عقب الفجر | 𝐀𝐅𝐓𝐄𝐑 𝐃𝐀𝐖𝐍

- 2 -

وقبل يكمل على هيان مسكه نمر ويده على كتف عقاب الي لف بسرعه وتروع من نمر الي كان يناضره بنظرات عصبيه لانه كشف عليهم..

نمر:"عقاب؟"

عقاب:"نمر!..روعتني يارجال!..خل نروح قبل يجون عماتي!"

ربت عقاب على كتفه مرتين وراح وبقي نمر بمكانه ولف للجدار وكانت قادمه بس هيان لابسه بدي ابيض وبنطلون سبورت وفوقه جاكيت خفيفه عن الحشرات وشعرها اسود لين نص ظهرها ولهت غره خفيفه لين حواجبها الكثيفه و الواضحه حتى بوجود غره فوقهم وسواد عدسة عيونها ورموشها وملامحها البارزه كفيله انه يعيش مابقي من يومه والابتسامه ما تفارقه..

..

الجمعه الساعه ثمان الصباح هناك تهاني قاعده بصاله وسط خالاتها وبناتهم بس لو نناظر في الزاويه الثانيه راح نشوف المطبخ الي برا فيه هيان وابوها ياكل جوعان

هيان:"ليش تكرف نفسك لين تجوع؟!"

فيصل:"معليه وانا ابوك قاعد اكل الحين"

هيان:"خذ كل لازم تاكل زين ولا تكرف نفسك خلني اشتغل عنك!"

فيصل:"كولي معي؟"

هيان:"كل انت الحين انا مفطره ومن اليوم عند جدتي اكل واتتقهوا"

فيصل:"طيب يا بابا عطيني يدك"

هيان:"وش اليمنى او اليسرى؟"

فيصل:"وحده منهم سريع"

مدت له هيان اليمنى وهي فاتحها كفها له وضحك فيصل ولف يدها وسكر لها سواره سماويه فيها حبت كرستال بنص..

هيان:"ابوي!!"

فيصل:"حلوه صح؟"

هيان:"شكراا!!..تجنن ولله بكشخ فيها عند ملك!"

فيصل:"لحول الا بالله"

ضحك فيصل وقاطعتهم لما دخلت وحده ومعها صينية قهوه تبي ترتبها وتطلعها

فيصل:"خلود لمين هذي الصينيه"

خلود:"للعيال من اليوم يشتغلون قلت ارتبها لهم"

طلعت من عندهم هيان طايره من الفرحه من ابوها الي كمل فطوره وهو يضحك..

تهاني:"ياجده تكفين خليـ.."

"تهاني خليها تحط لك لازم تاكلين"

هيان؛"عمه منيره..وش فيك؟"

تقدمت هيان لعمتها منيره وهي حامل وكانت قاعده بأخر الصاله و وجها يتقلب