عقب الفجر | 𝐀𝐅𝐓𝐄𝐑 𝐃𝐀𝐖𝐍

- 19 -

اخذها الوليد وهو يبي يطلعها من هنا قبل تتحرك من قدام السياره تعثرت وسلاح الوليد ضغط على جرحها الي في جنبها

حس الوليد انها تعورت ولف عليها وهي واقفه وماسكه مكان اصابتها

الوليد:"تعورتي؟"

هيان:"لا ضربه خفيفه"

ناظر فيها الوليد وهو كان بيسوي حاجه لكن المكان ما كان مناسب له واخذ هيان لقسم الحريم الي كانوا وراء تيزار ممدود حولهم يحجزهم عن الرجال وكانوا قليلل مره..

دخلت هيان واخذت لها مكان تقعد فيه وهبت عليهم هواء بارده لكن كان عليها جاكيته ودفت منه

كانت تبغى ترجع لاهلها بس هي متزوجه وبالحلال متزوجته لكن كيف راح ينظر فيها ابوها الوليد رجال وكان واضح ان علاقته في ابوه مو قويه ودامه عنده وظيفه وفلوس بيتزوج هيان اذا كان يحبها واخذها بالحلال وهو مو متهم في احد عكس هيان الي هي قريبه مره من ابوها وبكره واول بنت له وهو حاط كل اماله فيها درسها وتعب عليها ورباها وهي بس بوسط هذي الحرب تزوجت ومحد من اهلها معها

الافكار اخذت هيان شمال وجنوب وضاقت فيها الدنيا وهي خايفه من ابوها وردت فعله على موضوع زواجها ويمكن يفكر تفكير ثاني

قاطع تفكيرها البنت الي وقفت فوق راسها ورفعت هيان تناظر فيها وفتحت عيونها لانها عرفت البنت الي جت وقامت تحضنها بقوه

هيان:"تهاني!!..كيفك و وش صار عليكم وين رجالك؟"

تهاني:"هيان انتي كيفك وليش لحالك هنا!..اهلي بخير؟"

هيان:"تهاني انا ما قابلت احد فيهم طول هذي الفتره..انا بس شفتك"

جاوبتها هيان ماتبي تعلمها ان فلان مات وفلانه فيها هي تبي احد معها ماتبي تواسي وتقعد معهم لانها تعبت من المواساه وكأنها خلقت تواسي وتحاتي الي حولها

تهاني:"رجالي موجود مع الرجال هناك..هيان مين الي كنتي معه اولا؟"

هيان:"هلا؟..هذا قصدك الوليد؟"

تهاني:"معرفه بس كنتوا واقفين قدام بعض عند السياره وجيتي من عنده"

سكتت هيان متردده تصارحها لين ما مسكت تهاني يدها وقعدتها جنبها

تهاني:"تكلمي اسمعك"

هيان:"هذا..زوجي"

تهاني:"انتم متزوجين؟"

هيان:"ايه"