عقب الفجر | 𝐀𝐅𝐓𝐄𝐑 𝐃𝐀𝐖𝐍

- 8 -

هيان:"ملازم الوليد تعال شوف!!"

نادت هيان على الوليد وهم باقي بالقاعده بعد ماناموا فيها وصحوا من الصباح بدري

الوليد:"لا تناديني ملازم.."

سكت الوليد لما شاف السياره الي لقتها هيان رغم انها ددسن قديمه لكنها سياره

الوليد:"مفاتيح السـ.."

هيان:"لقيت ذي بس مدري اذا هي لها او لا"

حذفت هيان له المفاتيح ومسكها الوليد واعجبتها هيان حركته لما مسكها..

ركب السياره وشغل السياره وهيان واقفه قدامها بالضبط وتقدم بالسياره وبغى يشيل هيان الي تروعت ورجعت على وراء وطاحت و والوليد بقي بسياره يضحك

سكته هيان لما ضربت السياره برجلها وهي طايحه وطلع الوليد راسه من الشباك معصب لانها ضربت السياره

الوليد:"ماعندك غيرها ترا!"

قامت هيان من عنده متجاهلته وسلاحها على كتفها وهي تدور اكل واسعافات تاخذهم معها احتياط وهو بقي يشيك على السياره

اخذت شنطه هيان وهي تجمع فيها وكان فيه اشياء كثيره..

ترك الوليد السياره وراح يشوف هيان شقاعده تسوي طول هالوقت

الوليد:"خذيهم كلهم بسرعه"

لقى الوليد هيان محتاره بين بطانيتين وش تاخذ بطانيه

تجاهلته هيان واخذت الزرقاء لانها اكبر وطلعت من عنده

جمعت اغراضها وراحت وركبت السياره وحطت الاغراض بالمرتبه الثانيه وقعدت تنتظره الي جاء يتمشى وهيان منغبنه من الحركه الي سواها لها

الوليد:"اربطي الحزام"

هيان:"ملازم حنا مانبي تفحيط مثل اخر مره"

الوليد:"وقفي تناديني ملازم"

هيان:"ليش يا ملازم؟"

عقد الوليد حواجبه وتجاهلها وشغل سيارته وهي تربط الحزام وهو ربطه معها..

هيان:"وين بنروح يا ملازم؟"

تنهد الوليد وهي تحاول ترفع ضغطه وتجاهلها

هيان:"ملازم؟..ملازم الوليد؟..يا ملازم ليش ماترد علـ.."

سكتت هيان يوم وقفت السياره ولف عليها الوليد..