تكون في مشوار بتجيب حاجه ومسمعتش الموبايل"
"مش عارفه يا يحيي بس قلبي بيقولي ان في حاجه حصلت معاها امبارح انت مشوفتهاش كانت عامله ازاي...ولما سألتها قالتلي متوتره عشان المعرض..بس انا مش مصدقاها عشان كده قولت هعرف النهارده منها ايه اللي حصل بس ملقتاش"
قعدت جمبها وقولتلها بحنيه"متقلقيش يا مريم ممكن فعلا متوتره بسبب المعرض انتي عارفه انه بالنسبه ليها حلمها ومسؤلية عليها.. هي شوية وهتكلمك..او استني هكلمها انا "
مسكت الموبايل واتصلت بيها بس كان موبايلها مغلق...جربت مره تانيه ولسه مغلق..
"استني هكلم باباها واسأله عنها"
اول ما رد عليا سلمنا علي بعض وبعديها قولتله..
"متعرفش ريتال فين بكلمها ومش بترد عليا ومش موجوده في البيت"
"ريتال سافرت امبارح اسكندرية تغير جو..هي مريم مش معاها"
"بجد! يبقي شكلها نسيت تقولي اسف لو ازعجتك"
"لا ياحبيبي مفيش إزعاج ولا حاجه مبسوط اني سمعت صوتك بس انت كنت عايز منها حاجه"
كدبت عليه وقولتله" لا ابدا كنت بطمن عليها عشان كان المفروض تيجي وتعمل الفحوصات بتاعتها النهارده "
"مفيش مشكله تبقي تعملها لما ترجع بقي "
قفلت معاه..وقولت ل مريم
"ريتال في اسكندرية.. انتوا كنتوا متفقين انكوا هتسافروا؟"
قالتلي بإستغراب"لا ابدا مجابتش سيرة خالص انها هتسافر.طب ليه فجأه قررت تسافر من غير ما تعرفني..شوفت انا كنت حاسه ان في حاجه حصلت..بس هيكون ايه اللي حصل معاها يخليها تعمل كده..مش عايزه ترد عليا وطريقتها معايا كانت غريبة امبارح..بس انا متأكده إني معملتش حاجه تزعلها مني.."
طبطبت علي كتفها عشان تهدي وقولتلها"اهدي يا مريم..انا هكلم عمتو واعرف هي عندها ولا لأ "
جربت اتصل بيها بس مردتش عليا..لما شوفت مريم وهي زعلانه حاولت أهديها وقولتلها
"مريم ياحبييتي متشغليش بالك استني اعرفي الاول هي عملت ليه كده..اكيد في سبب مقنع يخليها تسافر يعني ممكن عايزه تهدي اعصابها شوية وتتخلص من التوتر عشان تقدر تهيئ نفسها للمعرض.."
قالتلي بحزن"طب ليه مقالتليش كنت هسيب كل حاجه وهروح معاها.."
"ياحبيبتي ممكن شافت انك مشغولة وماحبتش تزعجك انتي عارفه ريتال بتبقي حساسه في المواضيع دي ومش بتحب انها تشغلك عن شغلك.."
لسه هكمل كلامي لاحظت رسالة اتبعتت ليا فتحتها وكانت من إلين فتحتها وكان مكتوب فيها
(ريتال قاعده عندي.. هي حابه تصفي ذهنها شوية وتركز حاليا علي المعرض لو حابب تعالي واتكلم معاها عشان نفسيتها مش احسن حاجه )
استغربت من رسالتها بس اول ما شوفت ان ريتال نفسيتها مش كويسه اتأكدت ان كلام مريم صح وفعلا ريتال حصل معاها حاجه ومخبياها عننا...
قولت ل مريم " شوفتي ريتال عند إلين وزي ما قولتلك هي متوتره عشان المعرض مفيش حاجه حصلت.."
قررت مقولش ل مريم حاجه لحد ما اسافر واعرف من ريتال ايه اللي حصل معاها...
عدي يومين بسبب ضغط الشغل عندي معرفتش اسافر إسكندرية بس النهارده قررت اسافر ركبت العربية واتحركت علي اسكندرية....
...........................................
ريتال...