عقب الفجر | 𝐀𝐅𝐓𝐄𝐑 𝐃𝐀𝐖𝐍

- 6 -

"انتي هيان الي لابسه جكيت عسكري!"

ركضت البنيه لما شافت هيان ونقزت لو هي قدامها

تروعت هيان منها وهي كانت قاعده مع ليان وخلود تصلي ماصلت الفجر ونوف قاعده عندهم لا شغل ولا مشغله..

"ابوكِ فيصل يدق عليك بالمخزن"

همست لها البنت في اذن هيان الي اختفت كل ملامحها فجأه ودمعت عيونها وقامت من مكانها وخلود توها تسلم ماتدري شفيها ونوف استغربت منها لما قامت فجأه..

ركضت هيان وهي بحلقها الغصه وكأنها سامعه ان ابوها موجود هناك..

دخلت للمخزن وهي تتنفس بسرعه ويدها على قلبها وهو يدق بسرعه والغصه بحلقها تدور احد ومالقت احد

للحظه حست انها كذبه وان البزر تلعب معها بلعت ريقها لعل الغصه تروح وقبل انها تطلع مسكها من يدها بدون ما تشوفها وسحبها وراه

كانت تمسح دموعها الا وهي بمكتب صغير متواضع على قد حاله والتلفون قدامها سماعته مو مكانها

لفت على وراء وكان الوليد بدون اي ردة فعل او اجابه لحركته

اشرت هيان لسماعة التلفون وهز راسه لها ونزلت دموعها غصب وتقدمت لمكتبه واخذت السماعه ترفعها لأذنها

كحة هيان عشان تسمع اذا فيه احد الا ورجفة صوت ابوها وهو يناديها

فيصل:"يابابا هيان ردي علي!"

هيان:"ايه يابابا"

فيصل:"لا تبكين تكفين انا بخير وعمانك سعد وعزام بخير ونمر وعقاب وملك وجدتك سلطانه كلنا بخير!!"

هيان:"يا بابا وينك انا رحت ادور عليك!!"

فيصل:"اي يابوي انا بعد دورت عليك بس علمني نمر انك بخير انتي وليان"

هيان:"يا بابا انت وينك بأي قاعده!"

فيصل:"قاعده؟..مدري بس فيه واحد جانا اسمه الملازم بندر معه ناس معرف بأي قاعده حنا"

هيان:"انا اشتقت لك ولأمي.."

فيصل:"حتنى ولله يابوي بس معليك انتي خليك بخير عشاني ولا تموتين زين!..ونروح عند امك واخوانك بس انتبهي!"

هيان:"ابشر..حتى انت بعد!"

فيصل:"يلا يابوي لازم اسكر امسحي دموعك ومعليك حنا بخير اهتمي بنفسك اهم شي وليان!"