سأظل مُمتنه لذكراياتنا التي عشناها معا..حتي يأتي يوم ونتذكرها سويا....
......................................
ريتال...
ماسكه فرشة الرسم وعيني علي اللوحه مركزه علي أخر تفاصيل في الرسمه لحد ما خلصتها سيبت الفرشه من إيدي ووقفت أتفرج علي اللوحه بتركيز كانت عباره عن مجموعه من الورود الملونه.
بتمني حياتي تكون زي اللوحه دي مشرقه وملونه..
خلعت المريلة وفكيت شعري دخلت الحمام غسلت إيدي ودخلت قعدت في البلكونه حسيت إني زهقانه ومخنوقه بقالي اسبوعين مخرجتش من البيت ولا قابلت حد...لاحظت ان الجو حلو فقررت اخرج اتمشي شوية خدت موبايلي ومفاتيحي وخرجت من البيت اتمشيت في الشوارع وانا بشرب عصير التوت المفضل ليا..قعدت في الجنينه بتفرج علي الأطفال وهما بيلعبوا كوره..
مسكت الموبايل عشان اتصل ب مريم.. من يوم الجمعيه الخيرية واحنا متكلمناش بسبب إنشغالها..
فكرت شوية قبل ما أتصل مش حابه أزعجها في وقت شغلها فغيرت رأيي ورجعت الموبايل جنبي.. فجأه لقيته بيرن مسكته وكانت مريم..
رديت عليها وقولتلها..
"في بينا تخاطر مااحنا مش صحاب من فراغ كنت لسه بفكر أكلمك"
سمعت صوتها متغير وفي أصوات كتير حواليها وقالتلي"ريتال انا محتاجاكي أرجوكِ تعاليلي دلوقتي حالا ل مكان شغلي"
أتوترت من طريقتها وقفت وقولتلها
"طيب انا جايه حالا أهدي انتي بس مش هتأخر"
وقفت تاكسي وقولتله علي العنوان وطول الطريق وانا بدعي إن ما يكنش في مصيبه حصلت...
********************
اول ما دخلت الشركه أتجهت لمكتب مريم من غير ما أستأذن من حد...
شوفتها واقفه قدام الشباك وضهرها للباب قولتلها
"مريم حبيبتي في ايه اللي حصل؟"
جريت عليا وحضنتني وقالتلي
"ريتال في مصيبه حصلت وانتي الوحيده اللي هتنقذيني"
مسكت إيديها وخدتها وقعدنا علي الكنبه وقولتلها
"طبعا لو حاجه أقدر أعملها مش هتأخر عنك قوليلي عايزه ايه مني؟"
بصت في عيوني وقالتلي
"عايزاكي تبقي الموديل بتاعة الشركة"
سحبت إيدي من ايديها وقولتلها
"موديل؟ طب وفين الموديل اللي كنتي متفقه معاها؟"
"ما هي دي المصيبه جهزنا كل حاجه حتي المصور موجود بس هي كلمتني وقالتلي حصل عندها ظرف ومش هتعرف تيجي كنت هتجنن وقتها ولما فكرت لاقيت إن عندي صاحبة قمر وجميلة هي اللي هتنقذني في الموقف ده "
وقفت ولفيت حواليا وقولتلها
"لا.. لا مش هينفع انتي عارفه إني مش بحب الميك اب الكتير ولا إني أتصور وتقوليلي أبقي موديل لا لا مستحيل..انا ممكن أساعدك في أي حاجه إلا دي..انا منفعش "
وقفت قدامي وقالتلي
"يعني موافقه إني أتحرج قدام الشركه كلها والكل يقول عليا إني فاشله.. طب المصور اللي عماله أهندله من الصبح أقوله ايه دلوقتي.."
قالتلي مع ابتسامه
"ريتال انتي أكتر واحده مناسبه عشان جمالك اللي بيليق عليه اي حاجه..انا واثقة إنك هتطلعي تجنني.. وافقي انتي بس عشان خاطري.."
مش عارفه اعمل ايه كنت متوتره ومحتاره من الموقف المفاجئ اللي بقيت فيه...
أنت تقرأ
الدنيا علمتني
Romanceالدنيا علمتني إزاي أحب وأغامر وأواجه وأجرب حاجات جديده اتعلمت اثق في نفسي وأقدرها وأقيمها واحب نفسي الاول قبل اي شئ في الدنيا عشان اقدر ألاقي الحب في عيون اللي حواليا واتقبل عيوبي قبل مميزاتي عشان اقدر اصلح من نفسي،اتعلمت إزاي أحدد أهدافي وسبب وجودي...
