عقب الفجر | 𝐀𝐅𝐓𝐄𝐑 𝐃𝐀𝐖𝐍

- 10 -

ملك:"عمه خلود؟"

خلود:"سمي!"

فزت خلود في ملك لما جت عندها وهي ترضع ليان الي بين يدينها

ملك:"جيت اقعد معك..كيفك عمه خلود؟"

سألت ملك عمتها خلود الي رجعت قعدت وفاجأتها بسؤال

لفت خلود على ملك وهي تبتسم ابتسامه خفيفه كلها ألم

خلود:"بخير الحمدلله.."

ملك:"انا اسفه..انتي احسن وحده عرفتها وقلت اتأسف لانك ما تستاهلين الي صار لك"

خلود:"ملك ياحبيبي"

حضنت خلود ملك الي بادلتها الحضن ونوف تناظرهم من بعيد بدون اي ردة فعل اكتفت انهم تشوفهم من بعيد

فيصل:"اُمي نوف؟..بسم الله عليك ليش قاعده هنا لحالك وتناظرينهم روحي اقعدي معهم"

نوف:"لا مابي معليك"

فيصل:"اجل انا بقعد معك"

قعد فيصل مكانه واستحت نوف انها تسحب عليه وقعدت جنبه

فيصل:"تعرفين شي عن امك واختك؟"

نوف:"هلا؟..مدري عنهم شي"

فيصل:"الله يحفظهم يابنتي ان شاء الله"

نوف:"امين.."

سكتت نوف لما شافت اسلوب خالها فيصل معها رغم الي تسويه مع بنته والمحارش مع زوجته لما كانت تجيهم الا انه ماتركها وخلا تصرفاتها تزيد كره لها وكان معها وماكأنها سوت شي..

فيصل:"تبكين؟"

سألها فيصل وهي لفت عليه مو مدركه انها قاعده تبكي وعلطول مسحت دموعها

مد لها فيصل منديل تمسح عيونها فيه وحط يده من وراها يربت عليها

فيصل:"اذا ماودك اني احضنك بروح انـ.."

قاطعته نوف لما حضنته وابتسم فيصل لها وبادلها الحضن وتراجعت نوف وماطولت

نوف:"لقيت شي احسد هيان عليه غير جمالها"

فيصل:"..حتى انتي جميله"

ضحك فيصل عليها وهي تبي تحسد هيان ورد عليها وهو يمسح على شعرها..

كانوا ملك وخلود باقي مع بعضهم يسولفون لما سكتوا فجأه ولفت ملك على خلود عندها فكره بس متردده