عقب الفجر | 𝐀𝐅𝐓𝐄𝐑 𝐃𝐀𝐖𝐍

- 13 -

عبدالكريم:"ولله ولدك الوليد كان هنا!..بندر بندر الي مهربه!"

بداح:"انت تعرف وش الي قاعد تسويه يا عبدالكريم؟..بدال ما تساعد الحكومه والشعب تدور الوليد ولدي!..حنا بحرب مو قاعدين نلعب وانت مو فاهم شي واهم الي عندك تشوف ولدي ينذل!"

عبدالكريم:"طال عمرك انا مابي اشوف ولدك يسوي الغلط وهو كان مع علاقه ببنت وانا متأكد!"

بداح:"عمرك ماراح تكبر وشغلك عند يا عبدالكريم خل نخلص من هالحرب لا تموت خلك حي!"

طلع من عنده بداح بعد ماهلسه هلس وقبل يلف عبدالكريم على بندر الي طلع وراء بداح

بندر:"قلت له مو لازم بس هو اصر اننا نناديك"

بداح:"لا تقعد عنده تعال معي"

بندر:"لا لا خلني هنا عنده لا يحوس بنات مساكين"

بداح:"الي تبيه"

مشى بندر مع بداح لين ركب سيارته وحرك من عندهم

لف بندر من عندهم بيدخل الا يلقي قدامه عبدالاله الي ضربه وطاح بمكانه..

..

هيان:"الوليد!"

نزل الوليد القناع الي عليه وصوت انفاسه مسموعه و وقف السياره على جنب الطريق وهو ماسك الدركسون بقوه لين بدا يضربه

هيان:"وشفيك بسم الله!"

تجاهل الوليد هيان ونزل من السياره معصبب ونزلت هيان وتقدمت لين وقفت قدامه وهي تبي تفهم

هيان:"وش الي يصير!"

الوليد:"كله بسببك"

هيان:"انا شسويت!"

الوليد:"لو اني تركتك وقتها في بيتكم كان احسن مايصير لي كذا"

سكتت هيان وهي تناظر فيه ماتدري شقاعد يقول الي قدامها يوم انفجر عليها

الوليد:"عبدالكريم الكلب!..يوم ناداك ليش ماجحدتيني!"

هيان:"انا الي علي الغلط؟..ليش ماجحدتني انت من البدايه!"

الوليد:"انا!.."

هيان:"ليتك تركتني وقتها..لو نادوني بدالك ياخذون من كلام ما اتوقع اني بفضحك عندهم"

هدا الوليد لما سمع كلامها وادرك الي قاله لها هو بس نقطة ضعفه ابوه وانضغط منهم وماكان قدامه الا هيان وبرد حرته كلها فيها