عقب الفجر | 𝐀𝐅𝐓𝐄𝐑 𝐃𝐀𝐖𝐍

- 9 -

بعد يومين من الصباح كانت هيان قايمه ولقت لها ملابس وبدلت لبسها وكانت على الكرسي قاعده تنشر لبسها بعد ما غسلته على حبل رابطينه للملابس

هيان:"ودي اغسل شعريي مرره رايح فيها وريحته!"

من كثر ماهي كاره شعرها كانت تتحلطم مع نفسها بسببه وهي متضايقه منه لانه على استشواره من العرس..

"لبسك حلو"

تقدمت بنت من وراها وكانت تكلم هيان الي قعدت مكانها تحلطم الا وتلف على البنت لما انتبهت لها وضحكة هيان على كلامها لان لبسها موب حلو كان مرقع

هيان:"متأكده؟"

"اي ولله"

كانت هيان لابسه تيشرت احمر طفولي شوي وتنوره بيضاء مكسره لين ساقها

هيان:"بس تجف ملابسي برجع البسهم بس الجو دافي اليوم خففت لبسي"

"اتوقع ان الصيف بيدخل خلاص.."

هيان:"ايه..معليش عندي شغله بروح اخلصها"

"اييه روحي"

تركتها البنت تروح وراحت تنشر ملابسها وطلعت هيان وهي لافه على راسها شرشف طويل ومغطيه اكتفها فيه

انتبه لها نمر طالعه وهو موقف بالحراسه لبوابة القاعده وراح يركض لها بسرعه

نمر:"هيان؟..وين رايحه"

هيان:"بروح لعقاب"

نمر:"ها؟..كذا؟"

هيان:"وشو؟..الكل شافني جات على عقاب؟"

نمر:"ها.."

هيان:"بعدين شدخلك انت؟"

نمر:"وش دخلني؟..كيف وش دخلني انا مثل اخوك ترا!"

هيان:"وش فرقك عند عقاب؟..روح شوف بوابتك لحد يداهمنا وانا بروح اتطمن على عقاب"

نمر:"اسمعي..تراه مايدري عنك"

هزت هيان راسه رايحه قدامها لعقاب وبقي نمر بمكانه مو مرتاح لهذا الشي بس رجع لدربه ماله كلمه عليها

دخلت هيان هناك وكان فيه ثنين ثلاثه وعقاب معهم

كان عقاب منسدح على اسفنج بس الي تحته..كان يساعده واحد من الفريق الطبي عشان يقوم بعد ماغير له الضماده وعقم له جرحه

راح الي كان مسؤول عن عقاب تزامن مع دخلت هيان..

شافه عقاب لين طلع وشاف البنت الي دخلت مع طلعته ما اهتم ورجع يتكي راسه متعور وثواني ويرجع يناظر البنت الي دخلت وهو فاتح فمه وكانت هيان حتى هو ماعرفها