عقب الفجر | 𝐀𝐅𝐓𝐄𝐑 𝐃𝐀𝐖𝐍

- 7 -

خلود:"اليوم راح نترك القاعده ويمكن نروح لرياض وراح نجتمع مع ملك وامي ويمكن تهاني واهلك بعد"

هيان:"ان شاء الله يارب انهم بخير وابوي بعد وعماني"

كانوا قاعدين يلمون اغراضهم وتقدمت لمياء عند هيان تركض

لمياء:"هيان انتي تدورين تيشرت طول الفتره هذي؟..لقيت لك واحد!"

مدت لها لمياء تيشرت ابيض ساده وابتسمت هيان لانها تبي تيشرت والفستان ضايقها..

هيان:"انتظري لمياء هنا بلبس وبجيك!"

اخذت هيان التيشرت وراحت تركض عند الحمامات تبدل وعلى ما تنزل الفستان اخذ منها وقت..

هل الموت مكتوب على هيان او ان هذا ابتلاء من الله..

بدقيقه هجموا الاعداء على القاعده بدون اي سابق انذار ولحسن حظهم انهم كانوا يجهزون عشان يطلعون من القاعده بس مافيه امل

طلعت هيان والفستان بيدها وهي لابسه التيشرت ومن فوقه الجاكيت لـ الوليد وقاعده تنفض الفستان عن الغبار وتحاول تنضف بقع الدم الي عليه..

وهي طالعه طاحت الحرمه قدامها تزامن مع صوت الرصاصه

وقفت هيان مكانها وهي ترجف وهذا الشي له تفسير واحد..

قاطعها وخلود تصرخ عليها تجي وليان تبكي..

( الوليد:"هيان السلاح عند كتفك..هيان ركزي!..هيان بدلي مكانك بسرعه وبتركيز!..هيان السلاح يبي له شجاعه سمعتي العدو يطلق لا توقفين لين يجيك الموت على رجوله!" )

تذكرت هيان كلام الوليد لها وهو يدربها..عضت على شفتها السفليه وركضت مابين هروب الناس وصياحهم وطلق النار والعساكر تركض يمين ويسار

هيان:"اطلعوا من هنا بسرعه!!..نوف خليك مع خلود اكيد انهم بينقلون الناس من هنا خلوكم بأول سياره!!"

طلعتهم هيان والفستان بيدها تدور لمياء وجده حصه ومالقتهم والناس تهرب من الخيمه وهي داخله تدورهم..

تروعت لما سمعت طلق النار من وراها و وقفت مكانها

لفت وراها الا والعدو طايح بمكانه والوليد عند باب المخيم وعطاها الموافقه..

تنهدت وهي ترجف اخذت سلاحه وهو طايح العدو وقبل تطلع لقت لمياء وجدتها متخبيات في مكان ضيق وماينشاف وركضت لهم

هيان:"جده حصه هذا غلط قوموا في سياره خليكم معها!!"

قومتهم هيان ومدت الفستان للمياء ودفتهم يمشون وركضت قدامهم وهي رافعه سلاحها رغم رجفة يديها وماكانت مستعده لهالشي..