عقب الفجر | 𝐀𝐅𝐓𝐄𝐑 𝐃𝐀𝐖𝐍

- 14 -

"افتحوا البوابه!!"

صرخ العكسري الي كان راقي لفوق القاعده ومعه قناصته وكانت سيارتين متقدمات للقاعده

طلع فيصل ومعه عزام برا المخيم و وقفوا يشوفون الي دخلوا بسيارات

نزلوا كلهم الا ويلمح فيصل عواطف اخته وركض لها خايف عليها

فيصل:"ياعواطف!!"

عواطف:"اخوي فيصل!"

حضن فيصل اخته الي ما بادلته الحضن واكتفت بالوقوف قدامه

عزام:"عواطف وين هاجر وشفتي نمر وعقاب شفتي هيان او تهاني؟؟"

عواطف:"بنتي نوف.."

فيصل:"نوف بخير وهي هنا هاجر وينهي طيب؟"

عواطف:"هاجر عطتكم عمرها"

رديت عليه عواطف وراحت من عنده تدور بنتها نوف وكان كل من فيصل وعزام واقفين في مكانهم وهم يدركون انهم كل شوي يخسرون احد

فيصل:"الله يرحمك ياهاجر ويغفرلك"

عزام:"انا لله وانا اليه راجعون"

عقاب:"ابوي!"

نادا عقاب في ابوه الي التفت على ولده وراح له يخمه وكن روحه رجعت له وهو ماكان مستبشر في رجعته

فيصل:"عقاب!..الحمدلله على سلامتك نمر وينه وشفتوا هيان!"

عزام:"تعال تعال استريح"

اخذ عزام ولده يقعد وجاب فيصل له مويه بس يبي خبر عن بنته

عقاب:"ولله الي صار ان العدو هجم علو قاعدتنا مع ان نمر والي معهم كانوا يطلعون لها يدورون حولها لكن الله ياخذهم بس!..كان نمر يحارب بكل ما اعطاه ربي اقول يابوي وياعمي وانا اسف على هالصراحه بس نمر راح من عندكم بدون أمل في رجعته وكل الي يبيه يلحق امه الا اننا صادفنا هيان هناك.."

فيصل:"هيان بنتي!!"

عقاب:"اي ياعمي بنتك هيان رجعت الحياه لنمر خلته يصير له سبب وحتى يوم جابني لسياره وجاب عمتي عواطف ما وقف وراح يدور عليها"

فيصل:"ياولدي ياعقاب هيان كيفها وش حالها هي بخير وجها كيف؟"

عقاب:"ولله ياعمي انها هي الي كانت تجيب لي فطوري وغداي وعشاي ومغير توصينا مانموت وبخير بنتك"

سكت فيصل وقعد في مكانه يبي بنته ميت عليها وقعد عزام ياخذ علوم ولده ..

دخلت عواطف على مخيم الحريم الا ونوف تصادفها ومعها كيس فيه ملابس