عقب الفجر | 𝐀𝐅𝐓𝐄𝐑 𝐃𝐀𝐖𝐍

- 11 -

الشيخ عبدالكريم:"لا تجي وتفاهم معها اذا هي ماتستحي على وجها اعلمها الحياء!"

الشيخ بندر:"يا شيخ عبدالكريم خاف ربك عيب الي تسويه مو زين"

الشيخ عبدالكريم:"شف انا بهرج معها اذا هي فاسقه وماتسـ.."

سكت الشيخ عبدالكريم يوم دخلت هيان وما شال عينه عنها يوم شافها مالام الوليد يوم جاها ولا عبدالاله يوم يجي ينقل عنها الوليد عشان تبقى له

لف عليها الوليد وكان ماله خلق شي يبي يطلع من هالمكان وبس الين ما التقت عيونهم ببعض وسكر الباب وراها

تغيرت الوليد ملامحه ولف عنها وهو مايدري وش سوا كأنه متحسف انه تركهم ينادونها..

شافت هيان المطاوعه وهي ماخذه عنهم فكره غلط تماماً بسبب القصص الي تنقال عنهم وتسمعها عنهم

الشيخ بندر:"يابوي ماتغطين وجهك انت؟"

سكتت هيان ماردت عليه وماتدري وش يبون منها لين تقدم عبدالكريم عندها وقام الوليد بدال ماكان قاعد على الكرسي

ناظره عبدالكريم وابتسم لانه لقي الزله عليه وبينهم شي الحين

الوليد:"و البنت وعندكم..فكني بروح"

اختفت ابتسامة عبدالكريم وسكت وما جاز له الوضع

عبدالكريم:"لا خلك واصبر"

تقدم عبدالكريم عند هيان و وقف قدامها ولف الوليد عنه وعن هيان وعطاهم ظهره وهم وراه واقفين

عبدالكريم:"مين بنته انتي؟"

هيان:"ليش تسأل"

عبدالكريم:"انا من السربتان انا من الحكومه لازم تجاوبيني"

هيان؛"وش يضمن لي"

الشيخ بندر؛"انتي بنت فيصل؟"

هيان:"وش دراكم؟"

الشيخ بندر:"يعني الوليد معلمك ليش تروح تحشرها بالجواب؟"

عبدالكريم:"انت بتتركني اشوف شغلي؟"

سكت بندر عنه لكن لفت انتباه الوليد وناظره..

عبدالكريم:"تعرفين هذا الرجال؟"

اشر عبدالكريم على الوليد الي معطيهم ظهره وسكتت هيان وهي تبي تعرف السالفه بلأول

هيان:"هذا عسكري ساعدني.."

عبدالكريم:"اخوياه مشتكين عليكم ان بينكم شي الله حرمه"